Isaia 43:16 - Iaai Bible 1901 (New Caledonia)

¹⁶ Walang hna ha hnö Iehova at ame bi gethen hnyi köiö, kʼ ame bi deny gethen hnyi wanben köiö ae gan;

Isaia 43:16 ပူးပေါင်းရင်းမြစ်များ

Nehemia 9:11

Ke u je kia luâ köiö hnyi hnyimaködrin, mʼ ödrin e he hnyi wanben köiö hnyi dok ae mada; ke u je khûâ je iwahnaihmiony mödrin ka hnyi dok ae dit, helâ me veto hnyi köiö ae gan.

Salamo 106:9

E ame thawâ Köiö ae Dra, me ame mada: Me e ame hum ödra hnyi je dok ae dit helâ me hnyebuba.

Salamo 77:19

E bi hnyi köiö dem gethen, Ke eû hnyi köiö ae gan deny hnâm hna he, Ke ca manen bi je deny je hnyeûcam.

Salamo 77:20

U je su lakem helâ me hnahat mamoe, Ge hnyamö Mose me Arona.

Salamo 78:13

E ame subâ luâ köiö, me bi dedra; Ke e ame otilâ köiö helâ me li kbölöki.

Esodo 14:16

Ke hai thö ânyâm uci, me inâ but hnyamâm hon köiö, me me khekhe lo but: kʼ ame he lakon Isaraela ka he wanben köiö hnyi dok ae mada.

Esodo 14:29

Ke haba lakon Isaraela adre me vheno dok ae mada wanben köiö; ke li hak ködra köiö hnyi ke keihen metödra me medra.

Isaia 43:2

U ka he ka hanyâûâ je köiö, me oge me he ka tha inya möu; me je wagewe, adre me ca he ka khutukhaûö u: u ka he ka he wanben meic, ame ca he ka thung u; kʼ ame ca he bâhlân ka möt unyâm.

Isaia 44:27

at ame ha ka dok ae dit, ka habe, Hme but, ke oge me he ka ohwahwacitâ ânyâm je wagewe:

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Isaia 51:10

Hawa, ca u at ame ohmö köiö wale köiö ae dit hmonyin; at ame wia dok ae dit hnyi köiö me hnân gethen bi me me vheno hnen tavat adre ûco melidra?

Isaia 51:15

Anyin a inya Iehova Khongom at ame oâ je waköiöiny köiö me ame mea but: haba ien, me Iehova tuhan sabaoth.

Jeremia 31:35

Walang hna ha hnö Iehova at ame ham seûno hnân lany hnyi selany, me hnanyibuiny tehi me ta je okhû hnân melam hnyi lit, at ame bwebwelâ köiö me me û je waköiöiny; Iehova tuhan sabaoth ien:

Hna Omanenâ 16:12

Ke haba at a siksiny ame hingâlâ anyin kaia ka hnyi wagewe ae gan Euferate; me ame hme thö köiö, mʼ adre me he ka penapena ke gethen deny je than ûhedra e jimeyo.