Isaia 43:2 - Iaai Bible 1901 (New Caledonia)

² U ka he ka hanyâûâ je köiö, me oge me he ka tha inya möu; me je wagewe, adre me ca he ka khutukhaûö u: u ka he ka he wanben meic, ame ca he ka thung u; kʼ ame ca he bâhlân ka möt unyâm.

Isaia 43:2 ပူးပေါင်းရင်းမြစ်များ

Jobu 5:19

E ame he ka omeli u hnyi je vec a siks; Eke, ame ca he ka kalö u hnen hulo hnyi seveniny.

Salamo 23:4

Eke, oge ne vheno hnyigöulen bucen a hmenon mok, Me oge me ca he ka outen ûnyi ae kong; anyin a tha u mönya: Kʼ ame okahwö nya ânyâm utömhu me cem uci.

Salamo 32:6

Can e, e so ame he tavat ae so ka hic köu hnyi ûen ae khanʼ ödra he ka ō u: E hnathu e ka o but wadutö ae gan, me ame ca he ka hakekenyâ e.

Salamo 66:10

Khonguhmun lö, u je hia but cubic öhmun: U je hia but cubic ohmun helâ me mai hna cubec sileva.

Salamo 66:12

U je kunâ tavat he ka tabâ je böhmun; Ohmun e vheno meic me köiö; Ke so bi u je oi öhmun ka hnyi dok ae widrany.

Salamo 91:15

E ame he ka hawo nya, me oge me he ka thu kâu; Oge me he ka tha inya mē hnyi vec: Oge me he ka omelo e, me ogânâ e.

Esodo 14:29

Ke haba lakon Isaraela adre me vheno dok ae mada wanben köiö; ke li hak ködra köiö hnyi ke keihen metödra me medra.

Esodo 3:12

Ke ame ha, ka habe, Inya oge me he ka tha e möu; ke walang haten köu hnyi hnök hna kunö u, ka habe, U ka um dö hom tavat ûnyi hnyi Aigupito, öbun e he ka bi athnyabainy Khong hnyi hon bucen eang.

Isaia 29:6

Ame he Iehova tuhan sabaoth ka senâ e tha e me hwan than, me hwiöi, me hwan ae gan hmâ, me hou, me weneû, me bâhlân meic ame han.

Isaia 30:27

Wâ bi, ame o but iö Iehova ûnyi hnyi dok ae sâkâû, ame ubâhlâ ge anyin hmonyin, ke khot ge hai ame ölö goranyai: ame unöngötö li esongodiny ge wathethot, ke helâ me meic ame han bohmen:

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 43:5

Ca ot bi, anyin a tha inya möu: oge me he ka hom ta je mâtrânâm ûheny jimeio, me ûkhaca-köuö u ûheny jimeû;

Jeremia 42:11

Ca he öbun ka outen than Babulona, wale at öbun e outen; haingö Iehova, ca he ka outen e, anyin a tha inya but möbun he ka omeli öbun, me hûgûnʼ öbun ûnyi hnyi hnyamen.

Jeremia 46:28

Jekob, athnyabaik lö, ca ot bi, haingö Iehova; anyin a tha inya möu: anyin oge me he bi ka ti ohia je hnyei hia waleji oge obö u ka hnyin, ke oge me ca he ka ti ohiö u; ke so bi oge me he ka nö u ge hna owisa, ke oge me ca he bi ka hnö u ke ba hwaban.

Daniela 3:23

Ke haba hnyat eling a kun, wale Saderaka, ke Mesaka, ke Abedenego, me ödrin e ta adre me cʼ ödrin ka hnyi thop ae möt hnyin meic.

Hagai 1:13

Me haba Hagai, me ûthumetu anyi Iehova hnyi hofuc ho Iehova, me e ame ha, ka habe, Tha inya but möbun haingö Iehova.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Mataio 1:23

Wâ bi, ame he hlu ka erkin, me hnokoâ da, Kʼ adre me he ka hwenyi ien Emanuela; walang bongon, E but unyita Khong.

II. Timoteo 4:17

Ke so bi ame tha tot mönya Than, me ham könya man; me me he ka ti manen dut gak hna khetâ hofuc, me me löng hia Aten ta je hnyei: ke iny möt bi ûnyi hnyi hnyimen liona.

II. Timoteo 4:22

E so e unyin hanom Than. E so e unyibun ibetengiö baû.

Heberu 11:29

Hnen labageju adre me hanyâûâ Wagewe ae dra helâ me kânâ ae mada: ke haba at Aigupito adre me nâ cubecâ me adre me û but.

Josua 1:5

E ba at ame he ka khana ka tot hnyi hnyimâkâm hnyi je bong bongon ânyâm möt; oge me he ka tha inya mou helâji me hnok hna tha e me Mose: ame ca he ka hiö nya unyâm me hna degeci u.

Josua 1:9

Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.