Isaia 45:9 - Iaai Bible 1901 (New Caledonia)

⁹ Ekölö ge at ame iwatretra me at a op e! a ec kaia unyin ta je ec kaia eang hmeledrany! hawa, ame he kânâ ae kece ka ha ka at a op e, ka habe, Ieû u me op? ke hawa, ame he ûnyi u je huliwan ka ha, ka habe, E ba li hnyamen?

Isaia 45:9 ပူးပေါင်းရင်းမြစ်များ

Jobu 10:9

Ö u ûnykûme ju a u je up nya helâ me kânâ ae kece; Ke hawa, u me he ka ohmetu nya ka hnyi kânâ?

Jobu 33:13

Ieû gam u me ivinö mē? Anyin a e ame ca ha bi bongon anyin ta je ûnyi.

Jobu 40:2

Ame he at ae hwege hnyimen ka ivinö me Ataekhanahia? Haba at ame ivinö me Khong, me so e ame thu.

Jobu 9:12

Wâ bi, e ame hûgûnâ, ke hamö ia he ka thawâ? Ia ame he ka ha kâu, ka habe, Ieû e u me ânyâ?

Jobu 9:4

E at ae metâ hnyekon, ke gan hmâ man: Ewa at ae hwege hnyimakan kâu, me me ton?

Ta je Vejec 21:30

E ba metâ, ke ba wâhmakhmeto, Ke ba ûhnenamö, ame vak kö Iehova.

At Khet 6:10

Haba ûnyi ame o adre hia but hwenyi ien ehac, ke manen dut ae at: ke ca khanʼ bi he ka ivino me at ae beönua hon e.

Isaia 10:15

Hawa, ame he gö ka ohobeluâ hon at ame nang e? ame he gili ka ogânâ e ka at ame obwebwelâ e? helâke hnen osö hna obwebwelâ at ame nang e, ke helâke hnen uci hna kap goranyai at a ca utö bi.

Isaia 29:16

Öbun e ohnyimenâ hnyikânâi ta je ûnyi! Hawa, adre me he bi ka ûnykûme ka at up kaia, me helâ me kânâ ae kece; me me he bi ûnyi adre tibet ka ha ka at ânyâ, ka habe, E ame ca up nya; me he ûnyi adre me tretrao ka ha ka at ame tretrao, ka habe, E ba metâ gan?

Isaia 45:10

Ekölö ge at ame ha ka kamen, ka habe, Ieû u je hnoko? ame ne ha ka momo, ka habe, U je hnokoâ ieû?

Isaia 64:7

Ke ba at ame hawâ iâm, me ka bwebwelâ e bi me me he ka kot u: anyin a u je hia but ikhâlâ hnyimâkâm gahmun, ke u je oauʼ öhmun hnen je hwakecin ae monu öhmun e ânyâ.

Isaia 64:8

Ke walang ang, Iehova lö, u thibi Kamöhmun; öhmun ang kânâ ae kece, ke u at ame op kaia; ke öhmun hia thithö ang huliwa, anyin hnyamâm.

Jeremia 18:6

Lap anyi Isaraela lö, hawa, e ca khanö nya he ka ânyâ köbun helâ me man at ang ame up kaia? haingö Iehova. Lap anyi Isaraela lö, wâ bi, öbun ûcû hnyi hnyamok me kânâ ae kece hnyi hnyamen at ame up kaia.

Jeremia 36:29

Ke u me he ka ha ga Jehoiakama than Juda, ka habe, Walang hna ha hnö Iehova, ka habe, U je hia but thong tusi ang, haingâm, Anyin a ieû u je sihnalimen hnyin e, ka habe, Ame he ka o than Babulona me okongoâ hnyei ang, me ohia hnyin e at me meno?

Jeremia 50:24

Oge hia but töu hnewem, me u me hnok dö Babulona, ke e ca khanö u bi: adre me ō u me kot u minya, anyin a u je vat me Iehova.

Daniela 4:35

kʼ ame ûnykûme a helâ me thatûnyi tavat adre me labâ hia hmeledrany: ke e ame ânyâ hoton weny unyin je köiöiny drany, ke tavat adre me labâ hmeledrany; ke ba at ame he ka thawâ hnyamen me ba kâu ka habe, Ieû u me ânyâ?

I. Korinito 10:22

Hawa, ate me cubic Than he ka ciâ? hawa, öta hwege hon e?