Isaia 5:13 - Iaai Bible 1901 (New Caledonia)

¹³ Anyin a wale ame he lakeik ka bâ, can e ba ûnyi ae khanʼ ödra: kʼ ame mekihnânen tavat ae beönua gadra, ke mok ge beic hoûmonu gadra.

Isaia 5:13 ပူးပေါင်းရင်းမြစ်များ

II. Je Than 17:6

Ke hnyi huna a naini Hosea, haba than Asuria ame hûgûnâ Samaria, me hom Isaraela Asuria ai, me ip ödrin hnyi Hala, me Habora, hnyi wagewe Gozana, me je taun anyin at Madai.

Ta je Vejec 10:21

Haba li esongodiny at ae wisa me ame hān tavat ae se: Ke a mok ut tavat ae monu anyin ae ba hnyekudra.

Isaia 1:3

E khana but bolok at a haleny e, ke e khana but asina taben han ûnyi ge tuhan: ke ca khana Isaraela bi, kʼ ame ca ûnykûme bi lakeik.

Isaia 1:7

A ba but wan ibun hnyei; a hia but thong anyibun je taun ge meic; ke haba könöbun kânâ, me ame an e hnen ta je atkanyua hnyi hnyimaköbun, me ba wan, helâke adre hagutâ degecâ hnen je atkanyua.

Isaia 23:9

Ame ûnykûme e hnö Iehova tuhan sabaoth, hnân he ka oûnyibaûâ bigan anyin tavat hia ae hmanenang, me ohûkötiâ je at hnathuiny hia hmeledrany.

Isaia 27:11

Ke e ka meleca ta je vheiny, me adre me he ka thu degecâ; ame he omomo ka he bi, me thong ut ge meic: anyin a e hnyei ame ca wâhmakhmeto; anyin a wale ame ca he ka betenge gadra at ame up ödra, ke haba at ame otilʼ ödra, me ame ca he bi ka ânyâ so ködra.

Isaia 3:1

A NYIN a wâ bi, haba Than Iehova tuhan sabaoth, ame hom ûnyi Jerusalema me Juda ke ci me ke ci, wale je ci areto hia, me je ci köiö hia;

Isaia 3:3

me taben ka fifte, me at lung so, me obongon, me at tretrau ae metâ, me at ae khana khet.

Isaia 44:19

Ke ba at ame ûnykûme hnyi hnyekon, ke ba metâ me wâhmakhmeto me me be ka ha, ka habe, Oge hia but vâc ke hnyiban hnyi meic; eke, oge hia but le falawa hon i walepiny ke hnyiban; oge hia but leû meno me han: ke hawa, oge me he bi ka bi ûnyi ae ikiki hnyi kolon? hawa, oge me be ka khudrung ju ka hnyiban ûö?

Isaia 49:21

Ke u me he ka ha eû hnyi hnyekom, ka habe, Ia hnöku ödra ang könya anyin oge hia but tenge ge imekiny lakuk, me hake laba, a at adre obâ ke he monu? ke ia hat hnyat ang? Wâ bi, iny khaca thibi; ke haba hnyat ang, me ûhedra ua?

Isaia 65:13

Anyin a wale, walang hna ha hnen Than Iehova, Wâ bi, ame he je athnyabaik ka han, ke öbun e he bi öbun ka mekihnânem: wâ bi, ame he je athnyabaik ka ic, ke öbun e he bi öbun ka beic: wâ bi ame he je athnyabaik ka senyin, ke öbun e he bi öbun ka hmehma:

Jeremia 14:18

Oge ne he ka hnyi hnyei, wâ bi je hna kot hnen hele vat! ke oge ne he ka hnyi taun, me wâ bi, tavat ae sënyin ge hmiâ! anyin ame tha ngeno baûâ hnyei hnen perofeta, me at bihut, ke ba metâ gadrin.

Jeremia 14:3

Ke haba je tuhödra, me adre me kunâ je lakudra ka hnyi ta je an: adre me o but ka hnyi ta je thop, kʼ adre me ca wâ bi köiö; adre me hmetu me belidra je kaia ae hme: adre me hmehma me hlohlo, me tube je bödra.

Jeremia 8:7

Eke, e khana but kasidainy drany ûen e: ke a wâhmakhmeto but meköta, me wahalep, me aguru, ûen adre me oʼ hnyin; ke ca khana bi lakeik hna otilâ hnö Iehova.

Je tenge anyi Jeremi 4:9

E so tavat adre me hlingâ ge hele vat hon tavat adre me mok ge hmiâ; Anyin a ödra aû but, adre kot moko, anyin a ba but wan kânâ.

Ezekiela 7:12

Ame o but ûen, e hakekeny jut bong: e so ame ca senyin at ame ûcû, ke hlöuhlöu at ame kap mone: anyin ae bi hmonyin hon tavat ae se hia.

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Amosa 8:13

Hnyi bong eling ame he wahlu ae hmanenang me wahidröu ka momonu ge beic.

Luka 19:44

me othahoni u me kânâ, u me je lakom unyâm; ke ame ca he ka hnen ke veto hon ke veto hnyi wanbâm; anyin ae ca khanö u ûen adre me senʼ u hnyin.

Roma 1:28

Ke ca wedra he ka wâhmakhmetoâ Khong, me haba Khong ame hnʼ ödra but he ka hwali hnyi je hnyekudra, mʼ adre me he ka ânyâ ta je ûnyi ae ca ûcû;

II. Peteru 3:5

Anyin ae wedra bi he ka hnying ûnyi eang, ka habe, walethö drany kâû adrem, me hmeledrany minya, waleji adre tretraoâ ge köiö ke ûnyi hnyi köiö hnen hofuc hwan Khong;