Isaia 48:6 - Iaai Bible 1901 (New Caledonia)

⁶ U je hia but long; wâ ju ta je ûnyi hia e; ke hawa gabun, öbun e ca he bi ka haimemenâ e? hwân hnyi ûen ang oge hia but omanenâ köu ta je ûnyi ae teb ûnyi, waleji ta je ûnyi ae iyong, ae ca khanö u.

Isaia 48:6 ပူးပေါင်းရင်းမြစ်များ

Salamo 107:43

Haba at ae metâ ame he ka wâ wia ta je ûnyi eling, Kʼ adre me he ka ûnykûme wia tang betenge anyi Iehova.

Salamo 119:13

Oge hia but omanenâ ge li esongodik Ta je hna owisa hia ûnyi hnyi hnyimâm.

Isaia 21:10

Ekölö gam hnok hna kokot, me hwit hnyi anyik om hani: oge hia but omanenâ köbun hnok hna long ga Iehova tuhan sabaoth, Khongu Isaraela.

Isaia 42:20

E se hia ta je ûnyi u je wâ, me ca vheno bi; adre khong ut li hnyikonyen, ke e ame ca long bi.

Isaia 42:8

Inya Iehova, wale iök: ke oge me ca he ka ham anyik hmanenang ka ke at, ke hna oganö nya bi ka ta je idola.

Isaia 42:9

Wa bi, a hwâdâ thö ta je ûnyi a bân, ke inya oge me omanenâ ta je ûnyi ae teb ûnyi: ke oge me bok ka omanenâ köbun, ke tiga ca kû ta je ûnyi e.

Isaia 43:19

Wâ bi, oge me he ka ânyâ ûnyi a teb ûnyi; kʼ ame he ka kû walang ang; ame ca he ka khanʼ öbun e? Oge me he ka bi gethen hnyi hnyebuba, me bi wagewe hnyi hnyei baga.

Isaia 48:7

Adre op ta je ûnyi e walang ang, ke ca ehac; ke e hia bong ang u je ca long ta je ûnyi e; wâ u nye ha, ka habe, Wâ bi, e khanö nya ta je ûnyi e.

Jeremia 2:31

Do lö, wâ ju hofuc ho Iehova. Hawa, oge hia but helâ me hnyebuba ka at Isaraela? ame ne hnyei ae khömet? anyin a ieû ame ha lakeik, ka habe, Ohmun e monu, ohmun e ca he hmetu köu?

Jeremia 33:3

ame ha, ka habe, Hongot dö könya, me oge me he ka thu köu, me omanenâ köu ta je ûnyi ae gan, me hmak, wale ae ca khanö u.

Jeremia 50:2

Haimemenâ thö unyin ta je hnyei me omanena thö, me otilâ thö ke haten; omanenâ thö, ke ca ikhâlâ bi: ha thö, ka habe, Adre hûgûnâ Babulona, a hmehma but Bel, e hlohlo but Merodaka; e hmehma but anyin je hnatheat, e hlohlo but je idolainy.

Amosa 3:6

Hawa, adre me he ka tûâ trutru hnyi taun, ke ame ca he ka ot tavat? hawa, ame he ka hu ûnyi ae kong hnyi taun ke a ca ânyâ bi Iehova?

Mika 6:9

Ifuci Iehova ame hongot hnyi taun, kʼ ame he at ae metâ ka wâ iâm: long ju öbun öso, ke at ame muso e.

Mataio 10:27

Haba ûnyi oge me ha köbun hnyi menekholom, ha thʼ öbun hnyi melam: ke haba hnobun hna long ge je hnyikönyöbun, khetâ thö hon ban je uma.

Ioane 15:15

Oge me ca ha hmetu, ka habe, lathnyaba; anyin ae ca khana athnyaba ûnyi a ânyâ tuhan: ke oge me hai öbun a lahanök; anyin a haba ta je ûnyi hia oge me löng ûnyi ga Cica, mʼ oge hia but omanenâ köbun.

Ta je huliwa 1:8

E ka o but köbun Hanu Kap, me öbun e he ka tren man: mʼ öbun e he ka ohnathu nya hnyi Jerusalema, me Juda hia me Samaria ke ne o but hnyi je can hmeledrany.

I. Korinito 2:9

helâ me hna sihnalimen, ka habe, Ame ca wâ hnen ecmak, kʼ ame ca long ge hnyiköny, Kʼ ame ca dit ka hnyi hnyin at ta je ûnyi Waleji a penapena Khong hobi kodra adre me hnyok kâu.

Hna Omanenâ 1:19

Anyin a wale sihnalimen ju ta je ûnyi eji u me wâ, me ta je ûnyi walang ang, me ta je ûnyi ame he ka o nyiele;

Hna Omanenâ 4:1

HWABAN ta je ûnyi e, oge me wâ, ke wâ bi adre bia but khong hwanumen drany, ke haba hofuc a bân oge me löng helâ me hwan khoto ame fuc könya, me ha, ka habe, Ölö thö kââng, me oge me he ka omanenâ köu ta je ûnyi ame he ka o nyiele.