Isaia 45:11 - Iaai Bible 1901 (New Caledonia)

¹¹ Walang hna ha hnö Iehova Kabi Isaraela, at a op e, ka habe, Hnei nya thö ge ta je ûnyi ame he ka o; ke hûna thö könya ge lakuk, me huliwa anyin li hnyamok.

Isaia 45:11 ပူးပေါင်းရင်းမြစ်များ

Genese 32:26

Ke haingen, ka habe, hnö nya but, ke lany dö jimeyö ame o. Mo haingen, ka habe, Oge me ca he ka hnö u, ke ne o but u je hahnahici nya.

Isaia 19:25

anyin ame hia but Iehova tuhan sabaoth hahnahici ödra me ha, ka habe, E so e hnahic Aigupito a lakeik, me Asuria troban li hnyamok, me Isaraela jekhöûk.

Isaia 29:23

Ke e ka wâ lakon, wale huliwa anyin li hnyamok hnyi wanben, me adre me he ka okabâ iök; eke, adre me he ka okabâ Kabi Jekob, me outen Khongu Isaraela.

Isaia 43:1

KE walang ang, walang hna ha hnö Iehova at a up u Jekob, me at a huliwön u Isaraela, ka habe, Ca ot bi, anyin a oge hia but ûcö ânyâm möt; oge hia but hawâ iâm, anyin a atök ut u.

Isaia 43:15

Inya Iehova, Kabibun, at a Up Isaraela, ke Tuhöbun.

Isaia 43:21

waleji tavat oge me op hobi könya bi, mʼ adre me he ka oganö nya.

Isaia 43:3

Anyin a inya Iehova Khongom, Kabi Isaraela, at ame omeli u; oge hia but ham Aigupito hnân hwaban melâm, ke Aithiope me Teba hnân hwabâm.

Isaia 43:7

haba ödra hia adre ip hudra iök, waleji oge me op hnân oganö nya; me inya at a huliwön ödra; eke, oge hia but up ödra.

Isaia 44:2

walang hna ha hnö Iehova at a huliwön u, at a up u hwân hnyi hnyekon hinyâm, at ame he ka hadruo u, ame ha, ka habe, Ca ot bi, Jekob a athnyabaik; me u Jesuruna, waleji oge ûca.

Isaia 45:10

Ekölö ge at ame ha ka kamen, ka habe, Ieû u je hnoko? ame ne ha ka momo, ka habe, U je hnokoâ ieû?

Isaia 48:17

Walang hna ha hnö Iehova at ame ûcû melâm, Kabi Isaraela: Inya Iehova Khongom, at ame nö u he ka hu troban, at ame su u hnyi gethen u me be ka vheno.

Isaia 54:5

Anyin a âiâm bi at a up u: haba ien, me Iehova tuhan sabaoth: ke haba at a ûcû melam, me Kabi Isaraela; adre me he ka hawâ e me Khongon hmeledrany hia thithö.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 63:16

Anyin a u kamöhmun, eja ke ne a ne ca ö ʼhmun Aberahama, ke ca khanö Isaraela öhmun: Iehova lö, u thibi kamöhmun; at a ûcû öhmun hwân nyiele, wale iâm.

Isaia 64:8

Ke walang ang, Iehova lö, u thibi Kamöhmun; öhmun ang kânâ ae kece, ke u at ame op kaia; ke öhmun hia thithö ang huliwa, anyin hnyamâm.

Isaia 8:19

Ke ödra ka ha köbun, ka habe, Elâm dö unyin tavat tren je khong, me tavat bi khong, tavat adre me cûk me fufuc: hawa, ca hamen hnyei he ka elâm unyin Khongudra? hawa, adre me he ka elâm hobi kâu tavat ae möt unyin ta je komok?

Jeremia 3:19

Ke oge me ba, ka habe, Oge me he ka kâmâu ka ip u unyin je lakon, me ham köu hnyei ae so, a jekhom ae so unyin je döiny ta je hnyei? ke oge me ha, ka habe, Öbun e he ka hao nya, ka habe, Cica; me ca he ka hwio hmetu gak.

Jeremia 31:1

HAINGÖ Iehova, ka habe, hnyi ûen eling, oge me he ka Khongon je lap hia anyin at Isaraela, ke adre me he ka lakeik.

Jeremia 31:9

Adre me he ka o me tenge tot, ke oge me he ka lili ödra ge khöû: oge me he ka hum ödra ka hnyi je wagewe, hnyi gethen ae wisa, wale adre me ca he ka haû hnyin: anyin a inya ang kâmâm Isaraela, ke haba Eferaima, me, nokuk a bân.

Jeremia 33:3

ame ha, ka habe, Hongot dö könya, me oge me he ka thu köu, me omanenâ köu ta je ûnyi ae gan, me hmak, wale ae ca khanö u.

Ezekiela 36:37

Walang hna ha hnen Than Iehova, ka habe, Can ûnyi e, hamen lap anyi Isaraela he ka elâm unyik, he ka ânyâ hobi kodra; oge me he ka osehiʼ ödra helâ me hnahat mamoe.

Ezekiela 39:7

Ke oge me he ka omanenâ iök ae kap hnyi wanben ik hnyei a Isaraela; ke oge me ca hnʼ ödra hmetu he ka haikongoâ iök ae kap: ke ame he je hnyei ka wâ a inya Iehova a kabi Isaraela.

Daniela 2:18

mʼ ödrin e he ka sumâtâ betenge ûnyi ge Khongon drany hnyi ûnyi eling ae iyong; me me ca tha he Daniela me je lahanen ka mok tha ödrin me tavat ae metâ hnyi Babulona.

Hosea 1:10

Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot.

Hosea 12:4

eke, e ame ûjöng ka angela, me hwege bi: e ame tenge me khöû kâu: e ame wâ e hnyi Beth-ela, ke e ame ûhnenamö möhmun eling;

Mareko 11:24

Anyin a wale, inya oge me ha köbun, ka habe, Haba ta je ûnyi hia öbun e he ka sumâtâ hnyi hic, labagejon ju a öbun e he ka kap, mʼ öbun e he ka kap dö.

II. Korinito 6:18

Ke oge me he ka Kamöbun, Kʼ öbun e he ka lakuk obaga me wahlu, haingen Than ae khana hia.

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Josua 10:12

Ke Josua ame ha hofuc kö Iehova hnyi bong Iehova ame hna at Amora hnyi hnyimakan lakon Isaraela; ke e ame ha hnyi hnyimakan at Isaraela, ka habe, Seûno lö, todru u hon Gibeona; Me u Tehi hnyi hnyigöulen bucen Aijalona.

Owisa 16:23

Ke haba je tuhan at Filisiti ödrin e ûkhacaköu he ka hudo hut ae gan kö Dagona a khongudrin, me he ka senyin: anyin a haingödrin, ka habe, a hia but khongutin hnö Samasona a iwahnaihmiony mötin ka hnyi hnyamötin.