Isaia 42:16 - Iaai Bible 1901 (New Caledonia)

¹⁶ Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

Isaia 42:16 ပူးပေါင်းရင်းမြစ်များ

Salamo 94:14

Anyin ame ca he bi Iehova ka hna degecâ lakeiny, Kʼ ame ca be ka hna but hwajekhon.

At Khet 1:15

E pason he ka owisa ûnyi ae hwali: ke pason he ka aû bi ta je ûnyi ae ba.

At Khet 7:13

Ûnykûme ju huliwa anyin Khong: anyin a ie at ae khana he ka owisa hnen hna ohwalö?

Isaia 26:7

E wisa gethen deny tavat ae wisa: u thibi at ae wisa ke u je okhabalaûâ gethen deny tavat ae wisa.

Isaia 29:18

Ke hnyi bong eling ame he ta je wejiji ka long hofuc hnyi tusi, kʼ ame he li emakan je wadröu ka bwela e ka ba but lit me menekholom.

Isaia 29:24

Me ame he tavat ae monu hnyekudra ka wâ metâ, kʼ ame he tavat ulit ka ûnö hna ûnö.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 30:21

ke ame be li hnyikönyâm ka long hofuc hnyi hotom, ka habe, Walang gethen, vheno ju öbun hnyin e; öbun ka saû ka hnyi ke keihen metâ, ke öbun ka saû ka hnyi keihen me.

Isaia 32:3

Ke ame ca he ka hadedak li emakan tavat adre me bwela, kʼ ame he ka tevehlöng li hnyikonyen tavat adre me long.

Isaia 35:5

Me ame he ka obwela je emakan tavat a ödra wadröu, me khong je hnyikonyen tavat ae wejiji.

Isaia 35:8

Ke ame he ka hu hna cit gethen eling, me ke gethen, kʼ adre me he bi ka hwenyi ien e, me, gethen ae kap; ame ca he ka vheno e ge tavat ae kong; ke ame he ka hobi kodra: ke haba tavat vheno gethen, kʼ ame ne tavat ae monu, me adre me ca he ka he monu hnyin.

Isaia 40:4

Adre me he ka ogöranyâ ta je hnyigöuleny bucen hia, ke adre me he ka ohnyikânâ ta je bucen me ta je hut hia: ke adre me he ka owisa ta je dok ae hwahwali, ke adre me he ka othahonâ ta je dok ae ûjejöng:

Isaia 41:17

Tavat adre me vec, ke ta je theduoc, me adre me heleû köiö, me ba, ke atgec dö ta je bohmödra ge beic; ke oge me he bi nya Iehova ka thu kodra, oge me ca he bi nya Khongu Isaraela ka hna degeci ödra.

Isaia 41:3

E ame hnu hotudra, me he so; waleji hnyi gethen e ame tiga ca vheno ge li can.

Isaia 45:2

oge me he ka bok hnyi hnyimâkâm he ka okhabalavâ je dok ae ûjejöng: oge me he ka thö amamâ je hlinginy bras, ke subâ degecâ je ohmâiny fao:

Isaia 45:7

Oge me op lany ke oâ lit; oge me ânyâ ûsoköu, ke oâ hulo; inya Iehova at ame ânyâ ta je ûnyi hia thithö eling.

Isaia 48:17

Walang hna ha hnö Iehova at ame ûcû melâm, Kabi Isaraela: Inya Iehova Khongom, at ame nö u he ka hu troban, at ame su u hnyi gethen u me be ka vheno.

Isaia 52:12

Anyin a öbun e ca he ka he logot, ke öbun e ca he ka kec duöng; anyin ame he Iehova ka bân hnyi hnyimaköbun; kʼ ame he Khongu Isaraela ka he hotubun.

Isaia 54:13

Ke ame he Iehova ka nâ lakom hia; ke ame he ka gan hnahic anyin lakom.

Isaia 58:10

ke u je ne betenge ge at ae mekihnânem, me osekonâ at adre ovecâ; awe, ame he ka o melamâm hnyi menekholom, ke ame he anyâm lit ka helâ me jebigo:

Isaia 62:12

Ke adre me he ka; hwenyi iödra, Hnyei ae kap, A ûco Iehova: ke adre me he ka hwenyi iâm, Hna elâm, Taun adre degec.

Ezekiela 14:23

Ke adre me he ka otubweli öbun, öbun ka wâ je hwakecidra me anyidra je huliwa: ke öbun e be ka wâ a oge me ca ânyâ ke ba can bi ta je ûnyi hia waleji oge me ânyâ ka hnyin, haingen Than Iehova.

Hosea 2:14

Anyin a wale, wâ bi oge me he ka lelö e me hom e hnyebuba ai, me ita hofuc kâu.

Hosea 2:6

Anyin a wale, wâ bi, oge me he ka thelöng dem gethen ge je iwadekong, me hak veto, me me ca he ka wâ deny je gethen.

Amosa 5:8

elâm dö at ame ânyâ kukuûnyi me orion, kʼ ame wia hmenon mok ka hnyi hnyomakatu, at ame omenekhulumo lany me me lit; kʼ ame hawâ köien köiö ae gan me hingâlâ ka hnyi kânâ: Iehova ien;

Luka 3:5

Ame he ka öunöngötâ ta je hnyigoulen bucen hia, Kʼ ame he ka ohnyikânâ ta je bucen me ta je hut; Kʼ ame he ka wisa bi dok ae hwali, Ke okhabalaûâ but ta je gethen ae hokong;

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Efeso 5:8

anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam,

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.

Josua 3:4

Ke so ama hu hnyigöulöbun mē, haba tulut me helâ me lo li thauzan kubit: kʼ öbun e ca he ka hakekenyâ, mʼ öbun e he ka wâ gethen öbun e he ka vheno; anyin a öbun e tiga ca he hnyi gethen eling ehac.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ: