Isaia 48:17 - Iaai Bible 1901 (New Caledonia)

¹⁷ Walang hna ha hnö Iehova at ame ûcû melâm, Kabi Isaraela: Inya Iehova Khongom, at ame nö u he ka hu troban, at ame su u hnyi gethen u me be ka vheno.

Isaia 48:17 ပူးပေါင်းရင်းမြစ်များ

Genese 24:48

Me oge me nom ju, me khudrung kö Iehova, me oganö Iehova, Khongu Aberahama a tuhök, waleji at ame hum nya hnyi gethen ae wisa he ka hom hlu nokon liamekeiny me tuhök hobi kâu nokon.

I. Je Than 8:36

awe, u na long ju hnyi drany, me hna monu anyin lathnyabaem, me lakem a Isaraela, u ka he ka nʼ ödrin ge gethen ae so he ka vheno gadrin; me ham we ka hnyi hon em hnyei, waleji u je ham ka lakem me me idrin.

Jobu 36:22

Wâ bi, Khong ame ânyâ huliwa ae beönua hnyi maniny man: Ewa at ûne a helâ mē?

Salamo 25:12

Ie at ame outö Iehova? Me e ame he ka nâ e ge gethen e ame he ka ûca.

Salamo 32:8

Oge me he ka nö u, me ku köu gethen u me he ka vheno: Oge me he ka ûhnenamö möu me ecmakö u.

Salamo 71:17

Khong lö, u je hia but nö nya hwân kʼ iny tiga hidröu; Ke oge hia but omanenâ ke ne o but walang ang ânyâm ta je huliwa hnân lâiâ.

Salamo 73:24

U me he ka su nya ge hnâm hna ûhnenamö, Ke hwaban dö e u me he ka hum nya ka hnyi hmanenang.

Isaia 2:3

Ke ame he ka o ta je hnyei ae se hia me ha, ka habe, Ai öbun me otin e ölö thö ka hnyi bucen anyi Iehova, ka hnyi uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, me hofuc ho Iehova ûheny Jerusalema.

Isaia 28:9

E ame he ka nö ia ge metâi ke ame he ka owâhmakhmeto ia ge uthumetu? tavat adre hnebaio, me hom ûnyi hnyi li basin?

Isaia 30:20

Ke ame he Than ka ham köbun jeûiny vec me köien ûöveci, ke so bi ame ca he hmetu tavat adre me nö u ka iyong, kʼ ame he li emâkâm ka wâ tavat adre me nö u:

Isaia 30:21

ke ame be li hnyikönyâm ka long hofuc hnyi hotom, ka habe, Walang gethen, vheno ju öbun hnyin e; öbun ka saû ka hnyi ke keihen metâ, ke öbun ka saû ka hnyi keihen me.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 43:14

Walang hna ha hnö Iehova at omeli öbun, a Kabi Isaraela, ka habe, Can gabun, oge me he ka ûkhûnöng Babulona ai, ke oge me he ka hum ödra hia thithö a je bâ, wale at Kaledia, adre me tabâ je hu adre me senyin hnyin.

Isaia 43:16

Walang hna ha hnö Iehova at ame bi gethen hnyi köiö, kʼ ame bi deny gethen hnyi wanben köiö ae gan;

Isaia 45:11

Walang hna ha hnö Iehova Kabi Isaraela, at a op e, ka habe, Hnei nya thö ge ta je ûnyi ame he ka o; ke hûna thö könya ge lakuk, me huliwa anyin li hnyamok.

Isaia 48:20

He but ûheny Babulona, kec dʼ öbun ge at Kaledaia; haimemenâ thö ge hwan khumöng, thumeto ju e, ha ju e ke ne o but hnyi can hmeledrany: ha thö, ka habe, A hia but Iehova ûcû melen athnyabainy a Jekob.

Isaia 49:26

Ke oge me he bi nya ka han tavat ge hing vidra a ödra adre me oveci u; kʼ adre me he ka monu ge hing drödra bi, helâke me hnen waina ae hnebwia: ke ame he tavat hia ka khanʼ ödra a inya Iehova, at ame omeli u, me at ame ûcû melâm, a Man mani Jekob.

Isaia 49:7

Walang hna ha hnö Iehova, at ame ûcû meli Isaraela, wale Kabiny, kâu a at ame hûkhötiâ hnen tavat, ke u at ame bi athnyabainy tavat musi, ka habe, Ame he je than ka wâ me tot; kʼ ame he lakon than ka khudrung; can bi Iehova ae hnathu, wale Kabi Isaraela at a ûco u.

Isaia 54:13

Ke ame he Iehova ka nâ lakom hia; ke ame he ka gan hnahic anyin lakom.

Isaia 54:5

Anyin a âiâm bi at a up u: haba ien, me Iehova tuhan sabaoth: ke haba at a ûcû melam, me Kabi Isaraela; adre me he ka hawâ e me Khongon hmeledrany hia thithö.

Isaia 54:8

Hnyi wathethot ae bahihingölö oge me ikhâlâ hnyimakök gam helâ me thuthubademak; ke oge me he ka betenge gam ge betenge a nyiele balua, haingö Iehova at a omeli u.

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Mika 4:2

Ke ame he ka o ta je hnyei ae se hia me ha, ka habe, Ai öbun mʼ ate me he ka ölö ka hnyi bucen anyi Iehova, me uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, ke hofuc ho Iehova ûheny Jerusalema.

Ioane 6:45

Adre me sihnalimen hnyi tusi anyin je perofeta, ka habe, Ame he Khong ka nʼ ödra hia. Ke haba tavat hia adre me long ûnyi ge Kamen, kʼ adre me ûne bi, me adre me he ka o könya.

Efeso 4:21

öbun e ne long kâu, me ûne unyin helâ me hnathu unyi Iesu:

Josua 3:4

Ke so ama hu hnyigöulöbun mē, haba tulut me helâ me lo li thauzan kubit: kʼ öbun e ca he ka hakekenyâ, mʼ öbun e he ka wâ gethen öbun e he ka vheno; anyin a öbun e tiga ca he hnyi gethen eling ehac.