Isaia 48:1 - Iaai Bible 1901 (New Caledonia)

¹ LAP anyi Jekob lö, long ju ang, öbun tavat adre hwenyi iödra hoton iö Isaraela, a tavat adre me o but ûnyi hnyi je köien Juda; a tavat adre me khemanyin hnyi iö Iehova, me ha ge Khongon Isaraela, ke ca hnathu bi me wisa.

Isaia 48:1 ပူးပေါင်းရင်းမြစ်များ

Genese 32:28

Me e ame ha, ka habe, adre me ca he hmetu ka hao u Jekob, ke Isaraela bi: anyin a u je hia but nâ hwegiâm me Khong me tavat, ke ne u hwege.

Genese 35:10

Ke Khong ame ha kâu, ka habe, Jekob iâm: kʼ adre me ca he hmetu ka hao u Jekob, ke Isaraela bi iâm: ke e ame hwenyi ien e Isaraela.

II. Je Than 17:34

Ke ödrin e ânyâ hoton hwakecidrin ehac ke ne o but hnyi bong ang: ödrin e ca outö Iehova, ke haba khaca ödrin e ca ânyâ hoton anyidrin je hnanyibu, me anyidrin tulut, me hoton hnanyibu me hna hûna waleji a hûna Iehova ka lakon Jekob, a hnyat e ame hwenyi iödrin me Isaraela;

II. Je Than 5:20

Ke haba Gehazi athnyabai Elisaia aten Khong ame ha, ka habe, Wâ bi tuhok ame betenge ga Naamana at Suria, kʼ ame ca kap ûnyi hnyi li hnyamen ûnyi e ame hom jem: kia inya Iehova a oge me he ka wâdring hoton me hom gan ke ûnyi.

Salamo 63:11

Ke ame he than ka senyin ka Khong: Adre me he hia ka hobeluâ, wale tavat adre me khemanyin gan; Anyin adre me he ka hlöng hnyimen tavat adre me thoi.

Salamo 66:3

Ha thö ka Khong, ka habe, Hnân öbu-buny ge hnâm je hna ânyâ! Ûnyi hnyi ûganiny tang hwegiâm ame he je iwahnaihmiony möu ka nom ju köu.

Salamo 68:26

E so öbun e haisoâ Khong hnyi je ûkhacaköu, Wale Than, öbun hanen hna pupuainy Isaraela.

Salamo 68:27

Wale Beniamina a wakeiat ame musi ödra, Me je taben at Juda me anyidrin dö, Me je taben at Zebulona, me je taben at Nafatali minya.

Esodo 23:13

Ke hnyi ta je hofuc hia oge ha köbun, wâ eâu: ke ca he öbun ka ha ien ke ta je khong, kʼ adre me ca he ka löng e ûnyi hnyi hnyimâm.

Ta je Vejec 5:16

Hawa, e so e ve di ehē ânyâm ta je pupua, Me ânyâm je wagewe eû hnyi ta je gethen?

Isaia 26:13

Iehova Khonguhmun lö, adre hia but musi öhmun hnen ke je than minya; ke hake u ke thibi, mʼ öhmun e he ka ogânâ iâm.

Isaia 44:5

Ame he ke at ka ha ka habe, Inya atö Iehova; ke ame he ke at ka hwenyi ien bi hoton iö Jekob; ke ame he ke at ka sihnalimen ge hnyamen hobi kö Iehova, me hwenyi ien hoton iö Isaraela.

Isaia 45:23

Oge hia but khemanyin gak bi, ame he but hofuc ûnyi hnyi hnyimök hnyi wisa, ke ame ca he bi ka hmetu a gʼ adre me he hia ka cibouca könya, ke ame he ta je hnyem hia thithö ka khemanyin gak.

Isaia 46:12

Ling nya ju, öbun tavat ae hnyok baga, tavat adre me ûsâkâûö me wisa:

Isaia 51:1

LING nya ju öbun tavat öbun e hnu hoton wisa, tavat öbun e elom Iehova: wâ ju kic adre subʼ öbun ûnyi hnyin, me hwanumen thop adre hiny öbun hnyin.

Isaia 51:2

Wâ thö kamöbun a Aberahama, me Sara at a hnöku öbun: anyin oge hawâ e ke tiga khaca, ke oge me ohnahicâ me osehia e.

Isaia 58:2

Ke adre me elom nya hnyi je bong, kʼ adre me senyin he ka khanʼ ödra dek je gethen: helâ me hnyei ame ânyâ wisa, me ca hna degecâ je hna otilâ hnen Khongudrin, helâe adre me hnei nya ge hna owisa ae ûcû, adre me senyin he ka hakekeny ka Khong.

Isaia 62:8

A hia but Iehova khemanyin ge hnyamen a metân, me benyin ae hwege, ka habe, E hnathu oge me ca he hmetu ka hna ânyâm hwit hnân an je iwahnaihmiony möu; ke ame ca he je atkanyua ka ijem ânyâm waina waleji u je huliwan:

Isaia 64:6

Öhmun hia thithö öhmun e helâ me ûnyi ae bo kong, ke helâ me je ûkhaû ae ikiki anyihmun wisa hia thithö: öhmun hia öhmun e meleca helâ me lany hnyot; kʼ ame ohiʼ öhmun hnen hwakecihmun ae monu helâke ame oû ang dö.

