Isaia 45:22 - Iaai Bible 1901 (New Caledonia)

²² Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Isaia 45:22 ပူးပေါင်းရင်းမြစ်များ

II. Man Ûlabainy Je Than. 20:12

Khonguhmun lö, u me ca he ka owisa ködrin? anyin ae ba manihmun he ka tot ka tavat ae se hia hmonyin adre me o kohmun; ke ca khanʼ ohmun ke ûnyi he ka anyâ: me ohmun e wâ hmö u.

Salamo 22:17

E khanö nya he ka aû je jeiok hia; Wale adre me ō nya me wâ hmö nya:

Salamo 22:28

Anyin a unyi Iehova dokhu: Ke e at ame muso ta je hnyei:

Salamo 65:5

Khong lö, at ame omeli ohmun, U me he ka thu kohmun ge ta je ûnyi hnân outen hnyi hwakecin ae wisa. U thibi at adre me labageju kâu ke ne o but hnyi je can hmeledrany, Me hnyi köiö hnyi dok ae sâkâû:

Salamo 65:6

Wale at ame otethmâ je bucen hnen maniny man; Ke ame weikâ hwege:

Isaia 30:15

Anyin a walang hna ha hnen Than Iehova, Kabi Isaraela, ka habe, Adre me he ka omeli öbun, öbun ka hmetu me menâ; ke haba tang hwegiöbun, me ame he ka e bi hnyi labawia me labageju: ke so bi e ca webun.

Isaia 41:22

E so adre me he ka omanenâ, me thumetu öta ge ta je ûnyi ame he ka kû: ha thʼ öbun ge bongon ta je ûnyi kâû adrem, mʼ ate me ûnykûme me wâ obiny ta je ûnyi e; ke ame ne he ka omanenâ köta ta je ûnyi ame he ka o.

Isaia 43:6

oge me he ka ha ka ke keihen hwadro, ka habe, Hna but; ke ka ke keihen hwaiöu, Ca behânâ bi; hom but lakuk obaga ûhedra sâkâû, ke lakuk wahlu ûnyi hnyi je can hmeledrany;

Isaia 45:21

Haimemenâ thö, ke hakekenyâ thö; eke, e so adre me tha ûhnenamö: ia omanenâ e hwân kâû adrem? ia haimemenâ e hwân kâû ehac? hawa, ca hnok Iehova? ke ba ju ke Khong, ke hake inya ke; Khong ae wisa me at ûhomeli; ke ba ju ke at, ke inya thibi.

Isaia 45:5

Inya Iehova, ke ba ju ke at; ke ba ju ke Khong, ke hake inya ke: oge me he ka oweikâ hnyâm, ke ca khanö u bi nya:

Isaia 49:12

Wâ bi, ame he ka o tavat ang ûhedra sâkâû: ke wâ bi, tavat ang ûhedra hnyi hwadro, me ûhedra jimeû; ke tavat ang ûhedra hnyi hnyei Sinim.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 52:10

A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Isaia 55:5

Wâ bi, u me he ka hawâ hnyei ae ca khanö u, kʼ ame he ka wadring hotom tavat ae ca khanö u bi, ûnyi ga Iehova a Khongom, me Kabi Isaraela; anyin a e ame hia but oganö u.

Isaia 55:6

Elom Iehova thʼ öbun, e me tiga ûen he ka wâ e, hawâ thö e, e me tiga hakekeny:

Isaia 60:3

Ke ame he ta je hnyei ka he ka hnyi ânyâm metam, me je than ka hnyi iumumelaminy hnâm hna o.

Isaia 66:18

Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Jeremia 33:16

Hnyi je bong eling adre me he ka omeli Juda, ke ame he Jerusalema ka laba khötkic: ke walang ien adre me he ka hawâ, ka habe, Iehova wisaita.

Hosea 13:4

Ke inya Iehova Khongom ûnyi hnyi hnyei Aigupito; kʼ ame ca he ka khanö u ke khong ke hake inya thibi, ke ba at ûhomeli ke hake inya ke.

Mika 5:4

Ke e ame he ka tot me han haleny hnahat hnyi man mani Iehova, me hmanenanginy iö Iehova a Khongon: kʼ adre me he ka laba hmâ; anyin a e ame he ka gan hmâ walang ang ke ne o but hnyi je can hmeledrany.

Mika 7:7

Ke haba inya, oge me he ka bwele kö Iehova; oge me he ka lubahingen Khongon melik: ame he Khonguk ka ling nya.

Zakaria 12:10

Ke oge me he ka hingâlâ hon lap anyi Davita me aten Jerusalema, hanuiny ibetengiö baû me hanuiny khöû; ke adre me he ka ō nya waleji adre dâ: ke adre me he ka tenge gan, helâ me at ame tenge ge nokon a khaca, ke adre me he ka vec gan, helâ me at ame vec ge nokon a bân.

Ioane 6:40

Ke walang weny Kamök, a gʼ ame he ka hu möt ame ca ba balua ka tavat hia adre me wâ Nokon, me labageju kâu; me oge me he bi nya ka otilʼ ödra hnyi bong a obiny.

Tito 2:13

me halubahingen geju ae hnahic, me he ka manen dut hmanenanginy Khonguta ae beönua me At omeli öta Iesu Keriso;

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

II. Peteru 1:1

INYA Simona Peteru athnyaba me aposetolo anyi Iesu Keriso, oge me sihnalimen ka tavat ae hu gadra labageju ae ûnyi hnathu helâ mʼ öhmun hnyi hwakecin ae wisa unyin Khonguta me At ûhomeli a Iesu Keriso: