Isaia 42:4 - Iaai Bible 1901 (New Caledonia)

⁴ E ame ca he ka sēnyin me ngâ, ke ne o but e ame he ka ip hna owisa eang hmeledrany; ke ame he ta je bomene ka halubahingen anyin hnanyibu.

Isaia 42:4 ပူးပေါင်းရင်းမြစ်များ

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Salamo 22:27

Ame he je can hmeledrany hia ka ûnykûme me hwio kö Iehova: Ke ame he ta je lap anyin ta je hnyei ka khudrung hnyi hnyimakan.

Isaia 40:22

E at ame laba hon wathelabainy hmeledrany, ke helâ me ta je wahamon tavat adre me labā e; at ame ulolo drany helâ me imano, kʼ ame ulolo e me helâ me uma mano adre me laba hnyin:

Isaia 40:28

Hawa, e ca khanö u î u me ca long? a Khong nyiele balua, a Iehova, at a op je can hmeledrany e ame ca mat, me sēnyin; ca hnân bi wâ anyin metâ.

Isaia 41:5

Haba je bomene adre me wâ me ot; haba je can hmeledrany adre me öbubuny: adre me hakekenyâ, me o.

Isaia 42:10

Hai thö kö Iehova khumöng ae teb ûnyi, ke hna ogânâ e ûnyi hnyi can hmeledrany; öbun tavat öbun e ut hnyi köiöai, ke unöngötiny e, ke je bomene, ke ta je aten.

Isaia 42:12

E so adre me he ka hna hmanenang kö Iehova, me omanenâ hna ogânâ e hnyi je bomene.

Isaia 42:21

Ame so kö Iehova hnyi anyin hwakecin ae wisa, he ka ogânâ hnanyibu, me ohmanenangâ e.

Isaia 49:1

LING nya ju öbun je bomene; ke tevehlöng ju öbun ta je hnyei ae sâkâû: Iehova ame ha iök ûnyi hnyi hnyok; kʼ ame ha iök ûnyi hnyi hnyeku bai:

Isaia 51:4

Lakeik lö, ling nya ju; ik hnyei lö,, tevehlöng ju könya: anyin ame he ka he but ûheny unyik hnanyibu, ke oge me he; ka ip hnok hna owisa hnân melaminy ta je hnyei.

Isaia 51:5

E hakekeny jut hwakecin ae wisa, a he but anyik ûhomeli, ke ame he li benyik ka owisa ta je hnyei; ke ame he ta je bomene ka halubahing nya, me labageju ka hnyi benyik.

Isaia 55:5

Wâ bi, u me he ka hawâ hnyei ae ca khanö u, kʼ ame he ka wadring hotom tavat ae ca khanö u bi, ûnyi ga Iehova a Khongom, me Kabi Isaraela; anyin a e ame hia but oganö u.

Isaia 60:9

E hnathu, ame he je bomene ka halubahing nya, kʼ ame he ka bân je huiny Tasesa he ka hom lakom obaga ûnyi hnyi dok ae sâkâû, ke e unyidra anyidra sileva me gol, hobi kâu iö Iehova a Khongom, me Kabi Isaraela at ame ohmanenangi u.

Isaia 66:19

Ke oge me he ka ip unyidra haten, ke oge me he ka kunâ ka hnyi ta je hnyei tavat gadra adre me kec möt, Tasesa ai, me Pula ai me Luda ai, wale tavat hlic fana, me Tubala ai, me Heleni ai, me ka hnyi je bomene ae sâkâû, tavat adre me ca hnyi long ûthumetu gak, me ca wâ anyik hmanenang: ke adre ma he ka khetâ anyik hmanenang ka hnyi je hnyei.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Daniela 9:24

Sevente je wik adre me thu ka hnyi em hnyei, ke ânyâm taun ae kap, mʼ adre me obekhötâ hna hanyâûâ, me bi obiny je hulo, me tube hwakecin ae monu, mʼ adre me oâ wisa a nyiele balua, me ohmâ haten hna omanenâ ke hna perofeta, me hû dok ae ti kap.

Zakaria 2:11

Ke ame he ta je hnyei ae se hia ka tha hien me Iehova hnyi bong eling, ke adre me he bi ka lakeik: ke oge me he ka laba hnyi wanbâm, me u me he ka wâ a ga kunö nya köu Iehova tuhan sabaoth.

Mataio 12:21

Ke ame he Aten ta je Hnyei ka ge ju ka hnyi ien.

Mareko 3:3

Ke e ame ha ka at ae meleca hnyamen, ka habe, Todrö hnyi wanben.

Roma 16:26

ke manen dut walang ang, ke adre hia but omanenâ, ûnyi hnyi hna sihnalimen hnen ta je perofeta, ke hoton hna hûna hnen Khong a nyiele balua ka ta je hnyei hia, madre me he ka long hoton labageju;

I. Korinito 9:21

ke helâ me ba hnanyibu ka tavat ae ba hnanyibu, ke ca ba bi hnanyibu gak ge Khong, ke inya hmelen hnanyibu ge Keriso, me me hmehmelö nya tavat ae ba hnanyibu.