Isaia 5:17 - Iaai Bible 1901 (New Caledonia)

¹⁷ Ke ame he lakon mamoe ka han hnyi hna alin ödra ka hnyin, kʼ ame he ta je atkanyua ka han ta je hnyei iny tavat ae pipikhenya adre me hna degecâ.

Isaia 5:17 ပူးပေါင်းရင်းမြစ်များ

Nehemia 9:37

Ke ame hwenying gan hmâ hobi kâu je than waleji u je otilâ huhmun can anyihmun je hulo: ke ödrin e muso je unyihmun, me halehmun omeno, hoton wedrin, ke gan hmâ vec kohmun.

Salamo 119:70

A khot ut ta je hnyekudra ge pipikhenya; Ke inya oge me hobâ ânyâm hnanyibu.

Salamo 17:10

Adre me lan ödra bi ge anyidra pipikhenya, Kʼ adre me hobeluʼ ödra ge je hnyimödra bi.

Salamo 17:14

Iehova lö, omeli nya thö ûnyi ge tavat hnen hnyamâm, Ûnyi ge aten hmeledrany, tavat tren jekhoû hnyi möt ang, U je öunöngötâ je tang tidra ge tang omjehem: Adre sekudra but je lakudrin, Ke adre me hna kolon ge anyidrin ta je ûnyi ka lakudrin je mendring.

Salamo 73:7

A didrut li emaködra hnen pipikhenya: A bahihingölö je ûnykûmânen ta je hnyekudra.

Isaia 1:7

A ba but wan ibun hnyei; a hia but thong anyibun je taun ge meic; ke haba könöbun kânâ, me ame an e hnen ta je atkanyua hnyi hnyimaköbun, me ba wan, helâke adre hagutâ degecâ hnen je atkanyua.

Isaia 10:16

Anyin a wale ame he Than, Than tuhan sabaoth, ka kunâ delâ ka anyin ta je pipikhenya; ke eû hnyi hmelen anyin hmanenang adre me he ka vâc hna hiâ helâ me hna hlâiny meic.

Isaia 17:2

Adre me he ka hna degecâ but je tauniny Aroera: ke hnân bi hobi kâu je hnahat mamoe, kʼ adre me he ka mokut eling ke ba at ame he ka ootödra.

Isaia 32:14

anyin adre me he ka hna bi uma ae mec, adre me he ka degec taun ae ti hu aten; ame he dok ae hut me tap tue ka hnân op nyiele balua, hnân senyin hnen je asinainy hnyot, hnân han tot hnen ta je hnahat meno;

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Isaia 65:10

Ke ame he Sarona ka hnân hnyeuleiny ta je mamoe, ke haba, hwatapkoluiny Akora me hnân mokut hnen je hna hat meno, hobi kâu lakeik waleji tavat adre me elom nya.

Isaia 7:25

Ke haba hnyi je ong bucen hia waleji adre me labö trohnenâ ge unu, me u me ca he ka he ka hnyin, anyin a u ma outen je iwadekong me watetaföcö, ke hnân bi e kunâ je bolok ka hnyin, me hnân uto ge je mamoe.

Jeremia 5:28

Ödra pipikhenya me habubut; eke, adre me beönua hnyi hulö: adre me ca ivinö, wale ivino hobi kâu at a mokcu kamen, mʼ adre me he ka sot; ke adre me ca owisa ge wisainy at ae theduoc.

Je tenge anyi Jeremi 5:2

Adre hom ihmun hobi kâu ta je atkanyua, Me umöhmun je uma hobi kâu aten ke je hnyei bi.

Hosea 4:16

Anyin a hia but Isaraela ûkhin fuc, helâ me man kau at ame hwen höcö: ke ame he Iehova walang ang ka ha ö ʼdra helâ me nokon mamoe hnyi dok ae lau.

Hosea 8:7

Anyin adre me belökâ ang, me adre me he ka meno hou: ke ba gan hwit ame kû, ke ba falawa hnyi boviny: ke a ne hu, me ame he bi je atkanyua ka utâ e.

Mika 2:12

Jekob lö, oge me he ka ûkhacaköuö u hia; e hnathu oge me he ka ûkhöûnâ je kolon Isaraela; oge me he ka tha ip ödra helâ me je mamoe hnyi Bozera; helâ me hnahat meno hnyi idra utkânâ, adre me he ka mede, anyin ae se hia tavat.

Zefania 2:14

Ke ame he je hnahat meno ka mokut hnyi wanben e, a omenoiny ta je hnyei hia: ame he kati me kifoda ka mokut hnyi ban je hmolominy: kʼ adre me he ka cûk hnyi je mamalama; ke ba at hnyi je hwanuma: anyin a e ame he ka hom singiny ûnyi hnyi hon hna huliwan arasi.

Zefania 2:6

Ke haba hobat köiö, me ame he ka hu je uma umen tavat tuö mamoe hnyin, ke ta je hnyeuleny je hnahat mamoe.

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

Deuteronomi 28:33

Haba wan kânâm kânâ, me ânyâm ta je huliwa hia, me ame he hnyei kanyua he ka han hia thibut; kʼ adre me he thibi ka okongu u, me hlic u balua:

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.