Isaia 45:8 - Iaai Bible 1901 (New Caledonia)

⁸ Ta ju, öbun je drany ûnyi ethö, ke so ame he je ûlâ ka hingâlâ jem hwakecin ae wisa: e so ame he hmeledrany ka memang, me owa but möt, me tha oâ hwakecin ae wisa; inya Iehova at a op e.

Isaia 45:8 ပူးပေါင်းရင်းမြစ်များ

II. Je Than 19:25

Hawa, u me ca long ge hnok hna ânyâ e ehac, me op e hnyi je bong a bân? walang ang oge hia but ohwâdâ a gʼ ame he ka ba wan je taun adre up veten, me me je hudrei

Salamo 68:8

Ame öbubuny hmeledrany, Ame ta but minya drany hnyi hnyimakan Khong: Waleling Sinai hnyi hnyimakan Khong, Khongu Isaraela.

Salamo 72:3

Ame he ta je bucen ka okûâ ûsoköu hobi kâu tavat, Me je dok minya ae hut, hnen hwakecin ae wisa.

Salamo 72:6

E ame he ka ta helâ me we hon ta hnaonying adre sö: E ûcû me we ame ta but ka hnyi ta hnyei.

Isaia 11:1

KE ame he ka o khûen ûnyi hnyi iwân anyi Jese, ke ame he ka wa wan ke vheiny ûnyi hnyi anyin iwân:

Isaia 32:15

ke ne o but adre me hingâlâ huta hanu ûnyi ethö, kʼ ame he ka hnyei belök hnyebuba, kʼ adre me he ka aû hnyei belök me hnyot bi.

Isaia 4:2

Hnyi bong eling ame he ka hmanenang me mec hanö Iehova, kʼ ame he ka so me kese wan kânâ ka at Isaraela tavat adre kec möt.

Isaia 44:24

Walang hna ha hnö Iehova, at a ûcû u, ke at a up u hwân hnyi hnyekon hinyâm: inya Iehova at a op ta je ûnyi hia; at a hake ulolo drany; at thibi a olauâ hmeledrany; ie at unyik?

Isaia 44:3

Anyin oge me he ka hingâlâ köiö hon at ame beic, me je wagewe hon dok ae hwahwacit: oge me he ka hingâlâ hanuk hon je mâtrânâm, me hnahicik hon tavat adre me o ûnyi gam:

Isaia 46:13

oge me hakekenyâ anyik wisa, e ame ca he ka ûsâkâûö, ke ame ca he ka bec ûhomeli ûnyi gak; ke oge me he ka ip hnyi Ziona ûhomeli hobi kö Isaraela hmanenangik.

Isaia 48:18

Nakaem, u je ne long anyik ta je hnanyibu me me helâ me wagewe ânyâm hnahic, ke helâ me je waköiöiny köiö hwakecâm ae wisa:

Isaia 53:2

Anyin a e ame kû tot hnyi hnyimakan helâ me bâtân, ke helâ me wân ûnyi hnyi kânâ ae atgec: e ba anyin hmanenang, ke ba meciny; ke ate me wâ e, me ba hmanenang gan mʼ ate me he ka weta.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 61:11

Anyin a kânâ ame okûâ je vongon, ke ta hnyei ame okûâ je hatong adre me tä hnyin; helâe minya ame he Iehova ka okûâ kwakecin ae wisa me ogânâ hnyi hnyimakan ta je hnyei hia thithö.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Isaia 66:22

Anyin ame he ka tet hmâ hnyi hnyimakök drany a teb ûnyi, me hmeledrany a teb ûnyi, wale oge me he ka op, haingö Iehova, ke helâe ame he ka tethmâ mâtrânibun me iöbun.

Jeremia 31:22

Ke ne o but kehö u me he ka he monu, u hlu ame labö kolu? anyin a Iehova ame hia but op ûnyi ae teb ûnyi hnyi hnyei, ame he momo ka ton ge baga.

Ezekiela 34:26

Ke oge me he ka wiʼ ödra ke ta je dok igigili ödra, me me anyik hut ae hnahic; ke oge me he ka öta we hnyi ûen; kʼ ame he ka ta hnahic helâ me we.

Hosea 10:12

Te hatungen ju öbun hnyi hwakecin ae wisa, menâ ju hoton ibetengiö; he thʼ öbun ka trohnenâ kânöbun kânâ ae itremacat: anyin a ûen ang he ka elom Iehova, ke ne o but e amo o me öta hubun hwakecin ae wisa.

Joela 3:18

Ke haba hnyi ûen eling ame he ta je bucen ka khukhula ge waina ae hnebwia, ke ame he je hut ka di ge debai, ke ame he ka khukhutu köien je wagewe Juda; ke ame he pupua ka o ûnyi hnyi uma umo Iehova, me hû hnyigöulen bucen Sitima.

Ta je huliwa 2:33

Ke walang ang e ame laba goranyai ûnyi ge hnyam a metân Khong, kʼ ame hia but kap ûnyi ge Kamen Hanu Kap waleji e ame ha bânâ, me e ame hingâlâ but ûnyi ang öbun e wâ me long.

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Efeso 4:24

me khaûʼ öbun ge ûkhaû wale at ae teb ûnyi, waleji adre op helâ me Khong hnyi hwakecin ae wisa, me kwakecin ae kap me hnathu.