Isaia 43:3 - Iaai Bible 1901 (New Caledonia)

³ Anyin a inya Iehova Khongom, Kabi Isaraela, at ame omeli u; oge hia but ham Aigupito hnân hwaban melâm, ke Aithiope me Teba hnân hwabâm.

Isaia 43:3 ပူးပေါင်းရင်းမြစ်များ

Genese 10:7

Ke haba je laku Kuza; Saba, me Havila, me Sabeta, me Rama, me Sabeteka: ke haba li laku Rama; Sheba, me Dedana.

Salamo 72:10

Ame he je than Tasesa me je bomene ka ham ta je bwihlany; Kʼ ame he je than Sheba me Seba ka ham ta je fat.

Esodo 10:7

Ke haingen je lathnyabai Farao kâu, ka habe, Ame he ka hnân knewe köta at eang ke ne o but kehö? hna but tavat mʼ adre me he ka bi athnyabai Iehova Khongudrin: hawa e ca khatö u bala a ga kong ut Aigupito?

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Ta je Vejec 11:8

Adre me omelo at ae wisa ûnyi hnyi vec, Kʼ ame o but at ae kong ka hnyi hnen bi.

Ta je Vejec 21:18

Haba at ae kong, me e bi hnân ûcû melen at ae wisa; Ke haba tavat iyawö, me adre me he ka hwaban tavat ae fofâ.

Isaia 19:20

Ke wale hnân haten me ohnathoâ kö Iehova tuhan sabaoth hnyi hnyei Aigupito: anyin adre me he ka hongot kö Iehova can tavat adre me oveci ödra, me e ame he ka kunâ kodra at ûhomeli, me at sing ödra, me e ame he ka omeli Ödra.

Isaia 20:3

Ke haingö Iehova, ka habe, Helâ me hnö Isaia athnyabaik hna he thu hnyi kun ta huna, ke ba tangen hnyeûcan hnân haten me hnân ûöman ka at Aigupito me Aithiope;

Isaia 30:11

kec dö ûnyi hnyi gethen, saû but ûnyi hnyi deny, ohia but ûnyi hnyi hnyimaköhmun Kabi Isaraela.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 42:8

Inya Iehova, wale iök: ke oge me ca he ka ham anyik hmanenang ka ke at, ke hna oganö nya bi ka ta je idola.

Isaia 43:11

Inya thibi Iehova, ke ba ju ke at ûhomeli, ke hake inya ke.

Isaia 45:14

Walang hna ha hnö Iehova, ka habe, Haba troban huliwa hnyi Aigupito, me je omjeûiny Aithiope hnân ûcû, me at Seba, tavat ae beû, adre me he ka hum ödra köu, me me ânyâm; adre me he ka he hotom; adre me he ka he ke tiga cʼ ödra ge je tö a fao: ke adre me he ka iyâû köu, me khöu köu me ba, ka habe, E hnathu e bi Khong unyâm; ke ba ju ke at, ke ba ke Khong.

Isaia 45:15

E hnathu u Khong ame ikhölö, Khongu Isaraela, at ûhomeli.

Isaia 45:21

Haimemenâ thö, ke hakekenyâ thö; eke, e so adre me tha ûhnenamö: ia omanenâ e hwân kâû adrem? ia haimemenâ e hwân kâû ehac? hawa, ca hnok Iehova? ke ba ju ke Khong, ke hake inya ke; Khong ae wisa me at ûhomeli; ke ba ju ke at, ke inya thibi.

Isaia 49:26

Ke oge me he bi nya ka han tavat ge hing vidra a ödra adre me oveci u; kʼ adre me he ka monu ge hing drödra bi, helâke me hnen waina ae hnebwia: ke ame he tavat hia ka khanʼ ödra a inya Iehova, at ame omeli u, me at ame ûcû melâm, a Man mani Jekob.

Isaia 60:16

Ke u me he ka he minya ke ijem debainy ta je hnyei, ke ijem je basin ta je than: ke ame he ka khanö u a inya Iehova at ame omeli u, ke at ame ûcû melâm, Mani Jekob.

Isaia 63:8

Anyin a e ame ha, ka habe, E hnathu, ta je atök ödra, a je wanakat adre me ca he bi ka ânyâ iyawo: me me at omeli ödra bi.

Jeremia 14:8

Gejon Israela lö, at ame omelo e hnyi ûen vec, anyin a ieû u je helâ me atkanyua hnyi hnyei, me helâ me at ame vheno gethen me e ame saû thö ka mokut?

Jeremia 16:21

Anyin a wale, wâ bi, oge me he ka owâhmakhmeto ödra, hnyi ûen ang oge me he ka owâhmakhmeto ödra ge hnyamok, me manik man; ke ame he ka khanʼ ödra a iök Iehova.

Ezekiela 39:7

Ke oge me he ka omanenâ iök ae kap hnyi wanben ik hnyei a Isaraela; ke oge me ca hnʼ ödra hmetu he ka haikongoâ iök ae kap: ke ame he je hnyei ka wâ a inya Iehova a kabi Isaraela.

Hosea 13:4

Ke inya Iehova Khongom ûnyi hnyi hnyei Aigupito; kʼ ame ca he ka khanö u ke khong ke hake inya thibi, ke ba at ûhomeli ke hake inya ke.

Levitiko 11:44

Anyin a inya Iehova Khongubun: okabi öbun dö, mʼ öbun e he ka kap: anyin a iny kap: ke ca obokongi öbun bi ge ta je ûnyi ame iyâû eang hmelen.

Amosa 9:7

Lakon Isaraela lö, hawa öbun ûcû me at Aithiop könya? haingo Iehova. Hawa, oge me ca su at Isaraela ûhedra hnyi hnyei Aigupito, ke at Filisti ûhedra hnyi Kafetori, ke at Suria ûhedra hnyi Kira?

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Juda 1:25

e so e unyin Khong a khaca, At a omeliʼ öta a deny Iesu Keriso a Tuhöta, hmanenang, me mec, me musi, me man, hwan adrem balua, me walang ang, me nyiele balua. Amen.