Isaia 47:6 - Iaai Bible 1901 (New Caledonia)

⁶ Oge me hmönyik ka lakeik, oge me okongoâ ik hnyei me hnʼ ödra ka hnyi hnyamâm: e ba hmonyin betenge u je ânyâ kodra; u je ti ohmâkâ ânyâm hna ûhûkâlâköuâ hon wahingat.

Isaia 47:6 ပူးပေါင်းရင်းမြစ်များ

II. Samuela 24:14

Haba Davita ame ha kö Gada, ka habe, E gan hma hlohlo gak: e so ate me ta walang ang ka hnyi hnyamö Iehova; anyin ae gan hmâ anyin ta je ibetengiö: ke ca he bi nya ka ta ka hnyi hnyamen at.

II. Man Ûlabainy Je Than. 10:11

Haba cica ame ip hubun ûnyi hnâu ûhûkâlâköuâ ae hmak, ke oge me he bi nya ka bi hanen e hubun: haba cica ame kuc öbun ge je osö, ke oge me he bi nya ka kuc öbun ge je sekopio.

II. Man Ûlabainy Je Than. 28:9

Ke e hu eling ke perofeta anyi Iehova, Obed ien: ke e ame he me ûkhanö me je utbavat adre me o hnyi Samaria, me ha ködrin, ka habe, Wâ bi, anyin a Iehova Khongon lakamöbun ame hmonyin ka at Juda, me ame hnʼ ödrin ka hnyi hnyamöbun, mʼ öbun e hia but hlingʼ ödrin kʼ ame sâ thö hnyi drany ai anyibun hmonyin.

II. Man Ûlabainy Je Than. 36:17

Anyin a wale e ame oâ ködrin thaniny at Kaledaia, at ame hlingâ je hidröuidrin ge hele vat hnyi uma dok a kabidrin, ke adre ca betenge ka ke hidröu, me hlu, me hingat me hûen: e ame hnʼ ödrin hia ka hnyi hnyamen.

II. Man Ûlabainy Je Than. 36:20

Ke e ame hom je kolon adre ca hlingâ ge hele vat Babulona ai; me ödrin e bi athnyabainy me je lakon eling, ke ne o but hnyi ûen ame muso ge dokhu at Peresi:

Ezera 5:12

Ke haba hwaban dö e a hia but lakamöhmun ohmönyinâ Khongon drany, me e ame hnʼ ödrin ka hnyi hnyamö Nebukaneza than Babulona at Kaledaia, at ame ohia uma eang, me hom tavat Babulona ai.

Salamo 69:26

Anyin adre me ovecâ at u je hia but kot; Ke adre me ûhnenamö ge tenge anyin tavat u je hia but oaatâ.

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Isaia 13:16

Ke adre me he ka sa lakudra je mendreng hnyi hnyimakodra; ke adre me he ka söh umödra ta je uma, me okongoâ laöiödra.

Isaia 14:17

at ame wia hmeledrany me me helâ me hnyebuba, me hagutâ hnyikânâi je tauniny; at ame ca hna tavat hwenbâ ka hnyi ta je idra?

Isaia 14:6

waleji ame kot tavat ge wathethöt kʼ ame ca menâ bi nang, waleji ame muso hmönyinâ ta je hnyei, ge hna seda ae ca hnân thawâ bi.

Isaia 43:28

Anyin a wale oge me he ka okongoâ je tuhan dok ae kap, me hnö Jekob ka hnaûhango, ke Isaraela hnân haikongoâ.

Jeremia 50:42

Adre me hok cafana me ö; ödra tavat beovecâ, ke ca tren ibetengiö; ame mea ifucidra helâ me köiö, ke adre me tabö hors; adre me ve tot metâ, helâ me ûtilen at hnyi vat, he ka vat möu hlu nokon Babulona.

Je tenge anyi Jeremi 1:14

Ame ca ge hnyamen ûhûkâlaköuâ hnok je hna hanyâûâ; Kʼ adre ûcaköuâ, kʼ adre me ip hon nyik; e ame oaûâ tang hwegiök; Haba Than ame hia but hnö nya ka hnyi je hnyamödra, ke ca khanö nya he ka tot kodra.

Je tenge anyi Jeremi 1:21

Adre long ut a inya oge mâng; ke ba at ame otubweli nya; A long ut je iwahnaihmiony mönya hia hna okongu nya; adre me senyin a u je hia but ânyâ: U me he ka oâ bong waleji u je thu, mʼ adre me he ka ûcû mönya.

Je tenge anyi Jeremi 2:2

A hia but Than utâ je hnyaba Jekob hia, ke ame ca betenge bi; E ame hagutâ hnyi anyin hmonyin je hnabâ anyin hluiny Juda; E ame tha ohonâ me kânâ: E ame oikikiâ dokhu me je thaniny.

Je tenge anyi Jeremi 4:16

Ame hia but ovesei ödra hnen hmonyin anyi Iehova; e ame ca he hmetu ka ûnykûmi ödra bi: Adre me ca okabâ hnyimakan tavat bihut; kʼ adre me ca betenge ge wahingat.

Je tenge anyi Jeremi 5:12

Adre me uhno je taben waleji adre noc je hnyamödra: Ke adre me ca ogânâ bi hnyimakan wahingat.

Ezekiela 24:21

Ha thö ka lap anyi Isaraela, ka habe, Walang hna ha hnen Than Iehova, ka habe, Wâ bi, oge me he ka okongoâ anyik dok ae kap, wale tang hwegiöbun ae beönua, webun, ame oûnyihnatho hnen hnyekubun; ke ame he ka ta ge hele vat je lakubun obaga me wahlu waleji öbun e kec hotʼ ödra.

Ezekiela 28:16

Hnyi ûganiny hnâm hna ûco adre me öunöngöti u ge ûokonguny, ke u je ânyâ hulo: anyin a wale oge hia but hagutö u ûnyi hnyi hon bucen anyin Khong; ke oge hia but ohiö u, kerubi at ame tube, ûnyi hnyi wanben je veto meic.

Obadia 1:10

Ame he ka takû u hmehma can ûokonguny ka kem a Jekob, ke adre me he ka subâ degeci u nyiele balua.

Obadia 1:16

Anyin a öbun e hia but ic hon anyik bucen ae kap, me ame he bala bi ta je hnyei ka ic helâe, eke, adre me he ka ic me utâ, kʼ adre me he ka helâ me at adre ca hnokoâ.

Zakaria 1:12

Me haba angela anyi Iehova ame thu me ha, ka habe, Iehova tuhan sabaoth lö, ke ne o but kebö a u me ca he ka betenge ge Jerusalema, me je tauniny Juda, wale u je hmönyâm ka hnyin, hnyi je huna a sevente?

Zakaria 1:15

Ke e gan hmâ anyik hmonyin ka tavat adre me laba hnahic: anyin ae ûhnyûkong anyik hmonyin, ke haba ödrin bi, me adre me ogânâ hna ovecâ.

Mataio 7:2

Anyin a haba tulutiny hnobun hna ûnykûme hwalö, adre me he ka ûnykûme hwali öbun bi: helâe minya adre me he ka tulut köbun hoton hnobun hna tuluto.

Deuteronomi 28:50

hnyei ae hwege hnyimakan, kʼ adre me ca ogânâ wahingat, me betenge ge tavat ae ûhnyûkong:

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.