Isaia 42:17 - Iaai Bible 1901 (New Caledonia)

¹⁷ Ke adre me he ka ohmetu ödra, mʼ adre me he ka hmehma, tavat adre me labageju ka ta je idola, tavat adre me ha ka je hnatheat adre okoiâ, ka habe, Öbun je khonguhmun.

Isaia 42:17 ပူးပေါင်းရင်းမြစ်များ

Salamo 135:18

Ame he tavat adre up ödra ka helâ mödra; Eke, tavat hia adre me labageju kodra.

Salamo 97:7

E so e hmehma but hia thithö tavat adre me bi athnyabainy je hnatheat, Me hobeluʼ ödra bi ge ta je idola: Khudrung ju kâu, öbun ta je khong hia thithö.

Esodo 32:4

Ke e ame kap ta je ûnyi eling gadra, me tretrauâ ge sulâ, me ânyâ me me nokon kau adre oköiâ: ke adre me ha, ka habe, Isaraela lö, walang khongom at ame hum u ûnyi hnyi hnyei Aigupito.

Esodo 32:8

adre hia but ie saû ûnyi hnyi gethen waleji oge hûna ködra; kʼ adre hia but ânyâ hobi ködra nokon kau adre oköiâ, me khudrung kâu, me bi hut kâu, me ha, ka habe, Isaraela lö, walang khongom, at ame hum u ûnyi hnyi hnyei Aigupito.

Isaia 1:29

Ke adre me he ka hmehma ge je iwajo öbun e weny, ke öbun e he ka monumonu can ta hnyei öbun e ûca.

Isaia 44:11

Wâ bi, ame he ka hmehma je lawaeny hia; ke je at, tavat adre me huliwan: e so adre me oûkhacaköu ödra hia, e so adre me ûtitilen; adre me he bi ka ot, adre me he ka tha hmehma.

Isaia 44:17

ke haba kolon, e ame bi khong kâu, hnân anyin idola: e ame ta kâu me khudrung, me hic kâu, me ha, ka habe, Omeli nya thö; anyin a u khonguk.

Isaia 44:9

E ûnyi baû hia tavat adre me bi hnatheat; ke ba troban anyidra ta je ûnyi adre me hnyok kâu: ke ame ca bwele tavat adre me ohnathu ödra, ke ca khanʼ ödra bi; mʼ adre me he ka hmehma but.

Isaia 65:13

Anyin a wale, walang hna ha hnen Than Iehova, Wâ bi, ame he je athnyabaik ka han, ke öbun e he bi öbun ka mekihnânem: wâ bi, ame he je athnyabaik ka ic, ke öbun e he bi öbun ka beic: wâ bi ame he je athnyabaik ka senyin, ke öbun e he bi öbun ka hmehma:

Jeremia 46:5

Anyin a ieû oge me wâ e? adre me ot me hmetuhmetu; ke adre kot anyidra je taben, adre me kec hwege me ca hwio bi: e hu ûnyi hnân ootâ igigilo, haingö Iehova,