Isaia 42:5 - Iaai Bible 1901 (New Caledonia)

⁵ Walang hna ha hnö Iehova a Khong, at a op drany, me ulolo e; at a olauâ hmeledrany me ta je ûnyi ame kû hnyin; at a ham homenâ ka tavat hia thithö hon e, ke hanu ka tavat adre me vheno e:

Isaia 42:5 ပူးပေါင်းရင်းမြစ်များ

Genese 1:1

HABA hnyi can Khong ame op drany me hmeledrany.

Genese 2:7

Ke haba Iehova Khong ame op at ge sesâiny kânâ, me menâ ka hnyi li hnyingöiny homenâiny möt; ke haba at ame wia me me hanu ae möt.

Jobu 12:10

Haba e hnyi hnyamen hanon ta je ûnyi hia ae möt, Me homenâ anyin tavat hia thithö.

Jobu 27:3

(Anyin ae bala bi hanuk unyik, Me homenâ anyin Khong hnyi li hnyi-ngöik;)

Jobu 33:4

Haba hanon Khong ame up nya, Ke a omeli nya homenân Ataekhanahia.

Jobu 34:14

Ame ne he ka hnyok ka at, Ame ne he ka ohmeto kâu bi hanon me homenân;

Salamo 136:6

Kâu at ame olauâ kânâ hon köiö: Anyin a nyiele balua anyin ibetengiö:

Salamo 33:6

Adre me op drany ge hofuc ho Iehova; Ke ta je ûnyi hia hnyin ge homenâiny hnyimen.

Salamo 96:5

Anyin a haba je khongon ta je hnyei hia thithö wale, a je hnatheat; Ke haba Iehova ame op ta je drany.

Isaia 37:16

Iehova tuhan sabaoth lö, Khongu Isaraela, ke at ame laba wanben li kerubi, u thibi Khong, a hake u ke, hnyi ta je dokhu hia eang hmeledrany; u je op drany me hmeledrany.

Isaia 40:12

Ia tuluto köiö hnyi thopiny hnyamen, ke tuluto drany ge banyen, ke hitangen hnyi tulut sesâiny hmeledrany, ke tuluto ihmakiny ta je bucen, ke ta je hut bi hnyi tulut?

Isaia 40:22

E at ame laba hon wathelabainy hmeledrany, ke helâ me ta je wahamon tavat adre me labā e; at ame ulolo drany helâ me imano, kʼ ame ulolo e me helâ me uma mano adre me laba hnyin:

Isaia 40:26

Bwela thʼ öbun goranyai, me wâ, ia op ta je ûnyi e, ke ame su anyidra ta je dö hnyi ûseidra: e ame ve hawâ ta je iödra hia thithö; ke haba hnyi ûganiny maniny man, ke can hwegien ae gan, me ame ca hia bi khaca.

Isaia 40:28

Hawa, e ca khanö u î u me ca long? a Khong nyiele balua, a Iehova, at a op je can hmeledrany e ame ca mat, me sēnyin; ca hnân bi wâ anyin metâ.

Isaia 44:24

Walang hna ha hnö Iehova, at a ûcû u, ke at a up u hwân hnyi hnyekon hinyâm: inya Iehova at a op ta je ûnyi hia; at a hake ulolo drany; at thibi a olauâ hmeledrany; ie at unyik?

Isaia 45:12

Oge hia but ânyâ hmeledrany me op tavat adre me labā e: oge me ulolo drany ge li hnyamok, ke oge muso ta je ûnyi hia hnyin e.

Isaia 45:18

Anyin a walang hna ha hnö Iehova at a op drany; e thibi Khong; at ame ânyâ hmeledrany me op e; e ame otethmâ e, kʼ ame ca op baûâ e, e ame mâdrâ e me me labā e: haingen, ka habe, Inya Iehova ka ba ju ke at.

Isaia 48:13

Eke, hnen hnyamok hna bi taben hmeledrany, ke hnen hnyamok a metök hna ulolo je drany: oge me hawâ ta je ûnyi e, me adre me tha tot.

Isaia 57:16

Anyin oge me ca he ka ivino ke ne o but nyiele balua, ke oge me ca he bala ka hmonyin: anyin ame he ka ta sēnyin hnyok hnyi hnyimakök, me hanu o ge op.

Jeremia 10:12

E thibi at a op kânâ ge maniny man, e ame otilâ hmâ hmeledrany ge anyin metâ, me ulolo drany ge anyin wâhmakhmeto:

Jeremia 27:5

ka habe, Oge hia but op hmeledrany, wale at me meno hon hmeledrany hnen manik man ae gan hmâ me benyik ae lau; ke oge me ham e ka at ae ûcû könya.

Jeremia 32:17

Ekölö Than Iehova! wâ bi, u je hia but op drany me hmeledrany ge manâm man ae gan hmâ me benyâm adre hai; ke ba ûnyi ae hmak köu:

Jeremia 38:16

Me Zedekia than ame khemanyin duöng kö Jeremia me ha, ka habe, Kia inya Iehova, at a up otu a oge me ca he ka hlingö u, me hnö u ka hnyi hnyamen tavat ang adre me elâm he ka hlingö u.

Ezekiela 18:4

Wâ bi, haba je hanu hia, me anyik, anyik bi hanon kamen, ke anyik minya hanon nokon: ke haba hanu ame ânyâ hulo, me ame he bi ka mok.

Daniela 5:23

ke u je bi gan ka Thaniny drany; ke adre hia but hom je omjehen umen uma ka hnyi hnyimâkâm, ke u je hia but, ke ânyâm je taben, ke laâiâm, ke ânyâm je momo, ic waina kâu; ke u je hia but ogânâ je khong sileva, me gol, me bras, me fao, me uto, me veto, wale adre me ca bwele, me löng, me khana: ke haba Khong at ame muso homenâm, ke e unyin dem je gethen hia, me u je ca ogânâ:

Amosa 9:6

e thibi at ame op je hnyeuleny ethö hnyi drany, kʼ ame bi taben hnyeuleny hnyi hmeledrany: at ame hawâ köien köiö ae gan me hingâlâ ka hnyi hon kânâ, Iehova ien.

Zakaria 12:1

WALANG hok, wale hofuc ho Iehova ge Isaraela.

Ta je huliwa 17:24

Haba Khong at ame op hmeledrany me ta je ûnyi hia eû hnyin, e thibi Tuhan drany me hmeledrany, e ame ca laba hnyin ta je uma adre ânyâ ge je hnyamen;

Ta je huliwa 17:25

ke ame ca huliwa minya kâu hnen ta je hnyamen at, helâke adre me ânyâ ka theduoc, anyin a e ame ham hia möt, me homenâ, me ta je ûnyi hia ka ta je ûnyi hia;

Heberu 1:2

me ame ha köta hnyi je bong ang a biliny a deny Nokon, at e ame wia me atö, me me he ka hu gan ta je unyi hia thithö, kʼ ame op ta je dö hia ûnyi gan;