Isaia 48:9 - Iaai Bible 1901 (New Caledonia)

⁹ Can iök bi, oge me he ka obecâ anyik hmonyin, ke can hna oganö nya oge me he ka hokhnyok gam, mʼ o ge me ca he ka subâ degeci u.

Isaia 48:9 ပူးပေါင်းရင်းမြစ်များ

Salamo 106:8

Ke so bi e ame omeli ödra can ien bi, Me me he ka omanenâ maniny man.

Salamo 143:11

Iehova lö, omeli nya thö, ûnyi hnyi iâm: Hnyi hwakecâm ae wisa hum nya but ûnyi hnyi vec.

Salamo 25:11

Iehova lö, ûnyi hnyi iâm bi, Hna but anyik hulo, anyin ae gan hmâ e.

Salamo 78:38

Ke e at ae unöngöt ge ibetengiö, me e ame thang anyidra hulo, kʼ ame ca ohiʼ ödra bi: Eke, e ame osehia ohmeto anyin hmonyin, Ke ame ca oubâhlâ anyin wathethot.

Salamo 79:9

Khongon melihmuu lö, hadruʼ ohmun dö can hmanenanginy iâm: Ke thong ohmun dö, me ohia anyihmun je hulo ge iâm,

Ta je Vejec 19:11

Haba hna wâ wia hnen at, me ame obecâ anyin hmonyin; Ke hnân ohmanenangâ e, he ka onuâ hna hanyâûâ,

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 37:35

Anyin a oge me he ka tuö taun ang me omelo e gak bi, me ga Davita athnyabaik.

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Isaia 48:11

Gak, gak bi, oge me he ka ûnyâ e; anyin a ieû adre me he ka haikongoâ iök î ke oge me ca he ka ham anyik hmanenang ka ke at.

Isaia 65:8

Walang hna ha hnö Iehova, ke habe, Adre me wâ waina ae teb ûnyi hnyi thi vine, ke haingen ke at, ka habe, Ca degec e, anyin ae hu hnahic hnyin: helâe oge me he ka ânyâ, can ta je athnyabaik, mʼ oge me ca he ka tha ohiʼ ödra hia.

Jeremia 14:7

Iehova jö, eja ke ne a ne hwâdâ kö hmun anyihmun ta je hulo, ânyâ bi thö u can iâm; anyin a ohmun e osehia but kolu: ohmun e hia but ânyâ hulo köu.

Ezekiela 20:14

Ke so bi oge me huliwa can iök, me me ca he ka kong bi hnyi hnyimakan je hnyei, waleji oge me hum ödra hnyi hnyimakan.

Ezekiela 20:22

Ke so bi oge me ohmeto hnyamok, kʼ oge me huliwa can iök, me me ca he ka kong e hnyi hnyimakan je hnyei, waleji oge me hum ödra hnyi hnyimakodra.

Ezekiela 20:44

Ke öbun e he ka wâ a inya Iehova, iny ka hia but huliwa unyibun can iök, ke ca hoton debun je gethen ae kong, ke anyibun je huliwa ae kong, lap anyi Isaraela, haingen Than Iehova.

Ezekiela 20:9

Ke so bi oge me huliwa ûnyi hnyi iök, me me ca kong bi hnyi hnyimakan je hnyei waleji adre me laba hnyin, ke oge me omanenö nya bi kodra hnyi hnyimakodra, hnyi hnok hna hum ödra ûnyi hnyi hnyei Aigupito.

Ezekiela 36:21

Ke so bi oge me betenge, can iök ae kap waleji ame haikongoâ hnen lap anyi Isaraela unyin ta je hnyei, a je hnyei adre me he ka hnyin.

Josua 7:9

Anyin ame he at Kanana ka long, me ödrin hia tavat adre me labā hnyei, mʼ adre me he ka igigili öhmun me subâ degecâ iöhmun ûnyi eang hmelen: ke ieû u me he ka ânyâ hobi kâu iâm ae gan?

I. Samuela 12:22

Anyin ame ca he Iehova ka hna degecâ lakeiny, ûnyi ge ien ae gan hmâ: anyin ae we Iehova he ka wiʼ öbun me hnân hing lakeiny.