Isaia 65:16

me me he at ame ha hnahicâ e bi hnyi hmeledrany, me ame he ka ha hnahicâ e bi ge Khong ae hnathu; ke haba at ame khemanyin hnyi hmeledrany, me ame he ka khemanyin ge Khong ae hnathu; anyin a hia but hnying ta je vec a bân, ke adre hia but ikhâlâ ta je ûnyi e ge li emakök.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Jeremia 44:26

Anyin a wale, long ju öbun hofuc ho Iehova, at Juda hia tavat öbun e laba hnyi Aigupito, ka habe, Wâ bi inya oge hia but khemanyin hnyi iök ae gan hmâ, haingö Iehova, a gʼ ame ca he hmetu ka ha iök hnen hnyimen at Juda hnyi hnyei Aigupito hia, ka habe, Kia inya Than Iehova.

Jeremia 5:2

Ke adre me ne he ka ha, ka habe, Kia inya Iehova; e hnathu, adre me khemanyin thoi.

Levitiko 19:12

Ke ca he öbun ka khemanyin thoi hnyi iök, anyin a u je okongoâ ien Khongom helâe: Inya Iehova.

Mika 2:7

Lap anyi Jekob lö, hawa, adre me he ka ha, ka habe, Hawa, e sënyin dut hanu Iehova? hawa, e ame ânyâ je ûnyi ang? Hawa ame ca he hok hofuc ka osoâ at ame vheno wisa?

Zefania 1:5

ke tavat adre me hic hon ban je uma ka ta je ûnyi hnyi drany, ke tavat adre me khemanyin ko Iehova, kʼ adre me khemanyin ge anyidrin than;

Zakaria 5:3

Me haingen kônya ka habe, Wale hnaûhango at ame vheno hia hon kânâ: anyin a haba at venöu, me adre me he ka subâ degecâ hoton e hnyi ke keihen e; ke haba at ame khemanyin adre me he ka subâ degecâ hoton e hnyi ke keihen e.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Numera 24:7

Ame he ka hingâlâ köiö ûnyi hnyi anyin li baket, Kʼ ame he ka hu je mâtrâniny hnyi je köiö ae se, Kʼ ame he ka gan hmâ thaniny hu Agaga, Kʼ adre me he ka oganâ dokhon dökhu.

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Ioane 1:47

Haba Iesu ame ö Nathaniela ame he kâu, me e ame ha gan, ka habe, Wâ bi at Isaraela ae hnathu, e ba tang iyawâ gan!

Ioane 4:24

Khong Hanu; ke hamen tavat adre me hmi kân he ka hmi hnyi hanu me hnathu.

Roma 2:17

Ke a ne iâm bi ien at Juda, ke u me gejon hnanyibu, me hobeluâ Khong,

Roma 9:6

Ke ca helâke ame ûnyi baû hofuc hwan Khong. Anyin a ca tavat Isaraela hia bi ödra hnyi Isaraela:

Roma 9:8

Walang bongon, a haba je lakon unyin, me ca je lakon Khong bi ödra; ke haba je lakon hna ha bânâ, me, adre me ha wale je mâtrân.

Deuteronomi 10:20

U me he ka outö Iehova Khongom; u me be ka bi athnyabainy, me kece kâu, me khemanyin hnyi ien.

Deuteronomi 33:28

Ke Isaraela ame laba khötkic, Hake e pupuainy Jekob, Hnyi hnyei ae hu hwit me waina; Eke, ame ta hau ûnyi hnyi anyin drany.

Deuteronomi 5:28

Me haba Iehova ame löng hobun hofuc, waleji öbun e ha könya; ke Iehova ame ha könya, ka haba, Oge löng ut ifucin tavat eang, wale adre me ha köu: ke so hia hnödra hna ha.

Deuteronomi 6:13

U me he ka outö Iehova Khongom; me bi athnyabainy, me khemanyin hnyi ien.

I. Timoteo 4:2

hnen iyawo anyin tavat thoi, tavat ame le oûnykûmidra ge fao ae ōû;

Hna Omanenâ 2:9

E khanö nya ânyâm ta je huliwa, me ânyâm theduoc (ke u me tren ta ûnyi), me bi gan anyin tavat adre me ha, a ödra tavat Juda, ke ba bi, ke sunago ödra a umo Satana.

Hna Omanenâ 3:9

Wâ bi, oge me he ka ham keihen hanen sunago anyi Satana, wale a tavat adre me ha, ka habe, Ödra tavat Juda, ke ba bi, kʼ adre me thoi; wâ bi, oge me he ka wiʼ ödra, mʼ adre me he but jem he ka khudrung hnyi hmelen li cam, ke adre me he ka khana a oge me hia but betenge gam.