Isaia 48:11 - Iaai Bible 1901 (New Caledonia)

¹¹ Gak, gak bi, oge me he ka ûnyâ e; anyin a ieû adre me he ka haikongoâ iök î ke oge me ca he ka ham anyik hmanenang ka ke at.

Isaia 48:11 ပူးပေါင်းရင်းမြစ်များ

Salamo 106:8

Ke so bi e ame omeli ödra can ien bi, Me me he ka omanenâ maniny man.

Salamo 115:1

IEHOVA lö, ca köhmun bi, ca kohmun bi, E so bi he ka hna hna olungâ ka iâm, Ûnyi hnyi ânyâm betenge me ânyâm hnathu.

Salamo 25:11

Iehova lö, ûnyi hnyi iâm bi, Hna but anyik hulo, anyin ae gan hmâ e.

Salamo 25:7

Ca he ka ûnykûme ta je hulöiny anyik hidröu, me ta je hanyâûâ gak: Unykûmi nya ju hoton ânyâm ibetengiö, Ûnyi ge hwakecâm ae so, Iehova.

Isaia 37:35

Anyin a oge me he ka tuö taun ang me omelo e gak bi, me ga Davita athnyabaik.

Isaia 42:8

Inya Iehova, wale iök: ke oge me ca he ka ham anyik hmanenang ka ke at, ke hna oganö nya bi ka ta je idola.

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Isaia 48:5

anyin a wale, oge hia but haimemenâ e köu ûnyi adrem; oge me omanenâ köu ke tiga ca hwâdâ but: wâ u nye he ka ha, ka habe, Hnen anyik idola hna ânyâ, ke hnen anyik hnatheat, ke anyik hnatheat adre me okoiâ hna hûna kodra.

Isaia 48:9

Can iök bi, oge me he ka obecâ anyik hmonyin, ke can hna oganö nya oge me he ka hokhnyok gam, mʼ o ge me ca he ka subâ degeci u.

Isaia 52:5

Ke walang ang, haingö Iehova, oge ma ânyâ ieû eang, anyin adre hom bâûâ lakeik? ame kuku tavat adre me musi ödra, haingö Iehova, ke adre me haikongoâ iök hnyi je bong hia thibut.

Jeremia 14:7

Iehova jö, eja ke ne a ne hwâdâ kö hmun anyihmun ta je hulo, ânyâ bi thö u can iâm; anyin a ohmun e osehia but kolu: ohmun e hia but ânyâ hulo köu.

Ezekiela 20:14

Ke so bi oge me huliwa can iök, me me ca he ka kong bi hnyi hnyimakan je hnyei, waleji oge me hum ödra hnyi hnyimakan.

Ezekiela 20:22

Ke so bi oge me ohmeto hnyamok, kʼ oge me huliwa can iök, me me ca he ka kong e hnyi hnyimakan je hnyei, waleji oge me hum ödra hnyi hnyimakodra.

Ezekiela 20:39

Ke haba öbun, lap anyi Isaraela lö, walang hna ha hnen Than Iehova, ka habe, Ve he thʼ öbun ka bi hluiny anyibun je idola, ke hwaban e öbun e ne ca ling nya; ke so bi, öbun e ca he hmetu bi ka okongoâ iök ae kap ge anyibun ta je bwihlany me anyibun je idola.

Ezekiela 20:44

Ke öbun e he ka wâ a inya Iehova, iny ka hia but huliwa unyibun can iök, ke ca hoton debun je gethen ae kong, ke anyibun je huliwa ae kong, lap anyi Isaraela, haingen Than Iehova.

Ezekiela 20:9

Ke so bi oge me huliwa ûnyi hnyi iök, me me ca kong bi hnyi hnyimakan je hnyei waleji adre me laba hnyin, ke oge me omanenö nya bi kodra hnyi hnyimakodra, hnyi hnok hna hum ödra ûnyi hnyi hnyei Aigupito.

Ezekiela 36:22

Anyin a wale ha thö ka lap anyi Isaraela, ka habe, Walang hna ha hnen Than Iehova, ka habe, Lap anyi Isaraela lö, oge me ca ânyâ e can öbun, ke so bi can iök ae kap, waleji öbun e hia but haikongoâ hnyi ta je hnyei, waleji öbun e he ka hnyin.

Daniela 9:17

Ke walang ang Khonguhmun lö, long ju hic hijin athnyabaem, me hnen hna khöû, ke omelamâ thö hnyimâkâm hon ânyâm dok ae kap ae ba wan, ûnyi hnyi ien Than.

Ioane 5:23

me me he tavat hia thithö ka ogânâ Nokon helâ me hnödra hna ogânâ Kamen. Haba at ame ca ogânâ Nokon, me ame ca ogânâ Kamen at a kunâ e.

Roma 2:24

Anyin adre me haikongoâ ien Khong hnen Aten ke je hnyei can bi öbun, helâ me hna sihnalimen.

I. Samuela 12:22

Anyin ame ca he Iehova ka hna degecâ lakeiny, ûnyi ge ien ae gan hmâ: anyin ae we Iehova he ka wiʼ öbun me hnân hing lakeiny.