Isaia 47:12 - Iaai Bible 1901 (New Caledonia)

¹² Todrö walang ang me ânyâm ta je bihihwakecin, me hnâm hna osehia bi khong, wale u je huliwa hnyin hwân kʼ u tiga wanakat; ame ne khanö u he ka bi troban, ame ne he ka tom.

Isaia 47:12 ပူးပေါင်းရင်းမြစ်များ

Salamo 129:1

E SO ame he Isaraela ka ha, ka habe, Adre hia but osehia oveci nya, hwân kʼ iny tiga hidröu;

Esodo 7:11

Me haba Farao ame hawâ tavat metâ me tavat tren khong: me haba odrin minya a je magoi hnyi Aigupito odrin e ânyâ helâe ge anyidrin je bibihwakeoin.

Esodo 8:7

Ke ame ânyâ helâe ta je magoi ge anyidrin je bibihwakeoin, me oâ ta je rana hon hnyei Aigupito.

Esodo 9:11

Ke ca khana ta je magoi he ka tot hnyi hnyimakö Mose, can je ohuc; anyin a e bi hon ta je magoi me at Aigupito hia ta je ohuc.

Isaia 19:3

Kʼ ame he Aigupito ka gâon hnyin e; ke oge me he ka ohia ûhnenamöiny: ke adre me he ka elâlâm je idola, me tavat ulit, me tavat tren biobotkong, me tavat bi khong.

Isaia 44:25

inya at ame oûnyibaûâ je haten anyin tavat ae thoi, me omono tavat bi khong; me ohmeto tavat ae metâ, me omono anyidra wâhmakhmeto:

Isaia 8:19

Ke ödra ka ha köbun, ka habe, Elâm dö unyin tavat tren je khong, me tavat bi khong, tavat adre me cûk me fufuc: hawa, ca hamen hnyei he ka elâm unyin Khongudra? hawa, adre me he ka elâm hobi kâu tavat ae möt unyin ta je komok?

Jeremia 2:28

Ke ewa je khongom waleji u je ânyâ hobi köu? Hamödrin he ka tot, a ne khanʼ ödrin he ka omeli u hnyi ûen u me vec hnyin: anyin ae ûcû ûseiny ânyâm je khong, Juda, me ânyâm je lap.

Ezekiela 21:26

me walang hna ha hnen Than Iehova, ka habe, Hom dö hnabinybak, ke hom dö korona gan: ame ca he ka tethmâ ûnyi ang: ogöranyâ thö ûnyi ae hnyikânâ, ke ohnyikânâ ju dok ae gorany.

Daniela 2:11

Ke haba ûnyi ame elam than, me e ti hmak, ke ca khana bi ke at he ka omanenâ e hnyi hnyimakan than, ke so thibi je khong, a tavat adre me ca tha laba me tavat.

Daniela 2:2

Me haba than ame ûkhu-nöng he ka hom je magoi, ke tavat bihihwakecin, ke tavat tren khong, ke tavat Kaledaia, he ka omanenâ ka than je bwiny. Me ödrin e o but me tot hnyi hnyimakan than.

Daniela 5:15

Ke adre hia but hom tavat ae metâ ka hnyi hnyimakök, a tavat bihihwakecin, inʼ adre me he ka aû hna sihnalimen ang me omanenâ könya bongon: ke ca khanʼ ödra omanenâ bongon ûnyi e.

Mika 3:7

Ke ame he ka hmehma tavat wâ, me hlohlo tavat bi khong; eke, adre me he ka tube je esongodidra: anyin ae ba hofuc hwan Khong.

Nahuma 3:4

anyin ame osehia bi ûnyi monu momo hnyi gethen ae hmanenang, tuhan hna bi khong, at ame ûco je hnyei ge anyin bi ûnyi monu, me je lap ge hnen hna bi khong.

Numera 22:25

Ke haba asina ame wâ; angela anyi Iehova me ame hakekenyâ hak veto, me me hlec ca Balaama hnyi hak veto: me e ame kot hmetu.

Hna Omanenâ 9:21

ke adre me ca ietra ge hnödra hna ûhlingö, me bi khong, me bi ûnyi monu, me venöu.