Isaia 5:16 - Iaai Bible 1901 (New Caledonia)

¹⁶ ke adre me oganö Iehova tuhan sabaoth ge hna owisa, kʼ adre me okabâ Khong at ae Kap ge hwakecin ae wisa.

Isaia 5:16 ပူးပေါင်းရင်းမြစ်များ

I. Man Ûlabainy Je Than. 29:11

E unyâm, Iehova lö, ûganiny, me man, me hmanenang, me hwege, me musi: anyin a ânyâm ta je ûnyi hia ethö hnyi drany me eang hmeledrany; e unyâm dökhu, Iehova lö, ke adre oganö u me me ban ta je ûnyi hia thithö.

Salamo 21:13

Iehova lö, e so u ma beönua hnyi manâm man: Me ohmun e he ka khumöng me oganâ manâm man.

Salamo 46:10

Më soju, ke khanʼ öbun dö a inya thibi Khong: Oge me he ka beönua hnyi ta je hnyei, oge me he ka beönua eang hmeledrany.

Salamo 9:16

Ke haba Iehova ame omanenâ e bi, kʼ ame owisa: Kʼ ame hnok dö at ae kong ge huliwa anyin li hnyamen. [Higaiona. Sela.

Isaia 12:4

Ke haba hnyi bong eling öbun e he ka ha, ka habe, Oleâ thö kö Iehova, hawâ thö ien; omanenâ thö unyin ta je hnyei anyin ta je huliwa, ke thumeto thö ae beönua thibi ien.

Isaia 2:11

Adre me he ka ohnyikânâ hnyimakan tavat adre me begörany, ke adre me he ka hom ûhnyûkongo tavat adre me bi gan, ke adre me he bi ka oganö Iehova thibi hnyi bong e.

Isaia 2:17

Ke adre me he ka hom ûhnyûkongo tavat adre me begörany, kʼ adre me he ka ohnyikânâ tavat ae bi gan: ke adre me he ka oganö Iehova thibi hnyi bong e.

Isaia 2:9

Ke ame nom ju hoûmonu, ke ame hnyikânâ but at ae ûnyi hnathu: anyin a wale u me ca he ka kot degecâ anyidra hulo.

Isaia 28:17

Ke oge me he ka ânyâ hna owisa hnân tulut, ke hwakecin ae wisa hnân tulut ûhni; kʼ ame he we wahma ka aba degecâ hna-bâiny thoi, kʼ ame he ka bahihingölö ta je köiö ka hnyi dok adre me lubaduöng hnyin.

Isaia 29:23

Ke e ka wâ lakon, wale huliwa anyin li hnyamok hnyi wanben, me adre me he ka okabâ iök; eke, adre me he ka okabâ Kabi Jekob, me outen Khongu Isaraela.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 33:10

Ke haingö Iehova, oge me he bi nya walang ang ka tot; oge me he ka oganö nya bi walang ang; kʼ adre me he walang ang ka ogöranyi nya.

Isaia 33:5

Adre me oganö Iehova; anyin a e ame laba ethö: e ame hia but ounöngötâ Ziona ge hna owisa me hwakecin ae wisa.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 6:3

Ke adre me ûkukoköu me ha, ka habe, E kap, e kap, e kap, Iehova tuhan sabaoth: e unöngötö hmeledrany hia ge anyin hmanenang.

Isaia 61:8

Anyin a inya Iehova oge me hnyok ka hna owisa, inya oge me hûkotiâ venöu, ke hwakecin ae kong; ke oge me he ka bihwaban kodra hnyi hnathu, kʼ oge me he ka ânyâ mödra ûhihinyköu a nyiele balua.

Isaia 8:13

Öbun e he ka okabi Iehova tuhan sabaoth; ke so öbun e he ka ot kâu, me öbubuny gan.

