Isaia 47:14 - Iaai Bible 1901 (New Caledonia)

¹⁴ Wâ bi adre me he ka helâ me thatûnyin hwit; kʼ ame he meic ka thong degeci ödra; kʼ adre me ca he ka omeli ödra ûnyi hnyi maniny bâhlân; kʼ ame ca helâ me walep hnân hlok, ke meic adre laba hnyi hnyimakan.

Isaia 47:14 ပူးပေါင်းရင်းမြစ်များ

Esodo 5:12

Waleling me me vese but tavat hnyi hnyei Aigupito he ka hlo tiren hwaban thatûnyin hwit.

Isaia 10:17

Ke haba melaminy Isaraela ame he ka hnân meic, ke haba anyin Kap hnân bâhlân: ke ame he ka thong me an anyin je iwatetaföcö me iwadekong hnyi bong a khaca.

Isaia 30:14

Ke e ame he ka thö e helâ me hna thö kaia kânâ adre oamamâ me ca betenge gan; mʼ adre me ca he bi ka wâ ong eckeihen ae ûcû he ka hok meic ûnyi hnyi hnabadröu, me seköiö ûnyi hnyi taben köiö.

Isaia 33:14

Ame ot hnyi Ziona tavat ae kong; kʼ ame o but öbubuny ka tavat adre me ca ot bi. Ie at gata ae khana he ka laba hnyi meic ame han? ie at gata ae khana he ka laba hnyi bâhlân meic nyiele balua?

Isaia 40:24

Eke, adre me tiga ca te ödra, kʼ adre me tiga ca konim ödra; eke e tiga ca hu wân anyidra hnyiban eû hnyi kânâ; me e ame tûʼ ödra, me adre me meleca thö, ke haba weneû ame tûâ degeci ödra helâ me thatûnyin hwit.

Isaia 41:2

Ia oâ ke at ûheny jimeio, waleji e ame hawâ ka hnyi li can hnyi hwakecin ae wisa? e ame hna je hnyei kâu, me otilâ he ka musi hon ta je than; e ame hnʼ ödra ka hnyi anyin hele vat helâ me sesâ, me ka anyin cafana helâ me je thatûnyin hwit ame tûâ ang.

Isaia 44:16

Ke hnyiban e, e ame vâc hnyi meic; ke ke hnyiban hnân leû uthmeno me han, me me sekon dö: eke e ame hlök mo ha, ka habe, Awe, oge mage thö, oge long dö meic:

Isaia 5:24

Anyin a wale, helâ me bâhlân meic ame an thatûnyi, ke helâ me önying ae meleca ame ta hnyikânâi hnyi meic, helâe ame he ka bobot anyidra iwân, kʼ ame he ka sâ göranyai anyidra je vongon helâ me sesâiny kânâ: anyin adre me hna degecâ hnanyibu anyi Iehova tuhan sabaoth, me hûkotiâ hofuc hwan Kapi Isaraela.

Jeremia 51:30

Ame ca bevat hnen tavat hwege hnyi Babulona, adre me laba hnyi hnyin je hnabâ: e ba but tang hwegiödra; ödra ûcû me omomo: a thong ut je hnyabadra; ke a mou thö ta je ohmâiny.

Jeremia 51:32

ke adre me hûgûnâ je gethen, me thong je sahlowe ge meic, kʼ ame seon bi tavat vat.

Jeremia 51:58

Walang hna ha hnö Iehova tuhan sabaoth, ka habe, Adre me he ka thö degecâ je haginy ae lau adre op hnyi Babulona, kʼ adre me he ka thong ge meic je hlinginy homagouleny ae gorany; ke ame he tavat ka huliwa hnân ûnyi baû, me je hnyei hnân meic; ke adre me he ka sënyin.

Ezekiela 15:7

Ke oge me he ka wâhmʼ ödra; adre me he ka kec ge meic, ke ame he bi ka an hnen ke meic; ke öbun e he ka wâ a inya Iehova, iny ka wâhmʼ ödra.

Joela 2:5

Helâ me hwan je kariota hnyi ban je bucen hwan gâ a ödra, ke helâ me hwan bâhlân meic ame thong thatûnyin hwit, helâ me tavat ae hwege adre me tot metâ he ka vat.

Obadia 1:18

Ke ame he lap anyi Jekob ka meic bi, ke lap anyi Josefa ka bâhlân, ke lap anyin Esau helâ me thatûnyin hwit, me adre me he ka vhök ödrin me thong degeci ödrin: ke ame he ka ba kolon lap anyi Esau, anyin a hia but ha Iehova.

Nahuma 1:10

Eja ke ne adre ne vhet helâ me ûö ae ûdedö, me ti khubet hnyi hnödra hna ic, adre me he ka thung ödra helâ me thatûnyin hwit ae mada.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Mataio 16:26

Anyin a ieû troban ka at, a ne he ka hu kâu hmeledrany hia, ke ame bi hwaban e ge anyin möt? ke ieû hmetu ke ûnyi hnân he ka bi hwaban anyin möt?

Hna Omanenâ 18:21

Ke haba ke angela ae hwege ame hom veto helâke me veto adre omomono ae gan me khûâ ka hnyi köiö, me ha, ka habe, Helâe minya adre me he ka hagutâ Babulona taun ae gan, ge hna khûâ ae hwege, ke adre me ca he hmetu ka wâ e bala.