Isaia 5:18 - Iaai Bible 1901 (New Caledonia)

¹⁸ Ekölö gadra adre me lelö monu ge je toiny thoi, ke lelö hulo ge toiny kat:

Isaia 5:18 ပူးပေါင်းရင်းမြစ်များ

Salamo 10:11

Haingen eû hnyi hnyekon, ka habe, A hnying ut Khong: E ame ikhâlâ hnyimakan; e ame ca he balua ka wâ.

Salamo 14:1

HAINGEN at ae monu eû hnyi hnyekon, ka habe, E ba Khong. Odra bo kong, adre me ânyâ ta je huliwa ae ikiki; E ba at ame mâdrâ so.

Salamo 36:2

Anyin a e ame haisoâ e bi hnyi ka hnyimakan bi, A adre me ca he ka wâ anyin hulo, me ikikiâ e.

Ta je Vejec 4:17

Anyin adre me han aretoiny hulo, Me ijem wainainy ûokonguny.

Isaia 28:15

Anyin a öbun e ha, ka habe, Öhmun e hia but ûhihinyköu me mok, ke öhmun e tha hien me hedis; e ka o thö okongon ae: bahihingölö, ame ca he ka o kohmun; anyin a öhmun e hia but wia thoi me hnân anyihmun hnabâ, ke öhmun e hia but ikhölö hmelen iyawo:

Jeremia 23:10

Anyin a unöngötö hnyei ge tavat bi ûnyi monu; anyin ame tenge hnyei can hna hângâ: e atgec dö je dok a je sajilat hnyi hnyebuba: ke kong dedra je gethen, ke ca wisa tang hwegiödra.

Jeremia 23:14

Ke oge hia but wâ ûnyi ae ikiki unyin je perofeta hnyi Jerusalema; adre me bi ûnyi monu me vheno thoi, ke adre me ohwegiâ je hnyamen tavat ae kong, me me ca ve ödra hmetu hnyi anyidra hulo: ödra hia thithö adre me helâ me at Sodoma könya, ke haba tavat adre me labā e, ödra helâ me Gomora.

Jeremia 23:24

E hu at ama ikhölö hnyi dok ae iyong ke oge me ca he ka wâ? haingö Iehova. Hawa, e ca unöngöt drany me hmeledrany gak? haingö Iehova.

Jeremia 36:23

Ke a hia but Jehudi aû je ke keihen ame ne kun ame ne vak, me e ame kave e ge hele delö pen, me khûâ ka hnyi meic wale hnyi taben, ke ne o but ame an dut tusi meic.

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Ezekiela 13:22

Anyin a öbun e hia but ovecâ hnyekon at ae wisa ge je thoi, waleji oge me ca ovecâ; me ohwegiâ hnyamen tavat ae kong, me me ca he ka hmetu bi ûnyi hnyi deny gethen ae monu, me me möt:

Zefania 1:12

Ke hnyi ûen eling oge me he ka jien Jerusalema ge je lamepa; ke oge me he ka bi hwaban ka tavat adre me laba sot, tavat adre me ha eû hnyi hnyok ka habe, Ame ca he Iehova ka mâdrâ so, ke ame ca he ka ânyâ minya ûnyi ae kong.

Ioane 16:2

Adre me he ka obʼ öbun ûnyi hnyi ta je sunago: eke, ame he ka o ûen, a gʼ ame he at ka hlingʼ öbun, me ûnykûme a e ame bi aten Khong.

Ta je huliwa 26:9

E hnathu, haba ehac oge me ûnykûme a e ûcû könya he ka mâdrâ ta je ûnyi ae se he ka ûö bi ûnyi me iö Iesu At Nazareta.

Owisa 17:13

Ke haingö Mika, ka habe, E khanö nya walang ang a ga me he Iehova ka ânyâ ûnyi ae so könya, anyin ae hu unyik at Levi hnân at bihut.

Owisa 17:5

Haba Mika, me ame tren uma umen je khong, ke e ame ânyâ iefoda, me je idola, me okabâ ke nokon me me at bihut unyin.