Isaia 49:8 - Iaai Bible 1901 (New Caledonia)

⁸ Walang hna ha hnö Iehova, ka habe, Oge me thu köu hnyi ûen ae ûcû, ke oge me hadruo u hnyi bonginy möt: ke oge me he bi nya ka tuö u, me hnö u hnân ûhihinyköu me tavat, he ka ogöranyâ hnyei, me olabʼ ödra hnyi hnyei ae ba aten:

Isaia 49:8 ပူးပေါင်းရင်းမြစ်များ

II. Samuela 7:13

Me e ame he ka otilâ uma hobi kâu iök, me oge me he bi nya ka ohmâ theroniny dokhon dökhu nyiele balua.

Salamo 2:8

Sumatö nya thö, me oge me he ka ham köu je hnyei hnân hwajekhom, Me je can hmeledrany hnân em hnyei.

Salamo 69:13

Ke haba inya, Iehova lö, oge me hic köu hnyi ûen ae ûcû: Khong lö, ûnyi hnyi ûganiny ânyâm ibetengiö Thu thö könya hnyi hnathuiny ânyâm ûhomeli.

Salamo 75:3

Adre me okoiâ hmeledrany me tavat hia thithö adre me labâ e: Ke oge hia but otilâ je hmolominy [Sela.

Isaia 26:3

U ma he bi ka tuö hnyi hnahic ie bekhot at ame tethmâ hnyok unyâm: anyin a e ame labageju köu.

Isaia 27:3

Inya Iehova at ame tuö e; oge me he ka labö hû e hnyi je ong ûen hia, oge me he ka tuö e hnyi lit me lany, wâ e nye okongoâ e hnen ke at.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 42:1

WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Isaia 42:6

haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

Isaia 44:26

at ame ohnathoâ hofuc hwan athnyahainy, me ohwâdâ hna ûhnenamö hnen anyin je metâ; at ame ha ge Jerusalema, ka kabe, Adre me he ka labā e; haingen ge je tauniny Juda, ka habe, Adre me he, ka up veto, ke oge me he ka otilâ hmeto je hudrei:

Isaia 49:19

Ke haba je dok unyâm ae ba hnyin wan, ke je dok ae ba hnyin tavat, ke em adre hia but okongoâ, me e hnathu, ame he ka hnek em walang ang ge tavat adre me he ka labā, ke adre me he ka ûsâkâû ödra waleji adre me ohiö a

Isaia 51:16

Ke oge hia but ip hok ta je hofuc hnyi hnyimâm, me tubi u hnyi hmenon hnyamok, mʼ oge me he ka ohmâ drany me bi taben hmeledrany, me ha kö Ziona, ka habe, U ik hnyei.

Isaia 51:3

Anyin ame hia but Iehova otubweli Ziona; e ame hia but otubwelâ je dok hia thithö unyin ae ba wan, me wia hnyebubainy me me ûcû me Edena, me iny hnyei baga me me helâ me hna belök hnö Iehova; adre me he ka wâ hnyin e senyin me hobâ, me ole, me hwan khumöng.

Isaia 54:3

Anyin a u me he ka lau hnyi ke keihen metâ me me; ke ame he je mâtrânâm ka hu je hnyei, me labā je taun ae ba wan.

Isaia 55:6

Elom Iehova thʼ öbun, e me tiga ûen he ka wâ e, hawâ thö e, e me tiga hakekeny:

Isaia 57:13

U ka tenge, me hamen je hnyat u je ûkhacaköuâ he ka omeli u; ke so bi, ame he ka tûʼ ödra hnen ang, ame he homenâ ka hom degeci ödra hia thithö: ke ame he bi ka hu hnyei hnen tavat adre me labageju könya, ke idra bi anyik bucen ae kap.

Isaia 58:12

Ke ame he ke je lahanâm ka op je dok ae ba wan kâû adrem: u me he ka otilâ je taben ta je dö ae se hia; ke adre me he ka hwenyi iâm, At ame op hmetu dok ae hmouca, me at ame ânyâwia je gethen mʼ adre me laba hnyin.

Isaia 58:5

Hawa, oge me ûca ca han a helâe? ke hawa, bong ang me bonginy ovecâ hnyekon at? he ka nyingö ban helâ me saamun, ke bi hnen hna mokut mano ae gan nân me hnabadröu? hawa, u me he ka ha e me ûen ca han bi, ke bong ae so kö Iehova?

Isaia 61:2

he ka haimemenâ hunainy ae ûcû kö Iehova, me bonginy bi hwaban ge Khonguta; he ka otubwelâ tavat hia adre me tenge thungaû;

Isaia 61:4

Ke adre me he ka op je dok ae ba wan ehac, adre me he ka otilâ hmeto je ke keihen adre degec ehac, ke adre me he ka ânyâwia je taun ae ba aten, je dok adre degec hnyi je dö ae se hia.

Isaia 65:9

Ke oge, me he ka oâ ke mâtrân ûnyi ga Jekob, me at ame he ka labā anyik je bucen ûnyi ga Juda: ke ame he tavat oge ûca ka hu hnyei, kʼ ame he je athnyabaik ka labā e.

Mataio 26:28

anyin a walang drök ûnyi hnyi ûhihinyköu, adre me hingâlâ e hobi kâu tavat ae se hia, me hnân thang ta je hulö.

II. Korinito 6:2

(anyin a haingen, ka habe, Oge me ling u hnyi ûen eji ae so, Ke oge me hadruo u hnyi bonginy möt: ke wâ bi, walang ûen ae so; wâ bi walang ang bonginy möt):

Efeso 1:6

hnân ogânâ hmanenanginy anyin ibetengiö baû, waleji a betenge baû köta ûnyi ge Oûnykûminy:

Heberu 12:24

ke kö Iesu at ame ûsoköuâ hnyi ûhihinyköu ae teb ûnyi, ke ka hnyi dra hnân dukâiâ, kʼ ame ha ta je ûnyi ae nua hon drö Abela.

Heberu 5:7

Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,

Heberu 8:6

Ke walang ang e hu but gan ke huliwa ae nua, helâe minya e at ame öûsoköu hnyi ke ûhihinyköu ae ûnyi hnathu, waleji adre hia but bi taben hon ta je hna ha bânâ ae nua.