Isaia 49:7 - Iaai Bible 1901 (New Caledonia)

⁷ Walang hna ha hnö Iehova, at ame ûcû meli Isaraela, wale Kabiny, kâu a at ame hûkhötiâ hnen tavat, ke u at ame bi athnyabainy tavat musi, ka habe, Ame he je than ka wâ me tot; kʼ ame he lakon than ka khudrung; can bi Iehova ae hnathu, wale Kabi Isaraela at a ûco u.

Isaia 49:7 ပူးပေါင်းရင်းမြစ်များ

Genese 27:29

E so ame he tavat ka hulwa köu, Me ta je hnyei he ka nom ju köu: U me he ka thaniny je liamekeiny möu, Ke ame he je lakon hinyâm ka nom ju köu: Ame he ka hangâ but at ame hangö u, Kʼ ame he ka hnahic ut at ame hahna hici u.

Salamo 47:9

Ame ûkhacaköu thö ta je tuhan je hnyei, Me me lakeiny Khongu Aberahama: Anyin a anyin Khong ta je becin hmeledrany; Ke e ti beönua.

Salamo 68:31

Ame he ka o but je than ûhedra Aigupito; Ame he Aithiope ka ie inâ li hnyamen ka Khong.

Salamo 69:19

E khanö u hna haikongu nya, me anyik hmehma, me anyik hlöuhlöu: E hnyi hnyimâkâm ta je iwahnaihmiony hia thithö mönya.

Isaia 14:1

A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Isaia 19:21

Ke ame he Iehova ka manen bi hnyi Aigupito, kʼ ame he at Aigupito ka khanʼ ödra Iehova hnyi bong eling; eke, adre me he ka khudrung me je hut me je bwihlany, me bi khöbi kö Iehova, me ohwâdâ bi e.

Isaia 19:23

Hnyi bong eling ame he ka hu hna cit gethen ûheny Aigupito Asuria ai, ke ame he at Asuria Aigupito ai, ke at Aigupito ame he ka he Asuria ai; kʼ ame he at Aigupito ka tha hmi me at Asuria.

Isaia 27:13

Ke haba hnyi bong eling, me adre me he ka tûâ trutru ae gan; ke ame he ka he tavat wale adre me hakekeny ka mok hnyi hnyei Asuria, me tavat adre me hna degecâ hnyi hnyei Aigupito; me adre me he ka hmi kö Iehova hnyi bucen ae kap hnyi Jerusalema.

Isaia 42:1

WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Isaia 48:17

Walang hna ha hnö Iehova at ame ûcû melâm, Kabi Isaraela: Inya Iehova Khongom, at ame nö u he ka hu troban, at ame su u hnyi gethen u me be ka vheno.

Isaia 48:7

Adre op ta je ûnyi e walang ang, ke ca ehac; ke e hia bong ang u je ca long ta je ûnyi e; wâ u nye ha, ka habe, Wâ bi, e khanö nya ta je ûnyi e.

Isaia 49:1

LING nya ju öbun je bomene; ke tevehlöng ju öbun ta je hnyei ae sâkâû: Iehova ame ha iök ûnyi hnyi hnyok; kʼ ame ha iök ûnyi hnyi hnyeku bai:

Isaia 49:23

Ke ame he je than ka hat ödra hobi köu, ke je momo than ka ûhalin: adre me he ka nom hnyikânâi köu, me drem sesâiny li cam; ke ame he ka khanö u a inya Iehova, kʼ adre me ca he bi ka hmehma, a tavat adre me halubahing nya.

Isaia 49:26

Ke oge me he bi nya ka han tavat ge hing vidra a ödra adre me oveci u; kʼ adre me he ka monu ge hing drödra bi, helâke me hnen waina ae hnebwia: ke ame he tavat hia ka khanʼ ödra a inya Iehova, at ame omeli u, me at ame ûcû melâm, a Man mani Jekob.

Isaia 50:6

Oge me hna juk ka tavat ûkûc, me li wahicok ka tavat adre me hnimö je leûnen: oge me ca ikhâlâ hnyimakök ge hmehma me ûhangöji.

Isaia 52:15

helâe e ame he ka dukâiâ je hnyei ae se hia; ame he ta je than ka laba hum gan: anyin adre me he ka wâ ûnyi adre me tiga ca thumetu ödra gan; ke adre me he ka wâ ûnykûme ûnyi adre me tiga ca long.

