Isaia 45:20 - Iaai Bible 1901 (New Caledonia)

²⁰ Ûkhacaköu thö ke ai öbun; tha hakekenyâ ju, öbun tavat öbun e kec möt ûnyi hnyi je hnyei: e ca hu metâ gadra adre me hom tilâ ûtoiny anyidra je idola, me hic ka khong ae ca khana he ka omelo.

Isaia 45:20 ပူးပေါင်းရင်းမြစ်များ

II. Man Ûlabainy Je Than. 25:15

Me ame ubâhlâ thö hmonyin anyi Iehova kö Amazia, me e ame kunâ kâu ke perofeta, at ame ha kâu, ka habe, Anyin a ieû u je elâm unyin je khongon tavat, wale ödrin e ca hia but omelö je atödrin ûnyi hnyi hnyamâm?

II. Man Ûlabainy Je Than. 28:23

Anyin a e ame bi hut ka je khongon Damaseko, tavat adre kot e: haingen ka habe, Anyin a je khongon je than Suria ödrin e hadruʼ ödrin, ke oge me he ka bi hut ködrin, mʼ ödrin e he ka hadruo nya. Ke so bi ödrin e hangâ e me at Isaraela hia a tha ödrin më.

Salamo 115:8

Ame he tavat adre me up ödra ka helâ mödra; Eke, ödra hia hnyat adre me labageju kodra.

Isaia 4:2

Hnyi bong eling ame he ka hmanenang me mec hanö Iehova, kʼ ame he ka so me kese wan kânâ ka at Isaraela tavat adre kec möt.

Isaia 41:21

Ho jem hnobun hna ivino, ame ha Iehova; omanenâ thö hobun ta je hofuc ae hwege, ame ha Tuhö Jekob.

Isaia 43:9

Ûkhacaköuâ thö ta je hnyei hia, me ame he tavat ka ûkhacaköu: ie at gadra ame he ka haimemenâ e, me omanenâ köta ta je ûnyi a bân? hamödra he ka hawâ tavat ohnatho, mʼ adre me he ka ohnathu ödra: ke adre me ne he ka long me ha, ka habe, E hnathu.

Isaia 44:10

Ie at ame tibet ke khong, me okoiâ ke hnatheat ae ba troban?

Isaia 44:9

E ûnyi baû hia tavat adre me bi hnatheat; ke ba troban anyidra ta je ûnyi adre me hnyok kâu: ke ame ca bwele tavat adre me ohnathu ödra, ke ca khanʼ ödra bi; mʼ adre me he ka hmehma but.

Isaia 46:1

BEL ame iyâû, Nebo ame he nom; e bi hon je meno anyidra je idola, ke hon je meno ae hnam; e hmak anyibun je hok ka ta je meno, kʼ adre sēnyin dut.

Isaia 48:14

Ûkhacaköu thʼ öbun hia thithö me long; ie at gadra ame haimemenâ ta je ûnyi e? Iehova ame betenge gan, e ame he ka ânyâ weny ka Babulona, ke ame he benyin ka e hon at Kaledaia.

Isaia 57:13

U ka tenge, me hamen je hnyat u je ûkhacaköuâ he ka omeli u; ke so bi, ame he ka tûʼ ödra hnen ang, ame he homenâ ka hom degeci ödra hia thithö: ke ame he bi ka hu hnyei hnen tavat adre me labageju könya, ke idra bi anyik bucen ae kap.

Jeremia 10:14

Ame ve hwakecin meno bi tavat hia, me ba wâhmakhmeto unyidra: a ve hmehma but tavat huliwan gol hia ge anyidra bi hnatheat: anyin ae thoi but anyin idola adre okoiâ, ke ba homenâ eû hnyidrin.

Jeremia 10:5

Ödra ûcû me pama adre kave, ke ca khana bi fuc: adre me labö vadren, anyin ae ca khana he. Ca he bi ka outʼ ödra; anyin ae ca khanʼ ödra he ka okongo, ke haba khaca, me ca khanʼ ödra bi he ka ânyâ so.

Jeremia 10:8

Ke ödra tavat a hwakecin meno me monu hia: haba hna ûnö hnen je hnatheat wale thibi e a hnyiban utö.

Jeremia 48:13

Ke ame he Moaba ka hmehma ge Kimosa, helâji me lap anyi Isaraela ame hmehma ge Beth-ela, waleji adre me labageju kâu.

Jeremia 48:47

Ke so bi, oge me he ka ohmeto at Moaba ûhedra hnyi hna bâ hnyi je bong a biliny, haingö Iehova. Wale hna owisa ka Moaba.

Jeremia 50:28

Ifucin tavat adre me kec me tavat ae mot ûnyi hnyi hnyei Babulona, mʼ adre me haimemenâ hnyi Ziona hna bi hwaban hnö Iehova Khonguta, wale hwaban ge umen uma kap.

Efeso 2:12

ke ca e unyibun Keriso hnyi ta je bong eling, ke ta je atkanyua öbun hnyi bongon at Isaraela, ke ta je atkanyua öbun hnyi je ûhihinyköu waleji adre me ha bânâ, ke ba geju unyibun ke ba minya Khong eang hmeledrany.

Efeso 2:16

me me he ka oûsoköu ödru me Khong ûnyi ge unyin a khaca, deny satauro, kʼ ame ohia iwahnaihmiöny hnen e: