Isaia 47:4 - Iaai Bible 1901 (New Caledonia)

⁴ At ame ûcû melita, Iehova tuhan sabaoth ien, wale Kabi Isaraela.

Isaia 47:4 ပူးပေါင်းရင်းမြစ်များ

Salamo 19:14

E so e me he je hofuc hnyi hnyimök me je hna ûnykûme eû hnyi hnyekuk ka ûcû but hnyi hnyimâkâm, Iehova, kicik, at ame omeli nya.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 43:14

Walang hna ha hnö Iehova at omeli öbun, a Kabi Isaraela, ka habe, Can gabun, oge me he ka ûkhûnöng Babulona ai, ke oge me he ka hum ödra hia thithö a je bâ, wale at Kaledia, adre me tabâ je hu adre me senyin hnyin.

Isaia 43:15

Inya Iehova, Kabibun, at a Up Isaraela, ke Tuhöbun.

Isaia 43:3

Anyin a inya Iehova Khongom, Kabi Isaraela, at ame omeli u; oge hia but ham Aigupito hnân hwaban melâm, ke Aithiope me Teba hnân hwabâm.

Isaia 44:6

Walang hna ha hnö Iehova, Tuhö Isaraela, me at ûco anyin möt, wale Iehova tuhan sabaoth: inya ang at a bân, me a biliny; ke ba ju ke Khong ke inya thibi.

Isaia 49:26

Ke oge me he bi nya ka han tavat ge hing vidra a ödra adre me oveci u; kʼ adre me he ka monu ge hing drödra bi, helâke me hnen waina ae hnebwia: ke ame he tavat hia ka khanʼ ödra a inya Iehova, at ame omeli u, me at ame ûcû melâm, a Man mani Jekob.

Isaia 51:15

Anyin a inya Iehova Khongom at ame oâ je waköiöiny köiö me ame mea but: haba ien, me Iehova tuhan sabaoth.

Isaia 54:5

Anyin a âiâm bi at a up u: haba ien, me Iehova tuhan sabaoth: ke haba at a ûcû melam, me Kabi Isaraela; adre me he ka hawâ e me Khongon hmeledrany hia thithö.

Jeremia 31:11

Anyin a Iehova ame hia but omeli Jekob, me hûgûnâ e ûnyi hnyi hnyamen at ae hwege hon.

Amosa 4:13

Anyin a wâ bi, haba at ame op je bucen, me mâdrâ ang, me omanenâ ka at ûnykûmenen, at ame wia hnyomakatu me me lit, me vheno je dok ae gorany hnyi hmeledrany; haba ien e, me Iehova Khongon sabaoth.