Isaia 42:10 - Iaai Bible 1901 (New Caledonia)

¹⁰ Hai thö kö Iehova khumöng ae teb ûnyi, ke hna ogânâ e ûnyi hnyi can hmeledrany; öbun tavat öbun e ut hnyi köiöai, ke unöngötiny e, ke je bomene, ke ta je aten.

Isaia 42:10 ပူးပေါင်းရင်းမြစ်များ

I. Man Ûlabainy Je Than. 16:32

Ü thö köiö ae gan, me unöngötiny; E so e hobâ ta hnyei, me ta je ûnyi hia hnyin e;

Salamo 150:6

E so ame he ka oganö Ja hnen ta je ûnyi hia thithö ae hu homenân. Oganö Ja thʼ öbun.

Salamo 33:3

Khumöngö kâu khumöng ae teb ûnyi; Kokot metâ thö me hwan ae gan.

Salamo 40:3

E ame ip hnyi hnyimök khumöng ae teb ûnyi, wale he ka ogânâ Khonguta: Ame he tavat ae se ka wâ, me ot, Me geju kö Iehova.

Salamo 65:5

Khong lö, at ame omeli ohmun, U me he ka thu kohmun ge ta je ûnyi hnân outen hnyi hwakecin ae wisa. U thibi at adre me labageju kâu ke ne o but hnyi je can hmeledrany, Me hnyi köiö hnyi dok ae sâkâû:

Salamo 72:10

Ame he je than Tasesa me je bomene ka ham ta je bwihlany; Kʼ ame he je than Sheba me Seba ka ham ta je fat.

Salamo 96:11

E so ame he je drany he ka senyin, mo hmeledrany he ka hobâ; E so he ka û köiö me unöngötiny;

Salamo 97:1

IEHOVA ame musi; e so e hobâ hmeledrany; E so e senyin ta je bomene ae se hia.

Esodo 15:1

KE haba Mose me lakon Isaraela adre me tha khumöngö khumöng eang, ka habe, Oge me he ka khumöng kö Iehova anyin a e ame ti hom dökhu: A hia but khûâ hos me at ame tabâ ka hnyi köiö.

Esodo 20:11

anyin a Iehova ame op hnyi siks ta bong drany me hmeledrany, me köiö me ta je ûnyi hia eû hnyin, kʼ ame menâ hnyi bong a seveniny: waleling me me hahnahicâ bong sabath hnö Iehova me o kbâ.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 12:5

Khumöng dö kö Iehova; anyin a e ame ânyâ ta je ûnyi ae beönua: e so adre me omanenâ e hnyi hmeledrany hia.

Isaia 42:4

E ame ca he ka sēnyin me ngâ, ke ne o but e ame he ka ip hna owisa eang hmeledrany; ke ame he ta je bomene ka halubahingen anyin hnanyibu.

Isaia 44:23

Drany lö, khumöng dö, anyin a ânyâ e Iehova; je hnyikânâiny hmeledrany lö, hongot senyin dö; öbun je bucen lö, ie khumöng dö goranyai, ke hnyot minya, ke ta je ûö hia hnyin e: anyin a hia but Iehova ûcû Jekob, ke e ame he ka ogânâ e bi hnyi Isaraela.

Isaia 48:20

He but ûheny Babulona, kec dʼ öbun ge at Kaledaia; haimemenâ thö ge hwan khumöng, thumeto ju e, ha ju e ke ne o but hnyi can hmeledrany: ha thö, ka habe, A hia but Iehova ûcû melen athnyabainy a Jekob.

Isaia 49:13

Je drany lö, khumöng dö; hmeledrany lö, senyin dö; je bucen lö, ie khumöng dö goranyai: anyin a Iehova ame otubwelâ lakeiny, me e ame he ka betenge ge anyin tavat adre me oveci ödra.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 51:5

E hakekeny jut hwakecin ae wisa, a he but anyik ûhomeli, ke ame he li benyik ka owisa ta je hnyei; ke ame he ta je bomene ka halubahing nya, me labageju ka hnyi benyik.

Isaia 60:6

Ame he ka avi u hnen ta je kamela ae se hia, me je nak kamela ûnyi Midiana me Efa; adre me he ka o hia ûhedra Sheba: adre me he ka hom gol, me libanu, me haimemenâ hnân oganö Iehova.

Isaia 60:9

E hnathu, ame he je bomene ka halubahing nya, kʼ ame he ka bân je huiny Tasesa he ka hom lakom obaga ûnyi hnyi dok ae sâkâû, ke e unyidra anyidra sileva me gol, hobi kâu iö Iehova a Khongom, me Kabi Isaraela at ame ohmanenangi u.

Isaia 62:11

Wâ bi, Iehova ame hia but ha ka je can hmeledrany, ka habe, Ha thö ka hluiny Ziona, ka habe, Wâ bi, ame o but ânyâm ûhomeli; wâ bi, e unyin hwaban, ke e bi hnyi hnyimakan hwaban anyin huliwa.

Isaia 65:14

wâ bi, ame he je athnyabaik ka khumöng ge senyin hnyok, ke öbun e he bi öbun ka tenge ge hnyok ae hlöuhlöu, me kuku tenge ge vecin hanu.

Zefania 2:11

Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.

Hna Omanenâ 14:3

ke adre me khumöngö helâke khumöng a teb ûnyi hnyi hnyimakan theron, ke hnyi hnyimakan je ûnyi ae möt a vak ke wahingat: ke ba at ae khana he ka nâ khumöng e, ke so thibi tavat eling a wan haded ke fâte foa thauzan, tayat adre me ûco ûnyi hnyi hmeledrany.

Hna Omanenâ 5:9

Ke adre me khumöngö khumöng a teb ûnyi, ka habe, U thibi a u ûcû he ka hom tusi, me khong je hna ohmâ haten: anyin adre hlingö u, ke u je ûco hobi kâu Khong ge drâm tavat ûnyi hnyi ta je tribu hia thithö, me je hwen hnyei, me je hnyei me tavat,