Isaia 44:3 - Iaai Bible 1901 (New Caledonia)

³ Anyin oge me he ka hingâlâ köiö hon at ame beic, me je wagewe hon dok ae hwahwacit: oge me he ka hingâlâ hanuk hon je mâtrânâm, me hnahicik hon tavat adre me o ûnyi gam:

Isaia 44:3 ပူးပေါင်းရင်းမြစ်များ

Jobu 5:25

Ke u me he ka wâ a gʼ ame he ka gan mâtrânâm; Ke ame he je sem ka helâ me ajilatiny hmeledrany.

Salamo 107:35

E ame wia hnyebuba me me an, Me kânâ ae mada me me je pupuainy köiö.

Salamo 63:1

KHONG lö, u thibi Khonguk, o ge me he ka elöm u hnyi haolany: E beic hanuk unyâm, e gan hmâ weny unyik köu, Hnyi hnyei ae mada me sënyin, dok ae ba köiö hnyin.

Ta je Vejec 1:23

Hwio thʼ öbun ge hnok hna ûne: Wâ bi, oge me he ka hingâlâ köbun hanuk, Oge me he ka omanenâ köbun hok ta je hofuc.

Isaia 27:3

Inya Iehova at ame tuö e; oge me he ka labö hû e hnyi je ong ûen hia, oge me he ka tuö e hnyi lit me lany, wâ e nye okongoâ e hnen ke at.

Isaia 32:15

ke ne o but adre me hingâlâ huta hanu ûnyi ethö, kʼ ame he ka hnyei belök hnyebuba, kʼ adre me he ka aû hnyei belök me hnyot bi.

Isaia 32:2

Ke ame he at ka helâ me hna lubaduöng ge ang, ke nedrong ge weneû; helâ me je di hnyi dok ae hwahwacit, helâ mē dok ae hmenu hnyi kic ae gan hnyi hnyei ae sēnyin.

Isaia 41:17

Tavat adre me vec, ke ta je theduoc, me adre me heleû köiö, me ba, ke atgec dö ta je bohmödra ge beic; ke oge me he bi nya Iehova ka thu kodra, oge me ca he bi nya Khongu Isaraela ka hna degeci ödra.

Isaia 48:19

ke helâ me öny ta je mâtrânâm, ke haba wan hnyekom me helâ me ûseiny je waöny: adre me ca he ka subâ degecâ me ohia ien hnyi hnyimakök.

Isaia 48:21

Ke adre me ca beic hnyi ûen e ame su ödra hnyi hnyebuba: e ame oi köiö ûnyi hnyi kic hobi kodra: kʼ ame so kic me ame patrutrua but köiö.

Isaia 49:10

Adre me ca he ka mekihnânem me beic; ke ame ca he ka li ödra kahwa, me seûno: anyin ame he at a betenge gadra ka hum ödra, me su ödra ka hnyi an ame pupua.

Isaia 55:1

E ÖBUN hia tavat ae beic lö, ai öbun ka hnyi je an, ke at ae ba mone; ai öbun, ûco ju, ke an ju; eke, ai öbun ûco ju waina me debai, ke ca ge mone bi, ke ca ge hwaban.

Isaia 59:21

Ke haba inya, waleû anyik ûhihinyköu mödra, haingö Iehova: Haba hanuk at ame laba hom, me hok je hofuc waleji oge ip hnyi hnyimâm, ame ca he ka hia ûnyi hnyi hnyimâm, me hnyimen ta je mâtrânâm, me hnyimen ta je mâtrâniny ta je mâtrânâm, hwân walang ang, ke ne o but nyiele balua, haingö Iehova.

Isaia 61:9

Ke ame he ka lung je mâtrânidra unyin ta je hnyei, me lakudra huyi wanben tavat: ame he hia tavat adre me ō ʼdra ka wâhmakhmeto a ödra ta je mâtrân a ohnahicâ Iehova.

Isaia 65:23

Adre me ca he bi ka huliwa baû, kʼ adre me ca he ka hnokoâ hnân hobi kâu ûokonguny; anyin a ödra je mâtrâniny tavat a hahnahicâ Iehova, tha ödra me lakudra.

Ezekiela 34:26

Ke oge me he ka wiʼ ödra ke ta je dok igigili ödra, me me anyik hut ae hnahic; ke oge me he ka öta we hnyi ûen; kʼ ame he ka ta hnahic helâ me we.

Ezekiela 36:27

Ke oge me he ka ip hanuk eû hnyibun, me wi öbun he ka vheno anyik je hnanyibu, mʼ öbun e he ka tuö hnok je hna owisa, me ânyâ.

Ezekiela 39:29

ke oge me ca he hmetu ka ikhâlâ hnyimakök gadra: anyin oge hia but hingâlâ hanuk hon lap anyi Isaraela, haingen Than Iehova.

Ezekiela 47:8

Ke e ame ha könya, ka habe, Ame hingölö köiö ang ka hnyi je ke keihen e deiö, me ame he ka badedö ka hnyi hnyebuba: kʼ ame he ka he bi hnyiköiöai; ke haba köiö adre hingâlâ, me ame he ka utut ka hnyi köiö ae gan; me ame he ka so but köiö.

Hosea 10:12

Te hatungen ju öbun hnyi hwakecin ae wisa, menâ ju hoton ibetengiö; he thʼ öbun ka trohnenâ kânöbun kânâ ae itremacat: anyin a ûen ang he ka elom Iehova, ke ne o but e amo o me öta hubun hwakecin ae wisa.

Joela 2:27

Ke öbun e he ka wâ a inya hnyi wanben Isaraela, ke inya Iehova Khongubun, ke ba ju ke at: ke ame ca he balua bi lakeik ka hmehma.

Joela 2:28

Ke hwaban e, oge me he ka hingâlâ hanuk hon tavat hia thithö; ke ame he lakubun obaga me wahlu ka perofeta, ame he wahingatibun ka bwo je bwi, ame he wahidröu unyibun ka wâ je hna omanenâ:

Joela 3:1

ANYIN a wâ bi, haba hnyi je bong eling ke ûen eling, iny ka he ka hom hmetu je bâ wale a at Juda me Jerusalema,

Joela 3:18

Ke haba hnyi ûen eling ame he ta je bucen ka khukhula ge waina ae hnebwia, ke ame he je hut ka di ge debai, ke ame he ka khukhutu köien je wagewe Juda; ke ame he pupua ka o ûnyi hnyi uma umo Iehova, me hû hnyigöulen bucen Sitima.

Mika 5:7

Ke ame he je kolon ga Jekob hnyi wanben je hnyei ae se hia, helâ me dân hau ûnyi ga Iehova, helâ me we ame khukhula hon hna önying; at ame ca bec ge at, ke ame ca halubahingen at.

Zakaria 12:10

Ke oge me he ka hingâlâ hon lap anyi Davita me aten Jerusalema, hanuiny ibetengiö baû me hanuiny khöû; ke adre me he ka ō nya waleji adre dâ: ke adre me he ka tenge gan, helâ me at ame tenge ge nokon a khaca, ke adre me he ka vec gan, helâ me at ame vec ge nokon a bân.

Mataio 12:43

Ke haba hanu ae kong, hnyi ûen e ame didrut ûnyi hnyi hnyin at, e ame he hnyi je dok ae hwahwacit, he ka heleû hna menâ kʼ ame ca wâ bi.

Ta je huliwa 10:45

Me ame uthmâhmâ tavat adre me labageju a tavat adre peritomon, wale hnyat adre tha he me Peteru, anyin adre me hingâlâ minya bwihlany wale Hanu Kap hon Aten ta je hnyei.

Ta je huliwa 2:17

Haingen Khong, ka habe, Hnyi ta je bong a biliny, Oge me he ka hingâlâ hanuk hon tavat hia thithö: Ke amer he lakubun obaga me wahlu ka perofeta, Ke ame he lakubun wahidröu ka wâ je hna omanenâ, Kʼ ame he wahingatibun ka bwo ta je bwi.

Ta je huliwa 2:33

Ke walang ang e ame laba goranyai ûnyi ge hnyam a metân Khong, kʼ ame hia but kap ûnyi ge Kamen Hanu Kap waleji e ame ha bânâ, me e ame hingâlâ but ûnyi ang öbun e wâ me long.

Ta je huliwa 2:39

Anyin a haba hna ha bânâ, me hnân hobi köbun me je lakubun, me hobi kâu hnyat a ödra sâkâu, wale hnyat hia ame he Than a Khonguta ka hawâ kâu.

Hna Omanenâ 21:6

Ke haingen könya, ka habe, Adre hia but ânyâ. Inya Alefa me Omega, wale hwân me obiny. Oge me he ka ham bâûâ köien möt ame pupua ka at ame beic.

Hna Omanenâ 22:17

Ke haingen Hanu me hlu a teb faipoipo, ka habe, Aiö u. Ke so ame ha minya at ame löng, ka habe, Aiö u. Ke haba at ae beic, me he but jem: ke haba at e weny, me hom bâûâ ju köiöiny möt.