Isaia 49:5 - Iaai Bible 1901 (New Caledonia)

⁵ Ke walang ang ame ha Iehova, at a up nya ûnyi hnyi hnyok mʼ inya athnyabainy, he ka ohmetu Jekob kâu, me me ûkhacaköu hmetu Isaraela unyin: (anyin a inya at adre ogânâ hnyi hnyimakö Iehova, ke haba Khonguk me wale tang hwegiök:)

Isaia 49:5 ပူးပေါင်းရင်းမြစ်များ

Nehemia 8:10

Ke e ame ha ködrin, ka habe, He thʼ öbun, an ju pipikhenya me ijem ûnyi ae senem, me kunâ je jekhoû ka tavat adre me ca penapena hobi kâu: anyin ae kap ka Tuhötin bong ang: ke ca he öbun ka hmak; anyin a haba tang hwegiöbun me senyin kö Iehova.

Isaia 11:12

Ke e ame he ka ogöranyâ boûdila hobi kâu ta je hnyei, me ûkhacaköuâ je hna degec ge at Isaraela, me ûkhacaköuâ je hna oveseâ a at Juda ûnyi hnyi je can hmeledrany a vak.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 25:1

IEHOVA lö, u thibi Khonguk; oge me he ka ogöranyi u, oge me he ka ogânâ iâm; anyin a u je hia but ânyâ ta je ûnyi hnân lâiâ, wale je hna musi ehac, hnyi hnathu, me wisa.

Isaia 27:12

Hnyi bong eling ame he Iehova ka tau wan, hwân hnyi wadutöiny Wagewe, ke ne o but hnyi wageweiny Aigupito, kʼ adre me he ka hlu öbun a ûsa khaca, öbun lakon Isaraela.

Isaia 43:4

Anyin a u oûnykûmik, me hmanenang, me hnok hna betenge gan; awe, oge me he ka ham tavat hnân hwabâm, me je hnyei hwaban melâm.

Isaia 44:2

walang hna ha hnö Iehova at a huliwön u, at a up u hwân hnyi hnyekon hinyâm, at ame he ka hadruo u, ame ha, ka habe, Ca ot bi, Jekob a athnyabaik; me u Jesuruna, waleji oge ûca.

Isaia 49:1

LING nya ju öbun je bomene; ke tevehlöng ju öbun ta je hnyei ae sâkâû: Iehova ame ha iök ûnyi hnyi hnyok; kʼ ame ha iök ûnyi hnyi hnyeku bai:

Isaia 50:4

Haba Than Iehova ame hia but ham könya bohmen at ûne, me me khanö nya he ka sihwegiâ at ae sēnyin ge hofuc: e ame ûöhmak hnyi je hnyomakatu, e ame ohmâkâ hnyikönyök he ka löng helâ me tavat ûne.

Isaia 52:13

Wâ bi, ame he athnyabaik ka ânyâ ûnyi ae metâ, adre me he ka ogöranyâ e, me obeönua e, me e ame he ka gorany hmonyin.

Isaia 56:8

Haingen Than Iehova, at ame ûkhacaköuâ ta je hna obâ a at Isaraela, ka habe, Oge me he bi ju ka ûkhacaköu keihen unyin, ke ca ha bi ge hing aten adre hia but ûkhacaköu.

Jeremia 1:5

Oge bok ka ö u, ke ödra tiga ca up u hnyi hnyok, ke oge bok ka okabi u, ke u tiga ca o bi ûhem hnyi hnyok; oge hia but ip u hnân peropeta ka ta je hnyei.

Zakaria 6:13

ke e ame he ka op uma umo Iehova; ke e ame he ka vadren hmanenang, ke e ame he ka laba me musi hon anyin theron; ke e ame he ka at bihut hon anyin theron: ke ame he ka e bi hnyi wanbödru ûhnenamoiny ûsoköu.

Mataio 11:27

A hia but Cica ham könya ta je ûnyi hia: ke ba ke at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya ame weny Nokon he ka omanenâ kâu.

Mataio 15:24

Ke e ame thu me ha, ka habe, E ba ke ûnyi adre kunö nya kâu, ke so bi ka ta je mamoe adre he monu hnyi lap anyin at Isaraela.

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Mataio 23:37

Jerusalema, Jerusalema lö, at ame hlingâ ta je perofeta, me lûâ tavat adre me kunâ kâu! iny ibi osehia wek he ka ûkha-caköuâ lakom helâ me hinyen denakhoto ame tube lakon ge li labenyin, mʼ öbun ka höcö öbûn!

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

Luka 19:42

me ha, ka habe, A ne khanö u hnyi bongom bong eang ta je ûnyi a hanen hnahic! ke walang ang adre me ikhâlâ hnyi li emâkâm.

Ioane 3:35

Haba Kamen ame betenge ka Nokon, kʼ ame hna ta je ûnyi hia ka hnyi li hnyamen.

Ta je huliwa 10:36

Haba hofuc waleji e amo kunâ ka lakon Isaraela, kʼ ame khetâ ûthumetu ae so hnyi ûsoköu a deny Iesu Keriso, (e thibi Tuhan ae nua)—

Roma 15:8

Anyin a inya oge me ha, ka habe, haba Keriso ame bi athnyabainy peritom hobi kâu hnathu anyin Khong, me me he ka ohmâ hna ha bânâ ka lakamöta,

Galatia 1:15

Ke a manen dut weny Khong, waleji at ame ûcö nya ûnyi hnyi hnyekon hinyök, me hawo nya ûnyi ge anyin ibetengiö baû,

I. Peteru 3:22

wale hnyi ke keihen a metân Khong, ke a ölö hnyi drany ai: ke ame löng hoton hnen ta je angela, me tavat musi, me ta je man.