Ezekiela 20:41

Oge me he ka köp öbun, helâ me ûnyi ae bo so, iny ka he ka hum öbun unyin ta je hnyei, me ûkhacaköu öbun ûnyi hnyi ta je hnyei waleji adre hia but ovesei öbun ka hnyin; kʼ oge me he ka kap bi ûnyi gabun hnyi hnyimakan ta je hnyei hia.

Ezekiela 28:22

me ha, ka habe, Walang hna ha hnen Than Iehova, ka habe, Wâ bi, ûcûk u Zidona; kʼ adre me he ka oganö nya hnyi wanbâm, mʼ adre me he ka wâ a inya Iehova, iny ka hia but owisa kâu, ke ka hia but okabi nya hnyin.

Ezekiela 28:25

Walang hna ha hnen Than Iehova, ka habe, Iny ka hia but ûkhacaköuâ lap anyi Isaraela ûnyi hnyi je hnyei a je hnyei adre ovesei ödra ka hnyin, kʼ adre hia but okabi nya bi hnyi hnyimakan ta je hnyei, me adre me he ka labâ idra waleji oge me ham ka athnyabaik a Jekob.

Ezekiela 36:23

Ke oge me he ka okabâ iök ae gan, waleji adre me haikongoâ unyin ta je hnyei, wale öbun e hia but haikongoâ hnyi wanbödra; me ame he je hnyei ka wâ a inya Iehova, iny ka okabi nya bi gabun hnyi hnyimaköbun, haingen Than Iehova.

Ezekiela 38:16

ke u me he ka o ûcon ik hnyei a Isaraela, helâ me ûlâ ame tube hnyei; ame he ka o hnyi je bong a biliny, me oge me he ka oi u ka hnyi ik hnyei, me me wâhmakhmetu u, iny ka kap gam Gog lö, hnyi hnyimakodra.

Ezekiela 38:23

Ke oge me he ka oganö nya, me okabi nya bi, ke oge me he ka manen hnyi hnyimakan je hnyei ae se hia; me adre me he ka wâ a inya Iehova.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Levitiko 10:3

Ke haingö Mose kö Arona, ka habe, haba ûnyi ang waleji ame ha Iehova, ka habe, Ame he ka okabi nya ge tavat adre me hakekeny könya, kʼ adre me he ka oganö nya hnyi hnyimakan tavat hia. Ke haba Arona ame ca fuc.

Numera 20:13

Haba köiö ang me an Meriba: anyin ame ivinö lakon Isaraela me Iehova, ke adre okabâ e gan.

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

I. Peteru 1:16

anyin adre hia but sihnalimen, ka habe, Okabi öbun ju, anyin a iny kap.

I. Peteru 2:15

Anyin a wale weny Khong, mʼ öbun e he ka ohnyiböâ hwen monu anyin tavat ae ca metâ ge anyibun huliwa ae so:

I. Peteru 3:15

ke okabâ ju Keriso eû hnyi je hnyekubun me me Than bi: ke laba penapena bala öbun he ka thu kodra hia tavat adre me hnei öbun ge bongon labageju wale eû hnyibun, ke so bi hnyi menyik me ot;

Hna Omanenâ 3:7

Ke sihnalimen ju ka angela anyin ekalesia hnyi Filadelefia, ka habe, Walang ta je ûnyi ame ha hnen at ae kap, ke hnathu, at ae hu gan ki anyi Davita, at ame khong, ke ba at ame he bi ka hlöng, kʼ ame hlöng, ke ba bi at ame he ka khong:

Hna Omanenâ 4:8

Ke haba je ûnyi ae möt a vak, me ve hu gadrin je labenyidrin a siks, ke ödrin unöngöt hnyi je ke keihen ke eû hnyin ge je ecmak; ke ödrin e ca menâ hnyi lany me lit he ka ha, ka habe, E kap, e kap, e kap Than a Khong, At ae khana hia, waleji adrem, ke walang ang, ke ame he ka o.