Isaia 43:5 - Iaai Bible 1901 (New Caledonia)

⁵ Ca ot bi, anyin a tha inya möu: oge me he ka hom ta je mâtrânâm ûheny jimeio, me ûkhaca-köuö u ûheny jimeû;

Isaia 43:5 ပူးပေါင်းရင်းမြစ်များ

Salamo 106:47

Iehova Khonguhmun lö, omeli öhmun, Me ûkhacaköuʼ öhmun dö ûnyi hnyi ta je hnyei, He ka oleâ iâm ae kap, Me ohobeluâ hnyi hna oganö u.

Salamo 107:3

Me ûkhacaköu ödra ûnyi hnyi ta je hnyei, Ûhedra jimeiö me jimeû, Ûhedra hnyi hwadro me hwaiöu.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 41:8

Ke haba u Isaraela lö a athnyabaik, ke Jekob at oge me ûca, mâtrâni Aberahama a hanok;

Isaia 41:9

a u at oge me kât ûnyi hnyi je can hmeledrany, ke hawâ ûnyi hnyi je ke keihen e, ke ha köu, ka habe, U thibi, athnyabaik oge ûco u ke ca hna degeci u;

Isaia 43:1

KE walang ang, walang hna ha hnö Iehova at a up u Jekob, me at a huliwön u Isaraela, ka habe, Ca ot bi, anyin a oge hia but ûcö ânyâm möt; oge hia but hawâ iâm, anyin a atök ut u.

Isaia 43:2

U ka he ka hanyâûâ je köiö, me oge me he ka tha inya möu; me je wagewe, adre me ca he ka khutukhaûö u: u ka he ka he wanben meic, ame ca he ka thung u; kʼ ame ca he bâhlân ka möt unyâm.

Isaia 44:2

walang hna ha hnö Iehova at a huliwön u, at a up u hwân hnyi hnyekon hinyâm, at ame he ka hadruo u, ame ha, ka habe, Ca ot bi, Jekob a athnyabaik; me u Jesuruna, waleji oge ûca.

Isaia 49:12

Wâ bi, ame he ka o tavat ang ûhedra sâkâû: ke wâ bi, tavat ang ûhedra hnyi hwadro, me ûhedra jimeû; ke tavat ang ûhedra hnyi hnyei Sinim.

Isaia 49:18

Bwela thö goranyai li emâkâm me wâ igigilo: ödra hia thithö ang adre me ûkhacaköu, me he jem köu. Haingö Iehova, Kia inya, ke e hnathu, u me he ka hum ödra hia me me khaûâm me hnân theibâm, me hnân oweikö u, helâ me hlu ame he ka faipoipo.

Isaia 54:3

Anyin a u me he ka lau hnyi ke keihen metâ me me; ke ame he je mâtrânâm ka hu je hnyei, me labā je taun ae ba wan.

Isaia 54:7

Ke oge hia but hna degeci u hnyi ong ûen ae ûhnyûkong; ke oge me he ka köp u hmetu hnyi tang betenge ae gan.

Isaia 61:9

Ke ame he ka lung je mâtrânidra unyin ta je hnyei, me lakudra huyi wanben tavat: ame he hia tavat adre me ō ʼdra ka wâhmakhmeto a ödra ta je mâtrân a ohnahicâ Iehova.

Isaia 8:10

Tha ûhnenamö thö, ke ame he bi ka ûnyi baû; ha thö hofuc, ke ame ca he bi ka hwâdâ: anyin ae unyita Khong.

Jeremia 23:7

Anyin a wale, wâ bi, ame he ka o je bong, haingö Iehova ke adre me ca he hmetu bi ka ha, ka habe, Kia inya Iehova at ame hom lakon Isaraela ûnyi hnyi hnyei Aigupito;

Jeremia 23:8

ke so bi, Kia inya Iehova at ame su je mâtrâniny lap anyû Isaraela ûnyi hnyi hnyei hnyi hwadro, me ûnyi hnyi je hnyei waleji oge obʼ dra ka hnyin: me adre me he ka labā idra bi.

Jeremia 29:14

Ke öbun e he ka ō nya, haingö Iehova, ke oge me he ka ohmetu öbun ûnyi hnyi hna hwenbâ, ke oge me he ka ûkhacaköu Öbun ûnyi hnyi ta je hnyei hia, me je dok hia, waleji oge obʼ öbun ka hnyin, haingö Iehova; ke oge me he ka ohmetu öbun ka hnyi dok waleji oge hwenbʼ öbun hnyin.

Jeremia 3:18

Hnyi je bong eling ame he lap anyi Juda ka tha he me lap anyi Isaraela, ke adre me he ka tha o ûnyi hnyi hnyei hnyi hwadro ka hnyi hnyei waleji oge ham ka lakamöbun me hnân ibun.

Jeremia 42:11

Ca he öbun ka outen than Babulona, wale at öbun e outen; haingö Iehova, ca he ka outen e, anyin a tha inya but möbun he ka omeli öbun, me hûgûnʼ öbun ûnyi hnyi hnyamen.

Jeremia 51:46

Ke ca sënyin bi je hnyekubun, me outen ûthumetu adre me be ka löng hnyi hnyei; anyin ame he ka o ûthumetu hnyi huna eang, ke hwaban huna ang ame he ka o ke ûthumetu me ûokonguny hnyi hnyei, ke taben ame ve e me ke taben.

Joela 3:7

wâ bi, oge me he ka höiʼ ödra ûnyi hnyi dok waleji öbun e ûcû ödra ka hnyin, me ohmeto hwaban ka hnyi hon je böbun;

Mika 2:12

Jekob lö, oge me he ka ûkhacaköuö u hia; e hnathu oge me he ka ûkhöûnâ je kolon Isaraela; oge me he ka tha ip ödra helâ me je mamoe hnyi Bozera; helâ me hnahat meno hnyi idra utkânâ, adre me he ka mede, anyin ae se hia tavat.

Zakaria 8:7

Walang hna ha hnö Iehova tuhan sabaoth, ka habe, Wâ bi, oge me he ka omelö lakeik ûnyi hnyi hnyei e deiö, ke hnyei e jio:

Luka 13:29

Ke adre me he ka o ûhedra jimeyö me jimeû, ke ûhedra hnyi hwadro me hwaiöu, he ka laba hnyi dokhu dokhon Khong.

Ioane 10:16

E hu minya ke ta je mamoe a halek, a ca hanen kak ang: ke ûcû könya he ka hum ödra minya, ke adre me he ka long ifucik; me me khaca thibi hnahat mamoe, ke khaca thibi at ame tuö.

Deuteronomi 30:3

awe, ame he Iehova ka ohmetu u ûnyi hnyi hna bâ, me betenge gam, me he hmetu ka ûkhacaköuö u ûnyi hnyi ta je hnyei hia wale Iehova ame hia but oveseiö u ka hnyin.