Isaia 45:13 - Iaai Bible 1901 (New Caledonia)

¹³ Oge hia but oâ at e hnyi wisa, ke oge me he ka owisa deny je gethen hia, e ame he ka op anyik taun, me hna ta je atök a je hwenbâ, ke ca ge hwaban ke ca ge bwihlany, ame ha Iehova tuhan sabaoth.

Isaia 45:13 ပူးပေါင်းရင်းမြစ်များ

Ezera 1:3

Haba at unyibun a hanen lakeiny hia, ke so e he Khong ka tha e mē, ke so e ame he thö Jerusalema ai, wale hnyi hnyei Juda, me me hnyi op uma umo Iehova, Khongu Isaraela, hnyi Jerusalema, (e thibi Khong).

Salamo 65:5

Khong lö, at ame omeli ohmun, U me he ka thu kohmun ge ta je ûnyi hnân outen hnyi hwakecin ae wisa. U thibi at adre me labageju kâu ke ne o but hnyi je can hmeledrany, Me hnyi köiö hnyi dok ae sâkâû:

Ta je Vejec 3:6

Ûnykûme ju kâu hnyi dem ta je gethen hia, Me e ame he ka owisa dem ta je gethen.

Isaia 13:17

Wâ bi, oge me he ka bwebwelâ at Madai kodra, tavat adre me ca ûnykûme sileva, ke haba gol, me adre me ca he ka senyinâ e.

Isaia 14:17

at ame wia hmeledrany me me helâ me hnyebuba, me hagutâ hnyikânâi je tauniny; at ame ca hna tavat hwenbâ ka hnyi ta je idra?

Isaia 41:2

Ia oâ ke at ûheny jimeio, waleji e ame hawâ ka hnyi li can hnyi hwakecin ae wisa? e ame hna je hnyei kâu, me otilâ he ka musi hon ta je than; e ame hnʼ ödra ka hnyi anyin hele vat helâ me sesâ, me ka anyin cafana helâ me je thatûnyin hwit ame tûâ ang.

Isaia 41:25

O ge hia but oâ ke at ûheny hnyi hwadro, ke e ame he jem; ke ûheny hnyi hna o hnen seûno, oge me oâ ke at ame hawâ iök: e ame he ka je than helâ me hna dâ dröu, ke helâ me at ame op kaia ame ututo kânâ ae kece.

Isaia 42:6

haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

Isaia 44:28

at ame ha ga Koreso, ka habe, At tuö mamoe hobi könya, e ame he ka ânyâ hia: e ame he bi ka ha ge Jerusalema, ka habe, Adre me he ka up vetoiny; e ame he ka ha ge uma kap, ka habe, adre me ke ka bi trobâm.

Isaia 45:2

oge me he ka bok hnyi hnyimâkâm he ka okhabalavâ je dok ae ûjejöng: oge me he ka thö amamâ je hlinginy bras, ke subâ degecâ je ohmâiny fao:

Isaia 46:11

at ame hawâ meno ame gâ ae behan ûheny jimeio, ûheny hnyi hnyei ae sâkâû, waleji at oge me ûsabö mē; eke, oge hia but ha, me oge me he ka ohwâdâ e; oge hia but ip hnyi hnyekuk, me oge me he bi ka ânyâ.

Isaia 49:25

Ke so bi, walang hna ha hnö Iehova, ka habe, Adre me he ka hûgûnâ je bâ unyin tavat ae hwege, ke adre me he ka hna but hna söh hnen tavat ae hwege hnyimen: anyin a oge me he ka ivino me at ame ivino möu, ke oge me he ka omelo ta je lakom.

Isaia 52:5

Ke walang ang, haingö Iehova, oge ma ânyâ ieû eang, anyin adre hom bâûâ lakeik? ame kuku tavat adre me musi ödra, haingö Iehova, ke adre me haikongoâ iök hnyi je bong hia thibut.

Mika 4:10

Vec dö, ke hnokoâ but, u hluiny Ziona, helâ me momo ame vec hnyekon: anyin a u me he ka he but walang ang ûnyi hnyi hnyin taun, me laba hnyi ta hnyei, me o ka hnyi Babulona; ke adre me he ka hûgûnö u ûhem e; kʼ ame he Iehova ka ûcû u eling ûnyi ge je iwahnaihmiöny möu.