Isaia 47:10 - Iaai Bible 1901 (New Caledonia)

¹⁰ Anyin a u je hia but labageju ka ânyâm je hulo; u je ha, ka habe, E ba at ame ö nya; ame omono u hnen ânyâm metâ me ânyâm wâhmakhmeto: ke u je ha eû hnyi hnyekom, ka habe, Inya thibi, ke ba minya ju ke at.

Isaia 47:10 ပူးပေါင်းရင်းမြစ်များ

Salamo 10:11

Haingen eû hnyi hnyekon, ka habe, A hnying ut Khong: E ame ikhâlâ hnyimakan; e ame ca he balua ka wâ.

Salamo 52:7

Wâ ju at ame ca oûnyihnatho bi Khong me me hnabâ bi kâu; Kʼ ame gejoâ ûganiny tang omjehen, Me ohwegiâ e bi hnyi anyin hulo.

Salamo 64:5

Adre me sihwegi ödra bi hnyi ûnyi ae kong; Adre me vak he ka töu hnewe hnyi dok ae iyong; Haingodra, ka habe, Ie at ame he ka wâ?

At Khet 8:8

E ba at ame tren musi hon hanu, he ka behânâ hanu; ke ba at ame muso bong mok; ke ba at adre me hna ûnyi hnyi vat eling: kʼ ame ca he hwakecin ae kong ka omelo tavat adre me mâdrâ e.

Isaia 28:15

Anyin a öbun e ha, ka habe, Öhmun e hia but ûhihinyköu me mok, ke öhmun e tha hien me hedis; e ka o thö okongon ae: bahihingölö, ame ca he ka o kohmun; anyin a öhmun e hia but wia thoi me hnân anyihmun hnabâ, ke öhmun e hia but ikhölö hmelen iyawo:

Isaia 29:15

Ekölö gadra tavat adre me elâm eû hnyin he ka ikhâlâ ga Iehova anyidra ta je ûhnenamö, ke e bi hnyi menekholom anyidra ta je huliwa, me ha, ka habe, Ia ame ō ʼta? ia ae khana öta?

Isaia 44:20

E ame han dröu: kʼ ame omono e ge hnyok adre iyawö, me me ca khana he ka omelo hanon me ha, ka habe, Hawa, e ba thoi hnyi hnyam a metök?

Isaia 47:8

Ke walang ang, long ju ang, u at ame labö hnu hoton je senyin, at ame laba khötkic, at ame ha eû hnyi hnyekon, ka habe, Inya thibi, ke ba ju ke at; oge me ca he ka laba helâ me safac, ke haba khaca oge me ca he ka wâ ba nokon:

Isaia 5:21

Ekölö ge tavat a ödra metâ hnyi fanödra hna ûnykûme bi, me ûnykûme a ödra tavat wâ wia!

Isaia 59:4

E ba at ame hawâ hnyi hwakecin ae wisa, ke ba at ame ivino hnyi hnathu: adre me labageju ka ûnyi ae ba onyen, me ha thoi; kʼ adre me erkinâ ûokonguny, me hnokoâ but hulo.

Jeremia 23:24

E hu at ama ikhölö hnyi dok ae iyong ke oge me ca he ka wâ? haingö Iehova. Hawa, e ca unöngöt drany me hmeledrany gak? haingö Iehova.

Jeremia 9:23

Walang hna ha hnö Iehova, ka habe, E so e me ca he at ae metâ ka hobâ anyin metâ, ke ca he at ae hwege ka hobâ ihwegien, ke ca he at tren omjeû ka hobâ tang omjehen:

Ezekiela 8:12

Ke e ame ha könya, ka habe, Nokon at lö, hawa u me hia but wâ hna ve ânyâ hnen wahingatiny lap anyi Isaraela hnyi dok ae menekholom hnyi je hnyeuleny je ûhöûcû? anyin adre me ha, ka habe, Ame ca ō ʼta but Iehova; Iehova ame hia but hna degecâ hmeledrany.

Ezekiela 9:9

Me e ame ha könya, ka habe, E ti gan hmâ hulo anyin lap Isaraela me Juda, ke ame unöngötö hnyei ge dra, kʼ ame unöngötö taun ge hna ohwalö je hna owisa: anyin a haingodra, ka habe, Iehova ame hia but hna degecâ hmeledrany, ke ame ca wâ bi Iehova.

Daniela 4:27

Anyin a wale, than lö, e na so ju köu bok hofuc, ke soju monu gam, me ânyâ wisa, ke soju hwakecâm ae kong, ke betenge ju ge tavat ae theduoc; mʼ adre me ne he ka obeûâ hnâm hnahic.

Zefania 2:15

Walang taun waleji ame senyin me laba wia, at ame ha eû hnyi hnyekon ka habe, Inya thibi, ke ba hmetu ke at: Ekölö, e ba but wan e, hnân mokut hnen je meno ae hiny! ame he tavat adre me he unyin ka jû, me nyinyikâ ban.

Roma 1:22

Adre me ka ohobeluâ anyidra bi metâ, me adre me monu but,

I. Korinito 3:19

Anyin ae monu hnyi hnyimakan Khong metâiny hmeledrany. Anyin adre hia but sihnalimen, ka habe, E ame ohnokâ wametâ hnyi anyidra bibihwakeoin: