Isaia 45:23 - Iaai Bible 1901 (New Caledonia)

²³ Oge hia but khemanyin gak bi, ame he but hofuc ûnyi hnyi hnyimök hnyi wisa, ke ame ca he bi ka hmetu a gʼ adre me he hia ka cibouca könya, ke ame he ta je hnyem hia thithö ka khemanyin gak.

Isaia 45:23 ပူးပေါင်းရင်းမြစ်များ

Genese 31:53

E so e he Khongu Aberahama me Khongu Nahora minya, a Khongon kamödru ka owisa kötu. Ke Jekob ame khemanyin me ha Hna outen hnö Isaaka a kamen.

Nehemia 10:29

ke ödrin e kece hmâ ka je liamekeiny mödrin, me anyidrin je taben, me ödrin e tha ânyâ hna khemanyin me ha je manyidrin, he ka vheno hnanyibu anyin Khong, waleji a ham a deny Mose athnyabainy Khong, me he ka tuö me ânyâ je hna hûna hia anyi Iehova a Tuhötin, me hnen je hna owisa me hna otilâ;

Salamo 132:2

A gʼ ame khemanyin kö Iehova, Me bi khöbi ka Mani Jekob:

Salamo 63:11

Ke ame he than ka senyin ka Khong: Adre me he hia ka hobeluâ, wale tavat adre me khemanyin gan; Anyin adre me he ka hlöng hnyimen tavat adre me thoi.

Salamo 98:2

A hia but Iehova omanenâ anyin ûhömeli: E ame hia but omanenâ hwakecin ae wisa hnyi hnyimakan ta je hnyei.

Isaia 21:17

ke haba kolon ûseiny tavat hlic fana, a tavat hwege unyin lakon Kedara, me adre me e ka wakhalet ut: anyin a hia but ha Iehova Khongu Isaraela.

Isaia 45:19

Oge me ca ba ikhâlâ hnyi dok a menekholominy hnyei; oge me ca ha ka je mâtrâni Jekob, ka habe, Elâm baûö nya thö: inya Iehova at ame ha wisa, oge me haimemenâ ta je ûnyi ae ûcû.

Isaia 48:1

LAP anyi Jekob lö, long ju ang, öbun tavat adre hwenyi iödra hoton iö Isaraela, a tavat adre me o but ûnyi hnyi je köien Juda; a tavat adre me khemanyin hnyi iö Iehova, me ha ge Khongon Isaraela, ke ca hnathu bi me wisa.

Isaia 49:18

Bwela thö goranyai li emâkâm me wâ igigilo: ödra hia thithö ang adre me ûkhacaköu, me he jem köu. Haingö Iehova, Kia inya, ke e hnathu, u me he ka hum ödra hia me me khaûâm me hnân theibâm, me hnân oweikö u, helâ me hlu ame he ka faipoipo.

Isaia 55:11

ke ame he ka helâe hok hofuc wale ame he but ûnyi hnyi hnyimök: a gʼ ame ca he ka hmetu baû könya, ke so bi, ame he ka ânyâ wek, kʼ ame he bi ka aat hnyi ûnyi oge me kunâ e ka hnyin.

Isaia 60:14

Ke ame he lakon tavat adre me oveci u ka o me iyâû gam; ke ame he tavat hia adre me hûkötiö u ka nom ju ka hnyi li hnyeûcam; ke adre me he ka haiö u, a Taun anyi Iehova, Ziona anyin Kabi Isaraela.

Isaia 61:11

Anyin a kânâ ame okûâ je vongon, ke ta hnyei ame okûâ je hatong adre me tä hnyin; helâe minya ame he Iehova ka okûâ kwakecin ae wisa me ogânâ hnyi hnyimakan ta je hnyei hia thithö.

Isaia 62:8

A hia but Iehova khemanyin ge hnyamen a metân, me benyin ae hwege, ka habe, E hnathu oge me ca he hmetu ka hna ânyâm hwit hnân an je iwahnaihmiony möu; ke ame ca he je atkanyua ka ijem ânyâm waina waleji u je huliwan:

Isaia 65:16

me me he at ame ha hnahicâ e bi hnyi hmeledrany, me ame he ka ha hnahicâ e bi ge Khong ae hnathu; ke haba at ame khemanyin hnyi hmeledrany, me ame he ka khemanyin ge Khong ae hnathu; anyin a hia but hnying ta je vec a bân, ke adre hia but ikhâlâ ta je ûnyi e ge li emakök.

Jeremia 22:5

Ke öbun e ne ca löng je hofuc ang, oge me khemanyin gak bi, haingö Iehova, a gʼ ame he ka ba wan uma eang.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Jeremia 49:13

Anyin oge hia but khemanyin gak bi, haingö Iehova, a ga me he Bozera ka hnân kuko, me haikongo, me ba wan, me hnân hangâ; ke ame he ka ba wan je tauniny hia nyiele balua.

Amosa 6:8

A hia but Than Iehova khemanyin ame ka ha gan bi, me haingo Iehova Khongon sabaoth, ka habe, Oge me höcö ge beönuâ anyin Jekob, me hûkotiâ je uma umen tuhan: anyin a wale oge me he bi nya ka hna taun me onyen.

Zakaria 14:9

Ke ame he Iehova ka Thaniny hmeledrany hia: hnyi bong eling ame he Iehova ka khaca thibi, ke khaca thibi ien.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Roma 11:4

Ke ieû hna thu kâu hnen Khong? walang, Oge me ip biju hobi könya tavat a seven thauzan, waleji adre me ca hnyi cibouca kö Baala.

Deuteronomi 6:13

U me he ka outö Iehova Khongom; me bi athnyabainy, me khemanyin hnyi ien.

Filipi 2:10

mʼ adre me he ka cibouca hia thithö ka hnyi iö Iesu, ödra ethö hnyi drany, me hmeledrany, me hmelen hmeledrany,