Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaia 45:19 - Iaai Bible 1901 (New Caledonia)

19 Oge me ca ba ikhâlâ hnyi dok a menekholominy hnyei; oge me ca ha ka je mâtrâni Jekob, ka habe, Elâm baûö nya thö: inya Iehova at ame ha wisa, oge me haimemenâ ta je ûnyi ae ûcû.

အခန်းကိုကြည့်ပါ။ ကော်ပီ




Isaia 45:19
45 ပူးပေါင်းရင်းမြစ်များ  

Ke walang ang, inya oge me ba hnyi hnyimakan at Isaraela hia, a ûkhacaköu anyi Iehova, ke ame long minya Khongutin, ka habe, Wâ wia ju, me elâm dö ta je hnanyibu anyi Iehova Khongubun; me me hu gabun hnyei ang ae so, me hnân iny lakubun hwaböbun nyiele balua.


me e ame he ka ûkhanö me Asa, me ha kâu, ka habe, Asa lö, long ju öbun könya, Juda me Beniamina hia: e bala bi Iehova unyibun hnyi ûen öbun e tha öbun më; ke öbun e ne elâm me öbun e he ka wâ e; ke öbun e ne degec, me e ame he ka digic öbun minya.


ke e ka he lakeik, hnyat adre ip iök hudrin, ka oûhnyûkongu ödrin bi, me hic, me elâm hnyimakök, me hmetu ûnyi hnyi dedrin je gethen ae kong; awe, oge me he ka long hnyi drany, me hna anyidrin monu, me osoâ idrin hnyei.


Anyin a iny hmehma he ka sumâtâ ge than je soje me tavat tabô hors he ka badruʼ öhmun can je iwahnaihmiony eû hnyi gethen: anyin a öhmun e hia but ha ka than, ka habe, E bala bi hnyamen Khonguhmun hnân so ködrin a hnyat adre me elâm e; ke haba maniny man me anyin hmonyin me e bala bi hudrin hia thithö tavat adre me hna degecâ.


Hofuc ae kalaöt je hofuc ho Iehova; Helâ me sileva adre le hnyi meic eû hnyi kânâ Wale adre oseven le.


Wale thibi döiny tavat adre me elâm hoton e, Tavat adre me elöm u, Khongu Jekob. [Sela.


Ke haba inya, Iehova lö, oge me hic köu hnyi ûen ae ûcû: Khong lö, ûnyi hnyi ûganiny ânyâm ibetengiö Thu thö könya hnyi hnathuiny ânyâm ûhomeli.


Adre hia but wâ hnen tavat ae menyik: Haba öbun tavat öbun e elâm Khong, e so e he ka möt je hnyekubun.


Hnyi ûen e ame hlingʼ ödra, me adre me elâm dö e: Adre me hmetuhmetu, me hwege hnö Khong.


Ke haba tavat ae khanʼ ödra iâm, me adre me he ka labageju köu; Anyin a haba u, Iehova, u je ca hna degecâ tavat waleji adre me elöm u.


E ame kuku hnyi je dok ae ûnyi hnathu adre laba ûkhacaköu hnyin; Hnyi hna dit hnyi je homagöule, E ame ha hwan je hofuc hnyi taun; ka habe;


Hmiö Iehova hut anyin tavat ae kong; Ke e ame senyin ge hic hijin at ae wisa.


E kalaöt hia hofuc hwan Khong: E thibi becin tavat adre me labageju kâu.


Long ju, anyin oge me he ka ha ta je hofuc ae beönua; Oge me he ka khong li esongodik he ka ha ta je hofuc ae wisa.


Ke öbun ka he ka hinöbeny, me oge me he ka ikhâlâ li emakök gabun: eke, öbun ka he ka osehia hic, me oge me ca he ka long: a unöngöt je hnyamöbun ge dra.


Oge hia but haimemenâ, ke oge hia but omelo, ke oge hia but omanenâ, ke tiga ba khong kanyua unyibun: anyin a wale haingö Iehova, öbun tavat ohnathu nya, a inya thibi Khong.


Ca ot bi, ke ca öbubuny bi: hawa oge ca haimemenâ köu ehac, me omanenâ köu? ke öbun tavat ohnathu nya. Hawa, e hu ke Khong minya ju ke inya thibi? eke e ba ke Kic; e ca khanö nya khaca.


Oge hia but khemanyin gak bi, ame he but hofuc ûnyi hnyi hnyimök hnyi wisa, ke ame ca he bi ka hmetu a gʼ adre me he hia ka cibouca könya, ke ame he ta je hnyem hia thithö ka khemanyin gak.


Adre me he ka haiwisa ta je mâtrâni Isaraela hia thithö unyi Iehova, ke adre me he ka hobâ.


Hok ju jem könya, long ju ang; oge ca fuc hnyi dok ae iyong hwân hnyi can; hnyi ûen eji, inya ling: ke walang ang Iehova Than ame kunö nya, me hanon.


IE at ang ame he jem ûheny Edoma, ae dra anyin ûkhaû ûheny Bozera; a at ae hmanenang ge anyin ûkhaû, kʼ ame he hnyi meciny anyin tang hwege Inya thibi, at ame ha hnyi wisa, at ae hwege he ka omelo.


Ke oge, me he ka oâ ke mâtrân ûnyi ga Jekob, me at ame he ka labā anyik je bucen ûnyi ga Juda: ke ame he tavat oge ûca ka hu hnyei, kʼ ame he je athnyabaik ka labā e.


Ke ödra ka ha köbun, ka habe, Elâm dö unyin tavat tren je khong, me tavat bi khong, tavat adre me cûk me fufuc: hawa, ca hamen hnyei he ka elâm unyin Khongudra? hawa, adre me he ka elâm hobi kâu tavat ae möt unyin ta je komok?


Do lö, wâ ju hofuc ho Iehova. Hawa, oge hia but helâ me hnyebuba ka at Isaraela? ame ne hnyei ae khömet? anyin a ieû ame ha lakeik, ka habe, Ohmun e monu, ohmun e ca he hmetu köu?


Anyin a walang hna ha hnö Iehova ka lap anyi Isaraela, ka habe, Elom nya thʼ öbun, mʼ öbun e he ka mot:


Haba Iesu ame thu kâu, ka habe, Oge hia but ha manenâ ka hmeledrany; oge me labö ûne hnyin je sunago, me hnyin uma kap, wale ame labö ûkhacaköu hnyin at Juda; ke ba hofuc oge me ha duöngâ.


Ke wâ bi, e ame fuc manen, ke ba hodrin kâu. Hawa, e khana je taben me ka e Keriso?


Me haba Iesu ame fuc hwege hnyi hnyin uma kap me nö ʼdra me ha, ka habe, E khanʼ öbun dut inya, ke khanʼ öbun minya but dok oge mwi hnyin; oge ca o ka ûnyi gak, ke e hnathu e at a kunö nya, wale at ae ca khanʼ öbun.


E unyi Iehova Khonguta ta je ûnyi ae iyong: ke haba ta je ûnyi ae manen, me e unyita me lakuta nyiele balua, mʼ ate me he ka ânyâ ta je hofucin hia hnanyibu ang.


E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.


Öbun e sumâtâ ke ca hu bi anyin öbun e sumâtâ monoâ, möbun e he ka oumo ta je ûnyi e hnyi ta je webun ae kong.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