Isaia 45:24 - Iaai Bible 1901 (New Caledonia)

²⁴ Ame he ka ha könya ke at, ka habe, E hu but gak thibi ûnyi ga Iehova wisa me hwege: ame he ka o tavat kâu, ke adre me he ka hmehma, waleji tavat adre me hmönyidra kâu.

Isaia 45:24 ပူးပေါင်းရင်းမြစ်များ

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Salamo 110:2

Ame he Iehova ka kunâ uciny tang hwegiâm ûheny Ziona: U ma muso bi hnyi wanben ta je iwahnaihmiöny möu.

Salamo 71:16

Oge me ka o hnyi man mani Iehova Than: Oge me he ka ha thibi hwakecâm ae wisa, a hwakecâm thibi

Salamo 72:9

Ame he ka nom kâu tavat adre me laba hnyi hnyebuba; Ke ame he je iwahnaihmiöny mē ka drem kânâ.

Salamo 89:17

Anyin a u thibi hmanenanginy hwegiödra: Ke adre me he ka ogöranyâ anyihmun faoiny meno hnyi ânyâm ibetengiö.

Isaia 26:4

Labageju thö kö Iehova nyiele balua: anyin a haba Than Iehova, me kic nyiele balua.

Isaia 41:11

Wâ bi, adre me i he ka hmehma me hlohlo ödra hia thithö adre me hmönyidra köu: ke haba tavat adre me ivino möu me adre me he ka helâ me ba kʼ adre me he ka hia but.

Isaia 44:8

Ca ot bi, ke ca öbubuny bi: hawa oge ca haimemenâ köu ehac, me omanenâ köu? ke öbun tavat ohnathu nya. Hawa, e hu ke Khong minya ju ke inya thibi? eke e ba ke Kic; e ca khanö nya khaca.

Isaia 45:25

Adre me he ka haiwisa ta je mâtrâni Isaraela hia thithö unyi Iehova, ke adre me he ka hobâ.

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Isaia 55:5

Wâ bi, u me he ka hawâ hnyei ae ca khanö u, kʼ ame he ka wadring hotom tavat ae ca khanö u bi, ûnyi ga Iehova a Khongom, me Kabi Isaraela; anyin a e ame hia but oganö u.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 60:9

E hnathu, ame he je bomene ka halubahing nya, kʼ ame he ka bân je huiny Tasesa he ka hom lakom obaga ûnyi hnyi dok ae sâkâû, ke e unyidra anyidra sileva me gol, hobi kâu iö Iehova a Khongom, me Kabi Isaraela at ame ohmanenangi u.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 61:11

Anyin a kânâ ame okûâ je vongon, ke ta hnyei ame okûâ je hatong adre me tä hnyin; helâe minya ame he Iehova ka okûâ kwakecin ae wisa me ogânâ hnyi hnyimakan ta je hnyei hia thithö.

Jeremia 33:16

Hnyi je bong eling adre me he ka omeli Juda, ke ame he Jerusalema ka laba khötkic: ke walang ien adre me he ka hawâ, ka habe, Iehova wisaita.

Habakuka 3:19

Iehova Than me wale tang hwegiök, E ame wia li cak me me helâ me can je aila, Kʼ ame he ka ovhenu nya hnyi anyik je dok ae görany. Hobi kâu at ame vhik khumöng hnyi Neginoth.

Zakaria 10:12

Ke oge me he ka ha hwegiödra ûnyi ga Iehova; ke adre me he ka ngenu ûnyi ge ien e haingö Iehova.

Zakaria 10:6

Ke oge me he ka ha hwegien lap anyi Juda, me omelö lap anyi Josefa, me ohmetu ödra, anyin oge me betenge gadra; ke adre me he ka helâ ke mʼ oge me ca digic ödra: anyin a inya Iehova Khongudrin, ke oge me he ka ling ödra.

Zakaria 12:5

Ke ame he je taben hnyi Juda ka ha eû hnyi je hnyekudra, ka habe, Tang hwegiöhmun tavat adre me laba hnyi Jerusalema unyi Iehova tuhan sabaoth a Khongudrin.

Zakaria 8:23

Walang hna ha hnö Iehova tuhan sabaoth, ka habe, Hnyi je bong eling, me ame he hnyat a ten ka kât obiny ûkhaû anyin at Juda, walödrin hnyi ta je hwen hnyei hia, me ha, ka habe, Ohmun e he ka tha he möbun, anyin ae khanʼ ohmun dut a e unyibun Khong.

Luka 13:17

Kʼ ame tiga ha je hofuc eling, me ame hmehma hia but je iwahnaihmiony mē: ke ame senyin bi tavat ge ta je ûnyi hia ae hmanenang e ame mâdrâ.

Luka 19:27

Ke haba tavat eji je iwahnaihmiony mönya, waleji ae ca wedra oge me he ka musi ödra, hum ödra but jem he ka hlingʼ ödra hnyi hnyimakök.

Ioane 12:32

Ke haba inya, adre ne ogoranyi nya ûnyi eang hmeledrany, me oge me he bi nya ka lelo tavat hia thithö könya.

Ioane 7:37

Hnyi bong a biliny bonginy bijeû, wale bong ae gan, Iesu ame todrö me ha hwegiâ, ka habe, A ne ke at ae beic, he but jem ka ic unyik.

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Efeso 3:16

me me he ka ham köbun, hoton ûganiny anyin hmanenang, he ka ohwegi öbun ge man ûnyi hnyi Hanu hnyin at eû hnyi hnyibun;

Efeso 6:10

Ke walang obiny, hwege thʼ öbun hnyi Than, ge tang hwegien maniny man.

Filipi 4:13

E khanö nya he ka ânyâ ta je ûnyi hia thithö hnen at ame ohwegiö nya.

Kolose 1:11

kʼ adre me ohwegi öbun ge hwege hia, hoton man maniny anyin hmanenang, he ka tha hnyok me hokhnyok beû hmâ, me senyin;

II. Peteru 1:1

INYA Simona Peteru athnyaba me aposetolo anyi Iesu Keriso, oge me sihnalimen ka tavat ae hu gadra labageju ae ûnyi hnathu helâ mʼ öhmun hnyi hwakecin ae wisa unyin Khonguta me At ûhomeli a Iesu Keriso:

Hna Omanenâ 11:18

Ke ame hmonyin ta je hnyei ke ame o but ânyâm hmonyin, ke ûen he ka ûhnö tavat adre mokcu, me he ka ham hwaban ka lathnyabaem a ta je perofeta, me wakap, me tavat adre me okabâ iâm, tavat ae ûhnyûkong me tavat ae gan; me he ka ohnaûhangöi ödra adre me ohnaûhangoâ hmeledrany.

Hna Omanenâ 22:17

Ke haingen Hanu me hlu a teb faipoipo, ka habe, Aiö u. Ke so ame ha minya at ame löng, ka habe, Aiö u. Ke haba at ae beic, me he but jem: ke haba at e weny, me hom bâûâ ju köiöiny möt.