Isaia 5:11 - Iaai Bible 1901 (New Caledonia)

¹¹ Ekölö ge tavat adre me vesâkong hnyi hnyomakatu he ka hnu hoton grâg; ke adre me laba ke ne o but hnyi hnyinghet mʼ adre me monu ge waina!

Isaia 5:11 ပူးပေါင်းရင်းမြစ်များ

II. Samuela 19:35

Eite but je hunaik hnyi bong ang: hawa, e khanö nya he ka wâhmakhmeto so me kong? ke khanö nya athnyabeam be ka drem ûnyi oge me han me ic? ke khanö nya long hmetu hwan khumöng anyin obaga me omomo? ke hnân eû oge me he a athnyabaem ka hmak ka tuhok?

Ta je Vejec 20:1

HABA waina, me wale at hlumö at, ke haba grâg me wale at ame mede monu. Ke ca metâ bi at ame monu ge li ûnyi e.

Ta je Vejec 23:32

Haba hnyi obiny, me e ame ûhûlû helâ me on, Me dâ helâ me vaipa.

Isaia 22:13

ke wâ bi, adre me senyin me hobâ, adre me khuc bolok, me hlingö mamoe, me han ûtiö, me ic waina: ate me he ka han me ic, anyin a nyi ate me he ka mok.

Isaia 24:9

Adre me ca he ka ic waina me khumöng; kʼ ame he ka hiny grâg ka tavat adre me ijem e.

Isaia 28:1

EKÖLÖ ge koronainy bigan anyin tavat adre me monu ge grâg hnyi hnyei Eferaima, me vongon ame meleca ge hmainy ae hmanenang, wale hnyi ban hnyigöulen bucen ae pipikhenya anyin tavat adre me ngâ ge waina.

Isaia 28:3

Adre me he ka ututo ge ta je hnyeûca koronainy biganiny tavat adre me monu ge grâg hnyi Eferaima:

Isaia 5:22

Ekölö ge tavat a ödra hwege ka ic waina, me tavat hwege he ka ûhaniken tap grâg:

Isaia 56:12

Haingodra, ka habe, Ai öbun, oge mâ he ka hok waina, ke otin e he ka ijem gânâ grâg; he bong nyi ame he ka helâ me bong ang, bong ae gan me pason he ka ha.

Habakuka 2:15

Ekölö ge at ame habelen waeny, ame bihanen ânyâm hmonyin kâu, ke ame omono e, mʼ u me ke ka ö ʼdrin ae ba ûkhaû!

Habakuka 2:5

Eke, haba waina, ame at iyawö, ke at bi gan, kʼ ame ca laba hmâ hnyi hing hnyaban bi; ke ame ogânâ weny helâ me hedis, kʼ ame helâ me mok, kʼ ame ca sekon bi, ke e ame ûkhacaköuâ unyin ta je hnyei hia, kʼ ame hlo tavat hia thithö.

Luka 21:34

O ʼbun âu, wâ e nye hmak je hnyekubun ge hna han gânâ, me hna ijem gânâ, me hna ûnykûme möt ang, me ame he ka o bong eling me outhmoki öbun helâ me hnewe:

Roma 13:13

E so ate me he fâfâ helâ me hnyi lany; ca hnyi walak me ic monu, ca bi ûnyi monu me wagelue, ca hnyi iwatretra me ihunyinköu.

I. Korinito 6:10

me tavat venöu, me tavat behnyekon, me tavat adre me ic monu, me tavat hwege hnyimen, me tavat hûgûnö omjeû, me adre me ca he bi ka hnyi hanen dokhu dokhon Khong.

Galatia 5:21

me behnyok, me ic monu, me imediaköu, me ta je ûnyi helâe: inya oge me haimemenâ köbun ge ta je ûnyi e, helâji me hnok hna haimemenâ ehac, ka habe, haba tavat adre me ânyâ helâe me adre me ca he ka bi hwajeköûdra hnyi dokhu dokhon Khong.

I. Samuela 25:36

Ke Abigaila ame o kö Nabala, ke wâ bi, e ame ânyâ bijeû hnyi umen uma, helâ me bijeû anyin than; ke Nabala ame senyin hnyi hnyekon, ke ti monu a ga ic: anyin a wale momo ame ca thumeto e ge ke ûnyi ame ne ûhnyûkong ame ne gan ke ne o but hnyi lany hnyomakatu.