Isaia 47:1 - Iaai Bible 1901 (New Caledonia)

¹ UTUT, ke laba ju hnyi sesâ, u hlu Babulona; laba ju eû hnyi kânâ ke ba but theron, u hlu anyin at Kaledaia: anyin adre me ca he hmetu ka haiö u a u menyik me mita.

Isaia 47:1 ပူးပေါင်းရင်းမြစ်များ

Jobu 2:13

Me ödrin e tha laba mē hnyi kânâ seven je lany ke seven je lit, ke ödrin e ca fuc kâu: anyin a ödrin e wâ ae ti gan anyin vec.

Jobu 2:8

Ke e ame hom ke watagi kaia me khudreû unyin; ke e ame laba hnyi hnabadröu.

Salamo 137:8

Hlu nöku Babulona lö, adre me he ka ohiö u, Ame he ka hnahic ut at ame bi hwaban köu, Hnâm hna ânyâ kohmun.

Salamo 18:27

Anyin a u me he ka omelo tavat ae vec; Ke u me he ka ohnyikânâ je ecmak ae bi gan.

Salamo 89:44

U je hia but ohia anyin hmanenang, Me hagutâ hnyikânâi anyin theron.

Isaia 13:1

HOK honen Babulona, waleji a wâ Isaia nöku Amosa.

Isaia 13:13

Anyin a wale oge me he ka oöbubunâ je drany, ke ame he ka jijingâ hmeledrany ûnyi hnyi hnen e, hnen hmonyin ga Iehova tuhan sabaoth, me hnyi bonginy anyin wathethot ae kahwa.

Isaia 14:1

A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Isaia 21:1

HOK honen hnyebubainy köiö. E ame o but ûheny hnyi hnyebuba, ûnyi hnyi hnyei adre outen, helâ me hou ame tûâ ûheny hnyi hwaiöu.

Isaia 23:12

Ke e ame ha, ka habe, U me ca he hmetu ka hobelöu, u hluiny Ziona adre me okongu u: tödrö, he thö Kitim ai; ke ba bi hna menâ eling hobi köu.

Isaia 26:5

Anyin a e ame hia but öüo tavat adre me laba ethö, wale taun ae gorany: e ame ohnyikânâ e, me othahonâ e me sesâ.

Isaia 3:26

Kʼ ame he je homagouleny ka tenge me hlöuhlöu; ke e ame he ka laba eû hnyi kânâ ke ba at unyin.

Isaia 37:22

awe, walang hofuc ho Iehova ame ha gan, ka habe, A hûkötiö u me hlumö u hnen hlu wale hlu Ziona; ke ame nyinyikâ ban gam hnen hlu Jerusalema.

Isaia 52:2

Jijingö u but ûnyi hnyi sesâ; Jerusalema lö, todrö, laba thö: thang ut hna ca nyem hluiny Ziona at a bâ.

Jeremia 13:18

Ha thö ka than me momo than, ka habe, Öhnyikönʼ öbun ju, ke laba ju: anyin a kolu but anyibu li korona ae mec, wale koronainy anyibun hmanenang.

Jeremia 46:11

Ölö thö Gileada ai, me hok basama, u hluiny Aigupito: e ûnyi baû bi hnâm hna bi bubuny ae se hia; e ba bi eny hobi köu.

Jeremia 48:18

Hlu ame laba hnyi Dibona lö, utut ûhem hnyi ânyâm hmanenang, ke laba biju hnyi dok ae atgec; anyin ame o köu at ame söh Moaba, e ame ohia ânyâm je hnabâ.

Jeremia 50:1

HOFUC ame ha Iehova ge Babulona me hnyei Kaledaia a deny Jeremia perofeta.

Jeremia 50:42

Adre me hok cafana me ö; ödra tavat beovecâ, ke ca tren ibetengiö; ame mea ifucidra helâ me köiö, ke adre me tabö hors; adre me ve tot metâ, helâ me ûtilen at hnyi vat, he ka vat möu hlu nokon Babulona.

Jeremia 51:1

WALANG hna ha hnö Iehova, ka habe, Wâ bi oge me oâ ûcon Babulona, me ûcon tavat adre me laba hnyi Leb-kamai, ang at ame ohia.

Jeremia 51:33

Anyin a walang hna ha hnö Iehova tuhan sabaoth, a Khongu Isaraela, ka habe, Haba hluiny Babulona, me helâ me hna huje hwit hnyi ûen adre me ututo e; ke meokhaca me ameʼ he ka o but kâu ûen menu.

Jeremia 51:51

Ohmun e hmehma but anyin a ohmun e löng hna ûhaikonguny; ame tube je hnyimaköhmun hmehma: anyin a haba je atkanyua adre me o but ka hnyi je dok a kabiny uma umö Iehova.

Je tenge anyi Jeremi 2:10

Haba wahingatin hlu Ziona adre me laba hnyi kânâ, adre me hnyibû; Adre hia but konâm je bödra ge kânâ; adre hia but weikâ ecmano ae gan nân: Je wahluiny Jerusalema adre me nom hnyikânâi.

Je tenge anyi Jeremi 2:21

Wahidröu me wahingat adre me mokut hnyi kânâ eû hnyi gethen; Anyik wahlu me wahidröu adre me ta ge hele vat: U je hia but hlingʼ ödra hnyi bonginy ânyâm hmonyin; u je hia but kot me ca betenge bi.

Je tenge anyi Jeremi 4:5

Haba tavat adre me han so, me adre me hake laba hnyi je gethen: Haba tavat adre me hat hnyi mano ae dra, me adre me deluâ je hna digic thatûnyi.

Ezekiela 26:16

Haba hnyi ûen eling me ame he ka utut ta je thaniny köiö hia ûhedrin hnyi hon anyidrin ta je theron, me ip anyidrin je ûkot, me uny anyidrin ta je ûkhaû ae ve bongon bi: kʼ adre me he bi ka okhaûʼ ödra ge öbubuny; kʼ adre me he ka laba hnyi kânâ, ke adre me he ka labö öbubuny, me uthmâhmâ gam.

Ezekiela 28:17

E bi gan dut hnyekom ge ânyâm hmanenang, e monu but ânyâm metâ hnen ânyâm mec: oge hia but khûö u hnyikânâi, oge hia but ip u hnyi hnyimakan je than mʼ adre me he ka ö u thö.

Jona 3:6

Ke ame o but ûthumetu ka than Nineve, me e ame todrö ûheny hnyi anyin theron, me uny jut anyin ûkhaû me khavâ ec mano ae gan nân, me laba ju hnyi hnabadröu.

Hagai 2:22

ke oge me he ka ohnyimenâ hnyikânâi je theroniny je dökhu, me ohia tang hwegien je dökhuiny je hnyei; ke oge me he ka ohnyimenâ hnyikânâi je kariota me tavat adre me tabâ, ke ame he ka ta je hors me tavat adre me tabâ, ge hele vat anyin je liamekeiny mödra.

Zakaria 2:7

Ziona lö, kec möt dö, u at ame laba unyin lakon Babulona.

Hna Omanenâ 18:7

E gan hmâ hnen hna hamen ogânâ e bi, me ka osenyinâ unyin, awe, ânyâ thö kâu helâe ge vec me hlöuhlöu: anyin a haingen eû hnyi hnyekon, ka habe, Inya oge me laba a momo than, kʼ iny ca safac bi, ke oge me ca he ka wâ hlöuhlöu.