Isaia 48:2 - Iaai Bible 1901 (New Caledonia)

² Anyin a adre me ka hawʼ ödra a hanen taun ae kap, ke adre me ka laba kece ka Khongu Isaraela; Iehova tuhan sabaoth ien.

Isaia 48:2 ပူးပေါင်းရင်းမြစ်များ

Nehemia 11:1

KE haba je thaniny tavat, me, ödrin e laba hnyi Jerusalema: me haba kolon tavat, me, ödrin e ugleköbâ, he ka hom khaca ûnyi hnyi je libenyitainy tavat he ka laba hnyi Jerusalema, taun ae kap, kʼ ame hnen bi je hnyat a nain hnyi ke je taun.

Nehemia 11:18

Haba at Levi hia hnyi taun ae kap, ödrin tu haded ke eite foa.

Salamo 48:1

E GAN hmâ Iehova, a hnân ti ogânâ, Hnyi taun anyin Khonguta, a anyin bucen ae kap.

Salamo 87:3

Taun anyin Khong lö, Adre me ha ta je hofuc ae hmanenang gam. [Sela.

Isaia 10:20

Hnyi bong eling ame ca he hmetu bi ka he je kolon hnyi Isaraela, me tavat adre kec möt hnyi lap anyi Jekob ka labageju ka at a kuc ödra: ke adre me he ka labageju, hnyi hnathu kö Iehova, wale Kabi Isaraela.

Isaia 47:4

At ame ûcû melita, Iehova tuhan sabaoth ien, wale Kabi Isaraela.

Isaia 51:13

ke u me hnying Iehova bi At a up u, at ame ulolo drany kʼ ame bi taben hmeledrany; ke u me labö outen hnyi ta je bong hia can wathethot anyin at ûöveci, hnyi ûen e ame penapena he ka ohia? ke e but ua hmonyin anyin at ûöveci?

Isaia 51:15

Anyin a inya Iehova Khongom at ame oâ je waköiöiny köiö me ame mea but: haba ien, me Iehova tuhan sabaoth.

Isaia 52:1

HMAK dö, hmak dö, Ziona, khavâ thö tang hwegiâm; Jerusalema lö, taun ae kap, khavâ ju khaûâm a je ûkhaû ae hmanenang: anyin ame ca he hmetu ka o köu at adre ca peretomon, me ikiki.

Jeremia 10:16

E ca helâe jekhoû Jekob: anyin a e at ame op hia; ke Isaraela tribuiny jekhon: Iehova tuhan sabaoth ien.

Jeremia 21:2

Ö u hnei Iehova thö gatin; anyin a Nebukaneza than Babulona ame vat mötin: ame ne he Iehova ka ânyâ hobi kötin hoton anyin ta je huliwa hia hnân lâiâ, me me he ka he but gatin.

Jeremia 44:26

Anyin a wale, long ju öbun hofuc ho Iehova, at Juda hia tavat öbun e laba hnyi Aigupito, ka habe, Wâ bi inya oge hia but khemanyin hnyi iök ae gan hmâ, haingö Iehova, a gʼ ame ca he hmetu ka ha iök hnen hnyimen at Juda hnyi hnyei Aigupito hia, ka habe, Kia inya Than Iehova.

Daniela 9:24

Sevente je wik adre me thu ka hnyi em hnyei, ke ânyâm taun ae kap, mʼ adre me obekhötâ hna hanyâûâ, me bi obiny je hulo, me tube hwakecin ae monu, mʼ adre me oâ wisa a nyiele balua, me ohmâ haten hna omanenâ ke hna perofeta, me hû dok ae ti kap.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Mataio 27:53

me didro ûnyi hnyi ta je erkemok hwaban hnen hna möt hmetu, kʼ adre me didro ka hnyi taun ae kap, me manen dut ka tavat ae se hia.

Mataio 4:5

Haba diabolo ame hom e ka hnyi taun ae kap, me ip e hon ban uma kap,

Roma 2:17

Ke a ne iâm bi ien at Juda, ke u me gejon hnanyibu, me hobeluâ Khong,

Hna Omanenâ 11:2

Ke haba hnyeule hoton uma kap, hnen ju, ca ke ka tuluto; anyin adre hia but ham e ka ta je hnyei: ke adre me he ka uto taun ae kap hnyi ta je tehi a fâte tu.

Hna Omanenâ 21:2

Ke inya oge me wâ taun ae kap, Jerusalema a teb ûnyi, ame utut ûheny hnyi drany ûnyi ge Khong, adre penapena helâ me hlu ame he ka faipoipo, adre theibâ e hobi kâu âiân.

Hna Omanenâ 22:19

ke a ne ke at ame ohia ke ong hofuc adre perofeta hnyi tusi ang, me ame he Khong ka ohia jekhon hnyi ûöiny möt, me ûnyi hnyi taun ae kap, wale adre me sihnalimen hnyi tusi ang.

Owisa 17:13

Ke haingö Mika, ka habe, E khanö nya walang ang a ga me he Iehova ka ânyâ ûnyi ae so könya, anyin ae hu unyik at Levi hnân at bihut.