Isaia 42:13 - Iaai Bible 1901 (New Caledonia)

¹³ Ame he Iehova ka he helâ me at ae hwege; e ame he ka oâ tang hwege helâ me taben vat: e ame he ka kuku, eke, e ame he ka hongot goranyai; e ame he ka hwege hon je iwahnaihmiony mē.

Isaia 42:13 ပူးပေါင်းရင်းမြစ်များ

Salamo 118:16

Ame gorany dut hnyam a metö Iehova: Ame ânyâ hwegiâ hnen hnyam a metö Iehova.

Salamo 78:65

Waleling me me hmak dö Than helâ me at ame mokut, Helâ me at ae hwege ame kuku can ame ic waina.

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 31:4

Anyin a walang hna ha hnö Iehova könya, ka habe, Ame fuc hnyinʼ liona me nak liona hon haniny adre me ne hawâ tavat tuö mamoe ae se hia ûcon, kʼ ame ca outen ifucidra, kʼ ame ca iyâû ge imediödra; ke helâe ame he Iehova tuhan sabaoth ka utut he ka vat hnyi hon bucen Ziona, ke hon hutiny eling.

Isaia 37:32

Anyin ame he ka he ûheny Jerusalema ta je kolon, kʼ ame he ka he ûnyi hnyi bucen Ziona tavat adre me he ka möt: ame he ka ânyâ e ge weny ae gan ga Iehova tuhan sabaoth.

Isaia 63:15

Wâ ju ûnyi hnyi drany, me wâ ûnyi hnyi hnyabam ae kap me hmanenang; ewa wem ae hwege me hna ânyâ hnen manâm man? adre hom behânâ medien hnyekom me ânyâm betenge könya.

Isaia 66:14

Ke öbun e he ka wâ e, me ame he ka senyin je hnyekubun, ke ame he ka möt so je jeiöbun, helâ me je bâtân: ke ame he je athnyabainy ka khanʼ ödra hnyamö Iehova, ke e ame he ka hmonyin ka je iwahnaihmiony mē.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Jeremia 25:30

Anyin a wale, u me he ka perofeta kodra ta je hofuc ang hia me ha kodra, ka habe, Ame he Iehova ka kuku ethö, me fuc goranyai ûnyi hnyi hnyaban ae kap; e ame he ka kuku ûcon haleny haginy hnahat; e ame he ka kuku ûcon aten hmeledrany hia helâ me tavat adre me ututo wan vine.

Hosea 11:10

Adre me he ka hnu hotu Iehova, hnyat adre me he ka kuku helâ me liona: anyin a e ame he ka kuku thö, me ame he ka o je wanakat ûhedra jimeû hnyi öbubuny.

Joela 3:16

Ke ame he Iehova ka kuku hwege hnyi Ziona, me fuc ûnyi hnyi Jerusalema; ke ame he ka jijing drany me hmeledrany: ke haba Iehova e ame he ka hnân luabaduöng ka lakeiny, me hnabâ hobi kâu lakon Isaraela.

Amosa 1:2

Ke haingen, ka habe, Ame he Iehova ka kuku hwege hnyi Ziona, me fuc ûnyi hnyi Jerusalema; kʼ ame he bi ka tenge je hnyaban tavat tuö mamoe, kʼ ame he ka meleca ban Karemela.

Nahuma 1:2

Haba Iehova, me e Khong ame ciâ ke bi hwaban: Iehova ame bi hwaban, ke tren hmonyin; Iehova ame bi hwaban ka je iwahnaihmiony më, ke e ame ip hmonyin hobi kâu je iwahnaihmiony më.

Zefania 1:18

E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.

Zefania 3:8

Anyin a wale halubahing nya ju, haingö Iehova, ke ne o but bong oge me he ka höhöi ka hnyi hna söh: anyin a mou but hnyekuk he ka ûkhacaköuâ je hnyei, mʼ oge me he ka ûkhacaköuâ je dökhu, he ka hingâlâ hudrin anyik hmonyin, wale anyik wathethot ame ubâhlâ; anyin adre me he ka thong degecâ hnyei hia ge meicin anyik ciâ.