Isaia 42:11 - Iaai Bible 1901 (New Caledonia)

¹¹ E so ame fuc goranyai hnyebuba me je tauniny, a je taun ae ûhnyûkong ame labā at Kedara; e so ame khumöng tavat a aten Sela, e so adre me he ka hongot ethö hon bucen.

Isaia 42:11 ပူးပေါင်းရင်းမြစ်များ

Genese 25:23

Me Iehova ame ha kâû, ka habe, Lo li dökhu eû hnyi hnyekom, Ke u me he ka hnokoâ lo li hnyei: Kʼ ame he ke hnyei ka hwege hon ke hnyei; Kʼ ame he atö ka bi athnyabainy wakeiat.

Salamo 120:5

E köiö gak anyin a inya oge me laba kanyua hnyi Meseka, Ke unyin je uma mano hnyi Kedara!

Isaia 12:5

Khumöng dö kö Iehova; anyin a e ame ânyâ ta je ûnyi ae beönua: e so adre me omanenâ e hnyi hmeledrany hia.

Isaia 16:1

KUNÂ thö je lakon mamoe hobi kâu at muso hnyei ûheny Sela wale cicö hnyebubu, ka hnyi bucen anyin hluiny Ziona.

Isaia 21:16

Anyin ame ha helâng könya Than, ka habe, Hnyi huna a khaca, hoton ta je hunainy at ame hok hwaban, me ame he ka ta but hia hmanenanginy Kedera:

Isaia 32:16

Me ame he wisa ka laba hnyi hnyebuba, ke ame he hwakecin ae wisa ka laba hnyi hnyei belök.

Isaia 35:1

AME he hnyebuba me dok ae atgec ka senyin; kʼ ame he hnyot ka hobâ me vhong helâ me obedila.

Isaia 35:6

Me ame he ka gâ tavat ae kong cadra helâ me aila, kʼ ame he bi ka khumöng bohmen at ae hum: anyin ame he ka patrutrua köiö hnyi hnyebuba, me je wagewe hnyi dok ae hnyei baga.

Isaia 40:3

Ifucin at ame hongot, ka habe, Penapena thʼ öbun gethen de Iehova hnyi hnyebuba, okhabalavâ hna cit gethen hobi kâu Khonguta hnyi hnyei baga.

Isaia 43:19

Wâ bi, oge me he ka ânyâ ûnyi a teb ûnyi; kʼ ame he ka kû walang ang; ame ca he ka khanʼ öbun e? Oge me he ka bi gethen hnyi hnyebuba, me bi wagewe hnyi hnyei baga.

Isaia 52:7

E so hmonyin hon je bucen li can at ame hom ûthumetu ae so, at ame haimemenâ ûsoköu, at ame hom ûthumetu ae kese, at ame haimemenâ ûhomeli; at ame ha kö Ziona, ka habe, Ame musi Khongom!

Isaia 60:7

Adre me he ka ûkhacaköuâ je hnahat hia hnyi Kedera köu, kʼ ame he je mamoe bagainy Nebaioth hia ka bi athnyabaem: adre me he ka öliâ tabök tap hnyi so, ke oge me he ka omecâ uma umen anyik hmanenang.

Jeremia 21:13

Wâ bi, ûcûk u, at ame laba hnyi hnyigöulen kicin dok ae tha hon, haingö Iehova, öbun tavat, öbun e ha, ka habe, Ie at ame he ka utut köta? ke ie at ame he ka dit ka hnyi je hnyabata?

Jeremia 48:28

Öbun tavat öbun e laba hnyi Moaba lö, hna but je taun, ke labā thö je kic; mʼ u me helâ me biny at ame bi umen uma hnyi baten hnyimen op.

Jeremia 49:16

Ame iyawo u bi hnen hnyekom ge hnâm hna ootâ, u at ame laba hnyi je khekheiny kic, me je dok ae göranyin bucen: eja ke ne u je ne ip haûâm? ethö helâ me aeto, oge me he ka höi u ûheny e, haingö Iehova.

Jeremia 49:31

Todrö, ke he thʼ öbun ka hnyi hnyei ame laba so, kʼ adre me labā ke ba hmak, haingö Iehova, tavat ae ba hlinginy hwanuma me ohmâiny, kʼ adre me hake laba.

Ezekiela 27:21

Arabia me je thaniny hia Kedara, ödrin tavat adre me ûco möu je nokon mamoe, me je mamoe baga, me je got; wale hnödra hna ûco möu.

Obadia 1:3

A hia but omenu u bi hnen hnyekom ae bi gan, u at ame laba hnyi je op hnyi kic, ethö hnyabam; at ame ha hnyi hnyekon, ka habe, Ie at ame he ka ohnyikânö nya hnyikânâi?

Nahuma 1:15

Wâ bi, e hon je bucen li can at ame hom uthumetu ae so, at ame haimemenâ ûsoköu! Juda lö, tuö ju ânyâm je bijeû, ke thamuâ ânyâm je khöbi: anyin ame ca he hmetu at ae kong ka vhenu u; kʼ adre hia but subâ degecâ e.