Isaia 49:6 - Iaai Bible 1901 (New Caledonia)

⁶ eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 49:6 ပူးပေါင်းရင်းမြစ်များ

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

II. Je Than 20:10

Haba Hezekia ame ha, ka habe, Ûnyi ae hâhâ he ka he bala hmenon seûno ke ne o but hnyi ten je haten: ohe, e so e hmetu hmenon hnyi ten je haten.

II. Je Than 3:18

Ke ûnyi ae hâhâ e kö Iehova: ke e ame he bi ka hna tavat Moaba ka hnyi hnyamöbun.

Salamo 37:28

Anyin a Iehova ame weny hna owisa, Ke e ame ca degec bi anyin wakap. Kʼ adre me tuʼ ödra balua bi: Ke adre me he ka subâ degecâ je mâtrân tavat ae kong.

Salamo 67:3

Khong lö, e so ame he tavat ka ole köu. E so ame he tavat hia thithö ka ole köu.

Salamo 97:10

Öbun tavat öbun e hnyok kö Iehova lö, ikikiâ thö monu: E ame tuö ta je hanon anyin wa kap; E ame hûgûnʼ ödra ûnyi hnyi hnyamen tavat ae kong.

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 42:10

Hai thö kö Iehova khumöng ae teb ûnyi, ke hna ogânâ e ûnyi hnyi can hmeledrany; öbun tavat öbun e ut hnyi köiöai, ke unöngötiny e, ke je bomene, ke ta je aten.

Isaia 42:6

haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Isaia 46:13

oge me hakekenyâ anyik wisa, e ame ca he ka ûsâkâûö, ke ame ca he ka bec ûhomeli ûnyi gak; ke oge me he ka ip hnyi Ziona ûhomeli hobi kö Isaraela hmanenangik.

Isaia 48:20

He but ûheny Babulona, kec dʼ öbun ge at Kaledaia; haimemenâ thö ge hwan khumöng, thumeto ju e, ha ju e ke ne o but hnyi can hmeledrany: ha thö, ka habe, A hia but Iehova ûcû melen athnyabainy a Jekob.

Isaia 51:4

Lakeik lö, ling nya ju; ik hnyei lö,, tevehlöng ju könya: anyin ame he ka he but ûheny unyik hnanyibu, ke oge me he; ka ip hnok hna owisa hnân melaminy ta je hnyei.

Isaia 52:10

A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Isaia 55:5

Wâ bi, u me he ka hawâ hnyei ae ca khanö u, kʼ ame he ka wadring hotom tavat ae ca khanö u bi, ûnyi ga Iehova a Khongom, me Kabi Isaraela; anyin a e ame hia but oganö u.

Isaia 56:8

Haingen Than Iehova, at ame ûkhacaköuâ ta je hna obâ a at Isaraela, ka habe, Oge me he bi ju ka ûkhacaköu keihen unyin, ke ca ha bi ge hing aten adre hia but ûkhacaköu.

Isaia 60:3

Ke ame he ta je hnyei ka he ka hnyi ânyâm metam, me je than ka hnyi iumumelaminy hnâm hna o.

Isaia 62:11

Wâ bi, Iehova ame hia but ha ka je can hmeledrany, ka habe, Ha thö ka hluiny Ziona, ka habe, Wâ bi, ame o but ânyâm ûhomeli; wâ bi, e unyin hwaban, ke e bi hnyi hnyimakan hwaban anyin huliwa.

Jeremia 12:16

Ke ödra ka he ka ti nâ je gethen deny lakeik, me khemanyin hnyi iök, ka habe, Kia inya Iehova; helâji me hnödra hna nâ lakeik he ka khemanyin ga Baala; awe, adre me he ka up ödra goranyai wanben ik hnyei.

Mika 5:3

Anyin a wale e ame he ka hnʼ ödra, ke ne o but ûen ame he ka hnokoâ hnen momo ame vec hnyekon: me ame he ka hmetu je kolon a je liamekeiny më ka lakon Isaraela.

Zakaria 6:13

ke e ame he ka op uma umo Iehova; ke e ame he ka vadren hmanenang, ke e ame he ka laba me musi hon anyin theron; ke e ame he ka at bihut hon anyin theron: ke ame he ka e bi hnyi wanbödru ûhnenamoiny ûsoköu.

Zakaria 8:22

Eke, ame he ka o but tavat ae se hia ke ta je hnyei ae hwege he ka elöm Iehova tuhan sabaoth hnyi Jerusalema, me sumâtâ ibetengiö ga Iehova.

Luka 2:32

Wale melam hnân omelamâ Aten ta je hnyei, Ke hnân hmanenanginy lakem a Isaraela.

Ta je huliwa 13:47

Anyin a haba Than ame hûna kohmun, ka habe, Oge me otilö u, me hnân melaminy Aten ta je hnyei, Me u me he ka tot hnân ûhomeli ke ne o but hnyi can hmeledrany.

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Ta je huliwa 26:23

ka habe, Ame he Keriso ka vec, ke ame he ka bân ka möt hmetu ûheny hnyi hna mok, me omanenâ melam ka tavat, me Aten ta je hnyei.