Isaia 46:9 - Iaai Bible 1901 (New Caledonia)

⁹ Ûnykûme ju ta je ûnyi waleji a bân: anyin a inya Khong, ke ba minya ju; inya Khong, ke ba at ae ûcû mönya;

Isaia 46:9 ပူးပေါင်းရင်းမြစ်များ

Jobu 10:13

Ke u je ikhâlâ ta je ûnyi e eû hnyi hnyekom; Ke e khanö nya a ka e bi e unyâm:

Salamo 111:4

E ame hia but wia me hnân ûnykûme anyin ta je huliwa hnân lâiâ: E menyik Iehova me unöngöt ge ibetengiö.

Esodo 15:11

Iehova lö, ewa at ae tha ûcû möu unyin ta je khong? Ia ae tha ûcû möu, e hmanenang hwakecâm ae kap, Ke hnân outen, odra ka ogânö u, at ame ânyâ ta je ûnyi hnân lâiâ?

Esodo 8:10

Ke haingen, ka habe, Bong nyi. Ke ame thu, ka habe, Ame he ka helâ me hnâm hna ha: me me he ka khanö u ae ba ke at ae ûcû me Iehova Khonguhmun.

Esodo 9:14

Anyin a haba hnyi ûen ang oge me he ka kunâ anyik ta je kong hia ka hnyi hnyekom, me hon lathnyabaem, me lakem: me me khanö u ae ba at ae ûcû mönya eang hmelen hia.

Isaia 41:26

Ie at ame haimemenâ e ûnyi hnyi can, me me khanʼ öta thö? me kâû adrem mʼ ate me he ka ha ka habe, E at ae wisa? eke, e ba at a haimemenâ, eke, e ba at ame omanenâ, eke, e ba at a long hobun je hofuc.

Isaia 41:27

Oge ma bok ka ha kö Ziona, ka habe, Wâ bi, wâ bi ödra; ke oge me he ka ham kö Jerusalema at ame he ka hom ûthumetu ae so.

Isaia 42:9

Wa bi, a hwâdâ thö ta je ûnyi a bân, ke inya oge me omanenâ ta je ûnyi ae teb ûnyi: ke oge me bok ka omanenâ köbun, ke tiga ca kû ta je ûnyi e.

Isaia 43:10

Öbun tavat ohnathu nya, haingö Iehova, ke athnyabaik waleji oge me ûca: me me khanʼ öbun me labageju könya, me wâ ûnykûme a inya thibi; e ba ke Khong a ban ke bilik bi, ke haba khaca, me ba ke at hnyi hwabök.

Isaia 45:14

Walang hna ha hnö Iehova, ka habe, Haba troban huliwa hnyi Aigupito, me je omjeûiny Aithiope hnân ûcû, me at Seba, tavat ae beû, adre me he ka hum ödra köu, me me ânyâm; adre me he ka he hotom; adre me he ka he ke tiga cʼ ödra ge je tö a fao: ke adre me he ka iyâû köu, me khöu köu me ba, ka habe, E hnathu e bi Khong unyâm; ke ba ju ke at, ke ba ke Khong.

Isaia 45:18

Anyin a walang hna ha hnö Iehova at a op drany; e thibi Khong; at ame ânyâ hmeledrany me op e; e ame otethmâ e, kʼ ame ca op baûâ e, e ame mâdrâ e me me labā e: haingen, ka habe, Inya Iehova ka ba ju ke at.

Isaia 46:5

Öbun e he ka ûhöûcû nya ke oûcû nya me ia, ke tuluti nya me inye ûcû me ia?

Isaia 48:3

Oge me bok ka ha ta je hofuc kâû adrem: eke, ame he but ûnyi hnyi hnyimök, me oge me omanenâ: oge me ie ânyâ, me adre me ohwâdâ bi.

Isaia 65:17

Anyin a wâ bi, inya oge me op drany a teb ûnyi, me hmeledrany a teb ûnyi: ke adre me ca he bi ka ûnykûme ta je ûnyi a bân, kʼ ame ca he ka o eû hnyi hnyekon at.

Jeremia 49:19

Wâ bi, e ame he ka ölö helâ me liona ûnyi hnyi hmanenanginy Joridano ka hnyi taun ae hwege, ke oge me he ka ie okecâ e ûheny e; ke haba at adre me ûca, oge me he ka otilâ e hon: anyin a ie at ae ûcû mönya? ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Jeremia 50:44

Wâ bi, e ame he ka ölö helâ me liona ûnyi hnyi hmanenanginy Joridano ka taun ae hwege: ke oge me he ka ie okeci ödra gan; ke oge me he ka otilâ hon, at adre ûca: anyin a ie at ae ûcû mönyaî ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Joela 2:27

Ke öbun e he ka wâ a inya hnyi wanben Isaraela, ke inya Iehova Khongubun, ke ba ju ke at: ke ame ca he balua bi lakeik ka hmehma.

I. Korinito 8:6

ke so bi khaca thibi Khong köta, wale Kamen, ûnyi gan ta je ûnyi hia, ke haba öta me hobi kâu e; ke Than minya a khaca, a e Iesu Keriso, ûnyi gan ta je ûnyi hia, me öta minya a ûnyi gan.

Deuteronomi 32:7

Ûnykûme ju je bong ehac, Wâhmakhmeto je hunainy ta je dö ae se: Hnö thö kâmâm, me e ame he ka thumetu u; Wahingatâm minya, ke ödrin e he ka ha köu.

Deuteronomi 33:26

Jesuruna lö, e ba at ae ûcû me Khong, At ame tabâ drany me me hadruo u Ke hon je ûlâ hnyi anyin hmanenang.