Isaia 45:1 - Iaai Bible 1901 (New Caledonia)

¹ WALANG hna ha hnö Iehova kö Koreso, a at e ame hû, at oge me kât hnyamen a metân he ka hom ûhnyûkongoâ je hnyei hnyi hnyimakan, ke oge me he ka thang wen hnyin je than; he ka khong je hlinginy hnyi hnyimakan, kʼ adre me ca he ka hlöng je homagöule;

Isaia 45:1 ပူးပေါင်းရင်းမြစ်များ

I. Je Than 19:15

Haba Iehova ame ba kâu, ka habe, He hmetu thö hnyi dem gethen ka hnyi hnyebuba Damaseko: ke u ka o but u me he ka bû Hazaela hnân than Suria:

Ezera 1:1

HNYI huna a bâniny musi anyi Koreso tuhan Peresi, me haba Iehova ame bwebwelâ hnyeku Koreso than Peresi, me me hwâdâ hofuc ho Iehova a ha Jeremia, me e ame haimemenâ hnyi dokhon dokhu hia, kʼ ame sihnalimen minya, ka habe,

Ezera 1:2

Walang hna ha hnö Koreso than Peresi, ka habe, A hia but ham könya ga Iehova Khongon dran ta je dokhu hia eang hmelen; ke a hia but hûna könya he ka op umen uma hnyi Jerusalema, wale hnyi hnyei Juda.

Jobu 12:21

E ame hingâlâ but ûöhûköti hon je than, Kʼ ame thang wen hnyekon tavat ae hwege.

Salamo 73:23

Ke so bi inya bala bi unyâm: U je kât hnyamok a metök.

Isaia 13:2

Ogöranyâ thö boûdila hon bucen dok ae ba leûnen, hongot dö kodra, ûalû thö ge hnyam, mʼ adre me didro hnyi je homagouleny je than.

Isaia 13:3

Oge hia but hûna ka anyik wakap, eke, oge hia but hawâ je atök a tavat hwege he ka ohwâdâ anyik hmonyin, a je atök adre me hobâ me bi gan.

Isaia 41:13

Anyin a inya Iehova Khongom oge me he ka kat benyâm a metâm, me ba köu, ka habe, Ca ot; oge me he bi nya ka hadruo u.

Isaia 41:2

Ia oâ ke at ûheny jimeio, waleji e ame hawâ ka hnyi li can hnyi hwakecin ae wisa? e ame hna je hnyei kâu, me otilâ he ka musi hon ta je than; e ame hnʼ ödra ka hnyi anyin hele vat helâ me sesâ, me ka anyin cafana helâ me je thatûnyin hwit ame tûâ ang.

Isaia 41:25

O ge hia but oâ ke at ûheny hnyi hwadro, ke e ame he jem; ke ûheny hnyi hna o hnen seûno, oge me oâ ke at ame hawâ iök: e ame he ka je than helâ me hna dâ dröu, ke helâ me at ame op kaia ame ututo kânâ ae kece.

Isaia 42:6

haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

Isaia 44:28

at ame ha ga Koreso, ka habe, At tuö mamoe hobi könya, e ame he ka ânyâ hia: e ame he bi ka ha ge Jerusalema, ka habe, Adre me he ka up vetoiny; e ame he ka ha ge uma kap, ka habe, adre me ke ka bi trobâm.

Isaia 45:5

Inya Iehova, ke ba ju ke at; ke ba ju ke Khong, ke hake inya ke: oge me he ka oweikâ hnyâm, ke ca khanö u bi nya:

Isaia 48:15

Inya, inya at ame ha; eke, oge hia but hawâ e: oge hia but hom e, ke e ame bi sot hnyi deny bi gethen.

Jeremia 27:6

Ke walang ang oge hia but ham je hnyei ang kö Nebukaneza than Babulona, athnyabaik; ke haba khaca oge hia but ham kâu je menoiny hnyot hnân bi athnyabainy.

Jeremia 43:10

ke ha thö kodra, ka habe, Walang hna ha hnö Iehova tuhan sabaoth Khongu Isaraela, ka habe, Wâ bi, oge me he ka hum Nebukaneza than Babulona athnyabaik, ke oge me he ka otilâ anyin theron hon je veto e waleji oge konâm; ke e ame he ka ulolo anyin imanoiny than hon e.

Jeremia 50:3

Anyin ame o ke hnyei ûcon ûnyi hnyi hwadro, ame he ka öba wan iny hnyei, e ba at ame he ka labā e: adre kec ut, e hiʼ ödra, wale at me meno.

Jeremia 50:35

Ke haingö Iehova, ka habe, E hu hele vat hon at Kaledaia, ke hon tavat adre me laba hnyi Babulona, ke hon anyin je taben, ke hon anyin tavat ae metâ.

Jeremia 51:11

Khet ju je fana; kât hma ju je bec: Iehova ame otilâ hanon je than Madai; anyin a haba hnen hna ûnykûme ge Babulona, he ka ohia e: anyin a wale hwaban ûnyi ga Iehova, a hwaban umen uma.

Jeremia 51:30

Ame ca bevat hnen tavat hwege hnyi Babulona, adre me laba hnyi hnyin je hnabâ: e ba but tang hwegiödra; ödra ûcû me omomo: a thong ut je hnyabadra; ke a mou thö ta je ohmâiny.

Jeremia 51:58

Walang hna ha hnö Iehova tuhan sabaoth, ka habe, Adre me he ka thö degecâ je haginy ae lau adre op hnyi Babulona, kʼ adre me he ka thong ge meic je hlinginy homagouleny ae gorany; ke ame he tavat ka huliwa hnân ûnyi baû, me je hnyei hnân meic; ke adre me he ka sënyin.

Ezekiela 29:20

Oge me ham kâu hnyei Aigupito hwaban anyin huliwa e ame ânyâ kâu, anyin adre me huliwa hobi könya, haingen Than Iehova.

Daniela 5:6

Me ame hwio hnyimakan than, ke ame ohmakâ e hnen je ûnykûmenen; ke ame memen dut je jeien hnyin, ke ame öbubuny but li boucan.

Daniela 7:5

Ke wâ bi ke meno, at a loiny, helâ me bea, ke adre ogöranyâ ke keihen, ke kun ta jeien vhak hnyi hnyimen wanben ga nyon: ke adre me ha kâu, ka habe, Todrö, an gânâ ju utiö.

Daniela 8:3

Me oge me bwele me wâ, ke wâ bi, mamoe baga ae hu li faoiny ame tot cico wagewe; ke beû goranyai li faoiny; ke beû ke at hon ke at, ke haba at ae beönua, me a biliny ka o.

Daniela 8:4

Inya oge me wâ mamoe baga ame hagutâ jio, me ka hnyi hwadro, me ka hnyi hwaiöu; ke ca khana ke meno he ka tot hnyi hnyimakan, ke ba at ae khana he ka hûgûnâ gan; ke e ame ânyâ hoton weny, kʼ ame ogânâ e bi.

Nahuma 2:6

Adre me khong ut je homagouleny je wagewe, kʼ ame aû but uma umen than.

Nahuma 3:13

Wâ bi, haba tavat hnyi wanbâm, me helâ me omomo; adre me khong laûâ je homagouleny em hnyei ka ta je iwahnaihmiony möu: kʼ adre me thong ânyâm je venyâ ge meic.