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Isaia 60:10

Ke ame he je atkanyua ka op hagâm je hak, kʼ ame he je tuhödra ka bi athnyabaem: anyin a oge me kuc u ehac hnyi anyik hmonyin, ke hnyi anyik ibetengiö oge hia but betenge gam.

Isaia 60:16

Ke u me he ka he minya ke ijem debainy ta je hnyei, ke ijem je basin ta je than: ke ame he ka khanö u a inya Iehova at ame omeli u, ke at ame ûcû melâm, Mani Jekob.

Isaia 60:3

Ke ame he ta je hnyei ka he ka hnyi ânyâm metam, me je than ka hnyi iumumelaminy hnâm hna o.

Isaia 66:23

Ke hwân hnyi ke imaneniny tehi, ke ne o but hnyi ke imaneniny ke tehi, ke hwân hnyi ke sabath, ke ne o but hnyi ke sabath, ame he ka o tavat hia he ka khudrung hnyi hnyimakök, haingö Iehova.

Zakaria 11:8

Ke oge me subâ degecâ hnyat tuö mamoe a kun hnyi tehi a khaca; ke vec hnyekuk gadrin, kʼ ame hûkötiö nya ge ta je hnyekudrin.

Mataio 20:28

helâ me Nokon at a ca o me me he ka bi athnyaba kâu tavat, ke so bi he ka bi athnyaba me ham anyin möt hnân hwaban melen tavat ae se hia.

Mataio 26:67

Me adre me hangöjâ hnyimakan me khaû e: ke haba keihen adre me kolop e,

Luka 22:27

Anyin a ie at ae beönua, a at ame laba ka han, hawa athnyabainy? hawa ca at ame han? ke inya ang unyibun helâ me athnyaba.

Luka 23:18

Ke ödra hia adre me tha hongot, ka habe, Hom do at ang, ke hnö Barabasa but köhmun:

Luka 23:23

Ke adre me tha ha hwegiâ ge ifucidra ae gan hmâ, adre me sumâtâ me me he ka osatauroâ e. Me ame ton dut ifucidra ae gan.

Luka 23:35

Ke ame utitilen dö tavat me wâ. Ke haba tavat musi adre me hiâ e, me ha, ka habe, A hia but omelö keihen; ke a ne e Keriso a oûnykûminy Khong, e so e ame he ka omelö e bi.

Ioane 18:40

Ödra adre me ha hwegiâ hmetu, ka habe, Ca e bi, ke so bi Barabasa. Ke haba Barabasa, me at venöu.

Ioane 19:15

Me adre me ha hwegiâ, ka habe, Hom dö, hom dö, osatauroâ thö. Haingö Pilato kodra, ka habe, Hawa, oge ma he ka osatauroâ Tuhöbun? Me ame thu je taben tavat bihut, ka habe, E ba minya ju ke tuhöhmun ke hake Kaisara thibi.

Ioane 19:6

Ke a wâ but e hnen je taben tavat bihut me tavat tue, me adre me ha hwegiâ, ka habe, Osatauroâ thö, osatauroâ thö. Haingö Pilato kodra, ka habe, Hom bi thʼ öbun me osatauroâ: anyin oge me ca wâ ke monu gan.

I. Korinito 1:9

Haba Khong, me hnathu, waleji at ame hia but hawʼ öbun he ka tha e me Nokon a Iesu Keriso a Tuhöta.

Deuteronomi 7:9

Khanö u thö a Iehova Khongom, e thibi Khong; Khong ae hnathu, at ame tuö ûhihinyköu me ibetengiö ka tavat adre me hnyok kâu, me tuö anyin je hna hûna ka ta je dö a thauzan;

I. Peteru 2:4

kʼ öbun e he kâu wale veto ae möt, ke a degec hnen tavat, ke a ûca hnen Khong, ke gan hmâ hwaban,

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 3:7

Ke sihnalimen ju ka angela anyin ekalesia hnyi Filadelefia, ka habe, Walang ta je ûnyi ame ha hnen at ae kap, ke hnathu, at ae hu gan ki anyi Davita, at ame khong, ke ba at ame he bi ka hlöng, kʼ ame hlöng, ke ba bi at ame he ka khong: