Isaia 44:2 - Iaai Bible 1901 (New Caledonia)

² walang hna ha hnö Iehova at a huliwön u, at a up u hwân hnyi hnyekon hinyâm, at ame he ka hadruo u, ame ha, ka habe, Ca ot bi, Jekob a athnyabaik; me u Jesuruna, waleji oge ûca.

Isaia 44:2 ပူးပေါင်းရင်းမြစ်များ

Salamo 46:5

E but Khong hnyi wanben e; kʼ ame ca he ka bwebwet: Ame ie he Khong ka hadruâ e, wale hnyi okubelit.

Salamo 71:6

Ame kap tilö nya ûnyi gam hwân hnyi hna hnöku nya: U thibi at u je hum nya but ûnyi hnyeku bai: Oge me he bala ka oganö u.

Salamo 95:6

Ai öbun, e so ate me he ka khudrung ju me nom; Ate me he ka cibouca hnyi hnyimakö Iehova at a up ota:

Isaia 27:11

Ke e ka meleca ta je vheiny, me adre me he ka thu degecâ; ame he omomo ka he bi, me thong ut ge meic: anyin a e hnyei ame ca wâhmakhmeto; anyin a wale ame ca he ka betenge gadra at ame up ödra, ke haba at ame otilʼ ödra, me ame ca he bi ka ânyâ so ködra.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 41:8

Ke haba u Isaraela lö a athnyabaik, ke Jekob at oge me ûca, mâtrâni Aberahama a hanok;

Isaia 43:1

KE walang ang, walang hna ha hnö Iehova at a up u Jekob, me at a huliwön u Isaraela, ka habe, Ca ot bi, anyin a oge hia but ûcö ânyâm möt; oge hia but hawâ iâm, anyin a atök ut u.

Isaia 43:21

waleji tavat oge me op hobi könya bi, mʼ adre me he ka oganö nya.

Isaia 43:5

Ca ot bi, anyin a tha inya möu: oge me he ka hom ta je mâtrânâm ûheny jimeio, me ûkhaca-köuö u ûheny jimeû;

Isaia 43:7

haba ödra hia adre ip hudra iök, waleji oge me op hnân oganö nya; me inya at a huliwön ödra; eke, oge hia but up ödra.

Isaia 44:21

Jekob lö, ûnykûme ta je ûnyi e, ke u Isaraela, anyin a u athnyabaik: oge me i up u, ke u athnyabaik: Isaraela lö, oge me ca he ka hnying u.

Isaia 44:24

Walang hna ha hnö Iehova, at a ûcû u, ke at a up u hwân hnyi hnyekon hinyâm: inya Iehova at a op ta je ûnyi hia; at a hake ulolo drany; at thibi a olauâ hmeledrany; ie at unyik?

Isaia 45:11

Walang hna ha hnö Iehova Kabi Isaraela, at a op e, ka habe, Hnei nya thö ge ta je ûnyi ame he ka o; ke hûna thö könya ge lakuk, me huliwa anyin li hnyamok.

Isaia 49:1

LING nya ju öbun je bomene; ke tevehlöng ju öbun ta je hnyei ae sâkâû: Iehova ame ha iök ûnyi hnyi hnyok; kʼ ame ha iök ûnyi hnyi hnyeku bai:

Isaia 49:5

Ke walang ang ame ha Iehova, at a up nya ûnyi hnyi hnyok mʼ inya athnyabainy, he ka ohmetu Jekob kâu, me me ûkhacaköu hmetu Isaraela unyin: (anyin a inya at adre ogânâ hnyi hnyimakö Iehova, ke haba Khonguk me wale tang hwegiök:)

Jeremia 1:5

Oge bok ka ö u, ke ödra tiga ca up u hnyi hnyok, ke oge bok ka okabi u, ke u tiga ca o bi ûhem hnyi hnyok; oge hia but ip u hnân peropeta ka ta je hnyei.

Jeremia 30:10

Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

Roma 8:30

ke haba hnyat e ame okabâ adrem, me e ame hawʼ ödra bi: ke haba tavat e ame hawʼ ödra, me e ame haiwisʼ ödra bi; ke haba tavat e ame haiwisʼ ödra, me e ame ohmanenangi ödra bi.

Efeso 1:4

helâ me hnen hna ûcʼ öta kâu, kʼ adre me tiga ca bi taben hmeledrany, mʼ ate me he bi ka kap me ba hnyikonguta hnyi hnyimakan hnyi ibetengiö:

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.

Deuteronomi 33:26

Jesuruna lö, e ba at ae ûcû me Khong, At ame tabâ drany me me hadruo u Ke hon je ûlâ hnyi anyin hmanenang.

Deuteronomi 33:5

E than hnyi Jesuruna, Hnyi ûkhacaköuiny je taben hnyei, A je tribu Isaraela hia thithö.

I. Thesalonika 1:4

ke khanʼ öhmun hnyat me lakeiny a oûnykûminy Khong, hna ûcʼ öbun,

Heberu 4:16

Anyin a wale e so ate me he ka hwege ûhakekenyâ theroniny ibetengiö baû, mʼ ate me he ka kap ibetengiö, me wâ ibetengiö baû hnân he ka hadruʼ öta hnyi ûen ae ûcû.