Isaia 5:14 - Iaai Bible 1901 (New Caledonia)

¹⁴ Anyin a wale a hia but hedis ogânâ weny bi, kʼ ame memang gan hmâ a ca hnân bi tuluto: me ame tha utut ka hnyin anyidra hmanenang, me hoûmonu, me tavat mede, me tavat hobâ.

Isaia 5:14 ပူးပေါင်းရင်းမြစ်များ

Salamo 49:14

Adre me ip ödra a hnahat hobi kâu hedis; Kʼ ame tuʼ ödra ge mok, helâke at tuö mamoe: Ame he tavat ae wisa ka musi ödra hnyi haolany; Kʼ ame he anyidra hmanenang ka bi obiny hnyi hedis, me me ba umen bi e.

Salamo 55:15

E so e ie o but kodra mok, Me tha utut ka hnyi thop kʼ ödra tiga möt: Anyin a e bi monu hnyi hnyabadra, eû hnyi wanbödra.

Ta je Vejec 1:12

Ate me he ka utʼ ödra meli ödra helâ me hedis, Ke tiga bekhot, helâ me tavat adre me utut ka hnyi thop;

Ta je Vejec 27:20

Ame ca sekon hedis me hnaûhango; Ke haba khaca, ame ca sekon li emakan at.

Ta je Vejec 30:16

Wale erkemok; me hnyok ae toûnyi; Me kânâ ame ca unöngöt ge köiö; Me meic ame ca ha, ka habe, Soju

Isaia 14:11

Adre ohnyikânâ hedis ai ânyâm hmanenang, me meainy ânyâm je nabeli: adre me ulolo eû hnyi hmelâm je biget, ke adre me okhoti u ge waahnyöng.

Isaia 14:9

Ama bwebwet ut hedis eû gam he ka ûkhanö möu, u ka dit ka hnyin: e ame bwebwelâ je komok gam, a je taben hnyei hia; e ame otilâ je thaniny hia hmeledrany ûnyi hnyi anyidra je theron.

Isaia 21:4

Ame momokon hnyekuk, oge me öbubuny ge ot ae gan hmâ: haba hauhaotreng oge me wek, me adre hia but wia ka öbubuny könya.

Isaia 24:8

E hia but senyininy bwinybet, a um dö hwan tavat senyin, e hia but senyininy kitara.

Isaia 30:33

Anyin adre hia but penapena Tofet kâû adrem; eke, adre hia but penapena e hobi kâu than; e ame hia but ânyâ e ae dit me lau: haba hna khon e, wale meic me uto ae se hia, ke ame vâc e ge homenö Iehova, helâ me wagewe teio.

Ezekiela 7:12

Ame o but ûen, e hakekeny jut bong: e so ame ca senyin at ame ûcû, ke hlöuhlöu at ame kap mone: anyin ae bi hmonyin hon tavat ae se hia.

Daniela 5:30

Ke adre me hlingö Belesaza than Kaledaia hnyi hnyinghet eling.

Nahuma 1:10

Eja ke ne adre ne vhet helâ me ûö ae ûdedö, me ti khubet hnyi hnödra hna ic, adre me he ka thung ödra helâ me thatûnyin hwit ae mada.

Habakuka 2:5

Eke, haba waina, ame at iyawö, ke at bi gan, kʼ ame ca laba hmâ hnyi hing hnyaban bi; ke ame ogânâ weny helâ me hedis, kʼ ame helâ me mok, kʼ ame ca sekon bi, ke e ame ûkhacaköuâ unyin ta je hnyei hia, kʼ ame hlo tavat hia thithö.

Mataio 7:13

Didro ka hnyi homagöule ae hnek: anyin ae gan homagöule, me lau but gethen ka hnyi hnaûhango, ke ödra se hia tavat adre me dit hnyin.

Luka 17:27

Adre me han, adre me ic, adre me faipoipo, ke ûham ta momo, ke ne o but hnyi bong ame dit Noa ka hnyi hu, me ame o but uoû me ohiʼ ödra hia.

Luka 21:34

O ʼbun âu, wâ e nye hmak je hnyekubun ge hna han gânâ, me hna ijem gânâ, me hna ûnykûme möt ang, me ame he ka o bong eling me outhmoki öbun helâ me hnewe: