Isaia 45:14 - Iaai Bible 1901 (New Caledonia)

¹⁴ Walang hna ha hnö Iehova, ka habe, Haba troban huliwa hnyi Aigupito, me je omjeûiny Aithiope hnân ûcû, me at Seba, tavat ae beû, adre me he ka hum ödra köu, me me ânyâm; adre me he ka he hotom; adre me he ka he ke tiga cʼ ödra ge je tö a fao: ke adre me he ka iyâû köu, me khöu köu me ba, ka habe, E hnathu e bi Khong unyâm; ke ba ju ke at, ke ba ke Khong.

Isaia 45:14 ပူးပေါင်းရင်းမြစ်များ

Genese 27:29

E so ame he tavat ka hulwa köu, Me ta je hnyei he ka nom ju köu: U me he ka thaniny je liamekeiny möu, Ke ame he je lakon hinyâm ka nom ju köu: Ame he ka hangâ but at ame hangö u, Kʼ ame he ka hnahic ut at ame hahna hici u.

II. Samuela 21:20

Ke e hu vat hmetu hnyi Gatha, ke eling at ae beû hmâ, ke ûsa siks je banyen hnyi li hnyamen, me siks je bacan hnyi li can, wale twente foa ûseiny; ke ame hnokoâ minya e hnen at ae beû.

Esetera 8:17

Ke haba hnyi je ke keihen hnyei hia, me je taun hia a o ka hnyin hnanyibu me hofuc hwan than, me ame senyin me hobâ at Juda, ke e hu bijeû me bong ae so. Ke se hia tavat aten hnyei adre me hnyi hanen hmi Juda; kʼ adre me outen at Juda.

Jobu 1:15

me haba at Sheba ödrin e utut, me hûgûnʼ ödrin; eke, ödrin e hia but kot je athnyaba ge hele vat; ke inya thiju ang kolon oge me thumetu u.

Jobu 11:19

U me he minya ka mokut, me ba at ame he ka ooti u; Eke, ame he ka weny gam tavat ae se hia.

Salamo 149:6

E so e he ka e bi hnyi je hnyimödra hnân ogânâ hmonyin Khong, Me hnyi ta je hnyamödra hele vat a lo li homakan;

Salamo 149:8

He ka ca ta je tuhödra ge je cen, Me anyidra je taben ge je tö a fao;

Esodo 11:8

Kʼ ame he lathnyabaem hia eang ka he könya, me nom ju könya, me habe, He thö me tavat hia adre me hnu hotom: ke hwaban e oge me he ka he. Ke e ame he ûheny unyi Farao me hmönyin ae gan hmâ.

Isaia 10:33

Wâ bi ame ke Than, Iehova tuhan sabaoth, ka sö degecâ ta je vheiny ge hna outen: ke haba tavat ae beû goranyai, me adre me he ka öûo, ke adre me he ka ohnyikânâ tavat bi gan.

Isaia 18:1

EKÖLÖ! hnyei ae hu hwan li labenyidru, a e bi hnyi ke keihen wageweiny Aithiope:

Isaia 18:7

Hnyi ûen eling adre me he ka ham bwihlany kö Iehova tuhan sabaoth ûnyi hnyi hnyei ae hwege me hnyok baga, wale hnyei adre me outen hwân ehac ke ne o but nyiele; a hnyei ame tuluto, kʼ ame ututo, a hnyei ame susubâ ge ta je wagewe, ka hnyi hnen iö Iehova tuhan sabaoth, wale bucen Ziona.

Isaia 19:21

Ke ame he Iehova ka manen bi hnyi Aigupito, kʼ ame he at Aigupito ka khanʼ ödra Iehova hnyi bong eling; eke, adre me he ka khudrung me je hut me je bwihlany, me bi khöbi kö Iehova, me ohwâdâ bi e.

Isaia 19:22

Ke ame he bala bi Iehova ka kot Aigupito, me osoâ bi; ke adre me he ka hmetu kö Iehova, me e ame he ka ling ödra, me osoi ödra.

Isaia 23:18

Ke ame he ka hwakecin ae kap kö Iehova ta je ûnyi gan hnân ûco me hnen hna hok hwaban: adre me ca he ka ip me ûkhöûnâ; anyin a hobi kâu tavat adre me laba hnyi hnyimakö Iehova ta je ûnyi hnân ûcö gan, he ka han sekon, me ûkhaû ae nâk.

Isaia 43:3

Anyin a inya Iehova Khongom, Kabi Isaraela, at ame omeli u; oge hia but ham Aigupito hnân hwaban melâm, ke Aithiope me Teba hnân hwabâm.

Isaia 44:8

Ca ot bi, ke ca öbubuny bi: hawa oge ca haimemenâ köu ehac, me omanenâ köu? ke öbun tavat ohnathu nya. Hawa, e hu ke Khong minya ju ke inya thibi? eke e ba ke Kic; e ca khanö nya khaca.

Isaia 45:24

Ame he ka ha könya ke at, ka habe, E hu but gak thibi ûnyi ga Iehova wisa me hwege: ame he ka o tavat kâu, ke adre me he ka hmehma, waleji tavat adre me hmönyidra kâu.

Isaia 49:23

Ke ame he je than ka hat ödra hobi köu, ke je momo than ka ûhalin: adre me he ka nom hnyikânâi köu, me drem sesâiny li cam; ke ame he ka khanö u a inya Iehova, kʼ adre me ca he bi ka hmehma, a tavat adre me halubahing nya.

Isaia 54:3

Anyin a u me he ka lau hnyi ke keihen metâ me me; ke ame he je mâtrânâm ka hu je hnyei, me labā je taun ae ba wan.

Isaia 55:5

Wâ bi, u me he ka hawâ hnyei ae ca khanö u, kʼ ame he ka wadring hotom tavat ae ca khanö u bi, ûnyi ga Iehova a Khongom, me Kabi Isaraela; anyin a e ame hia but oganö u.

Isaia 60:3

Ke ame he ta je hnyei ka he ka hnyi ânyâm metam, me je than ka hnyi iumumelaminy hnâm hna o.

Isaia 61:9

Ke ame he ka lung je mâtrânidra unyin ta je hnyei, me lakudra huyi wanben tavat: ame he hia tavat adre me ō ʼdra ka wâhmakhmeto a ödra ta je mâtrân a ohnahicâ Iehova.

Jeremia 16:19

Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Ezekiela 23:42

Ke e hu bi unyin hwan tavat ae se hia adre me laba monu: ke adre me hom tavat adre me monu ge grâk ûheny hnyi hnyebuba tha ödra me je houmonu; ke adre me inâ je waen hon li benyidra, me obicʼ ödru ge je korona ae hmanenang.

Ezekiela 31:3

Wâ bi, haba at Asuria, me arasiny Lebanona ae hmanenang anginy, ke gan hmenon, ke beû göranyai, ke haba ban, me walethö hnyi je ûlâ.

Joela 3:8

ke oge me he ka ûco lakubun obaga me wahlu ka je lakon Juda, kʼ adre me he bi ödra ka ûcû ödra ka at Sheba, hnyei ae sâkâû: anyin a hia but ha Iehova.

Numera 13:32

Ke ödrin e haikongoâ hnyei ödrin e ecmâkâ ka lakon Isaraela, me ha, ka habe, Haba hnyei ohmun e vheno me ecmâkâ, me hnyei ame ohia aten, ke haba tavat hia ohmun e wâ eling, me tavat ae beû.

I. Korinito 14:25

adre omanenâ ta je ûnyi ae iyong hnyi hnyekon; me e ame he ka ta ju hnyimanan hnyikânâi me khudrung ka Khong me ha, ka habe, e hnathu e unyibun Khong.

I. Thesalonika 1:9

Anyin a ödra bi adre me haimemenʼ öhmun je bongon ioihmun köbun; me hnobun hna hwio ka Khong ûnyi ge ta je hnatheat, he ka bi athnyaba ka Khong ae möt me hnathu,

Hna Omanenâ 3:9

Wâ bi, oge me he ka ham keihen hanen sunago anyi Satana, wale a tavat adre me ha, ka habe, Ödra tavat Juda, ke ba bi, kʼ adre me thoi; wâ bi, oge me he ka wiʼ ödra, mʼ adre me he but jem he ka khudrung hnyi hmelen li cam, ke adre me he ka khana a oge me hia but betenge gam.