Isaia 42:22 - Iaai Bible 1901 (New Caledonia)

²² Ke hnyei adre hûgûnâ me söh hnyei ang; ke adre nuc ödra hia thithö hnyi je thop, ke adre ikhölʼ ödra hnyi je uma ceat: ödra a tavat hnân hûgûnâ, ke ba at ame tubi ödra; me hnân söh, ke ba at ame ha, ka habe, Ham hmetu but.

Isaia 42:22 ပူးပေါင်းရင်းမြစ်များ

Salamo 102:20

He ka long mâng anyin at adre ca; He ka thang tavat adre me he ka hlingâ;

Salamo 50:22

Tavat öbun e hnying Khong lö, ûnykûme ju öbun ang, Wâ oge nye he ka kiʼ öbun, ke ba at he ka omelo:

Isaia 1:7

A ba but wan ibun hnyei; a hia but thong anyibun je taun ge meic; ke haba könöbun kânâ, me ame an e hnen ta je atkanyua hnyi hnyimaköbun, me ba wan, helâke adre hagutâ degecâ hnen je atkanyua.

Isaia 14:17

at ame wia hmeledrany me me helâ me hnyebuba, me hagutâ hnyikânâi je tauniny; at ame ca hna tavat hwenbâ ka hnyi ta je idra?

Isaia 18:2

at ame kunâ je ûthumetu a deny je köiö, wale adre me tabâ je hu gom hon köiö, me ha, ka habe, he thʼ öbun je ûthumetu ae logot, ka hnyi hnyei ae hwege me hnyok baga, ka hnyei adre outen hwân ehac me nyiele; wale a hnyei adre ham je tulut, me adre me ututo, hnyei a susubâ hnen je wagewe!

Isaia 24:18

Ke ame he ka ta ka hnyi thop at ame kec ge hwan ûnyi hnân ootâ; ke ame he ka hnok hnyi hnewe at ame ölö ûnyi hnyi thop: anyin adre me khong ut je mamalamainy drany, me ame bwebwet dö je taben hmeledrany.

Isaia 24:22

Ke adre me he ka ûkhacaköu ödra helâ me hna ûkhacaköuâ tavat adre cʼ ödra hnyi thop, kʼ adre me he ka hlöng hwanuma hnyi uma ceat, ke hwaban ta je bong ae se hia, me adre me he ka senʼ ödra.

Isaia 24:3

Ame he ka ti ba onyen hnyei, me ti söh; anyin a hia but Iehova ha hofuc ang.

Isaia 36:1

KE haba hnyi huna a fotini Hezekia than, me ame o but Saneribi than Asuria ka vat me je taun adre up veten hnyi Juda, me hûgûnâ.

Isaia 42:23

Ia gabun ame he ka tevehlöng ûnyi ang? me tä hnyikonyen npe long hobi kâu nyiele?

Isaia 42:7

he ka obwela je ecmak ae wadröu, he ka hom but at adre me ca ûnyi hnyi uma ceat, ke tavat adre me laba hnyi menekholom ûnyi hnyi dok adre cö ʼdra hnyin.

Isaia 45:13

Oge hia but oâ at e hnyi wisa, ke oge me he ka owisa deny je gethen hia, e ame he ka op anyik taun, me hna ta je atök a je hwenbâ, ke ca ge hwaban ke ca ge bwihlany, ame ha Iehova tuhan sabaoth.

Isaia 5:29

ke adre me he ka kuku helâ me liona, adre me he ka kuku helâ me je nak liona: eke, adre me he ka kip me oloû je hanidra, me hom ka hnyi dok ae iyong, ke ame he ka ba at ka omelo.

Isaia 51:23

ke oge me he ka ip e hnyi hnyamen tavat adre me oveci u; waleji tavat adre me hia but ha köu, ka habe, Nom ju mʼ öhmun e he ka he but hom: ke u je hia but ham jom hnân hing kânâ, ke helâ me gethen, ka tavat adre me vheno.

Isaia 56:9

Ai öbun omenoiny ta hnyei he ka han, eke, öbun hia thithö omenoiny hnyot.

Jeremia 50:17

Isaraela mamoe adre oveseâ; ame alen e hnen je liona: a bân than Asuria ka an e; ke a biliny Nebukaneza eang than Babulona ame thö je jeien.

Jeremia 52:31

Ke haba hnyi huna a thote seveniny bâ a Jehoiakin than Juda, hnyi tehi a twelviny, hnyi bong a twente faiviny tehi, me haba Evile-merodiak tuhan Babulona, hnyi huna a hwân hnyin anyin musi, me e ame ogöranyâ bö Jehoiakin than Juda, me hom e ûnyi hnyi uma ceat;