Isaia 46:3 - Iaai Bible 1901 (New Caledonia)

³ Ling nya ju lap anyi Jekob, me je kolon hia lap anyi Isaraela, tavat adre me hom tilʼ ödra ûnyi hnyi hna hnokoâ, tavat adre me kap tilʼ ödra ûnyi hnyi hnyok:

Isaia 46:3 ပူးပေါင်းရင်းမြစ်များ

Salamo 28:9

Omelo thö lakem, ke ohnahicâ ju jekhom: Ha ö ʼdra ju minya, ke kap tilʼ ödra ju ke ne o but nyiele balua.

Salamo 71:6

Ame kap tilö nya ûnyi gam hwân hnyi hna hnöku nya: U thibi at u je hum nya but ûnyi hnyeku bai: Oge me he bala ka oganö u.

Esodo 19:4

Öbun e wâ but hnök hna ânyâ ka at Aigupito, a oge köp öbun hon labenyin aeto, me hum öbun könya.

Isaia 1:9

Haba Iehova tuhan sabaoth, a ne ca hia but bi kolon ae ûhnyûkong thibi köta, me ate me he ka helâ me Sodoma, me ate me he ka ûcû me Gomora.

Isaia 10:20

Hnyi bong eling ame ca he hmetu bi ka he je kolon hnyi Isaraela, me tavat adre kec möt hnyi lap anyi Jekob ka labageju ka at a kuc ödra: ke adre me he ka labageju, hnyi hnathu kö Iehova, wale Kabi Isaraela.

Isaia 10:21

Ame he ka hmetu ke kolon, wale kolon unyi Jekob, ka Khong ae man.

Isaia 10:22

Anyin a eja ke ne a ne helâ me öny eû hnyi köiö lakem Isaraela, ame he ka hmetu thibi koluidra: adre me ip hmâ he ka ohia, ke wale ame badedö but hwakecin ae wisa.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 37:4

Ame ne he ka long ut la Iehova Khongom hofuc ho Rabesake, waleji a kuni hnen than Asuria a tuhan he ka haikongoâ Khong ae möt, ke e ame he ka thawâ hofuc ame long Iehova Khongom: anyin a wale hic dö hobi kâu ta je kolon.

Isaia 4:3

Ke adre me he ka ha, me kap kolon hnyi Ziona, me at ame laba biju hnyi Jerusalema, wale tavat hia thithö adre tha sihnalimen me tavat ae möt hnyi Jerusalema:

Isaia 44:21

Jekob lö, ûnykûme ta je ûnyi e, ke u Isaraela, anyin a u athnyabaik: oge me i up u, ke u athnyabaik: Isaraela lö, oge me ca he ka hnying u.

Isaia 46:12

Ling nya ju, öbun tavat ae hnyok baga, tavat adre me ûsâkâûö me wisa:

Isaia 48:1

LAP anyi Jekob lö, long ju ang, öbun tavat adre hwenyi iödra hoton iö Isaraela, a tavat adre me o but ûnyi hnyi je köien Juda; a tavat adre me khemanyin hnyi iö Iehova, me ha ge Khongon Isaraela, ke ca hnathu bi me wisa.

Isaia 51:1

LING nya ju öbun tavat öbun e hnu hoton wisa, tavat öbun e elom Iehova: wâ ju kic adre subʼ öbun ûnyi hnyin, me hwanumen thop adre hiny öbun hnyin.

Isaia 51:7

Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Deuteronomi 1:31

me hnyi hnyebuba, waleji u je wâ a gʼ ame kop u tilö u Iehova Khongom, helâ me at ame delûâ nokon, hnyi je gethen hia öbun e he hnyin ke ne o but öbun e o but eang.