Isaia 42:1 - Iaai Bible 1901 (New Caledonia)

¹ WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Isaia 42:1 ပူးပေါင်းရင်းမြစ်များ

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Salamo 72:4

E ame he ka owisa tavat ae vec hnyi hnyei, E ame he ka omelo lakon tavat ae ba ta ûnyi, Me thu omomono at ame ûokonguny.

Salamo 89:4

Oge me he ka otethmâ je mâtrânâm nyiele balua, Me otilâ ânyâm theron ke ne o but hnyi ta je dö hia. [Sela.

Isaia 2:4

Ke e ame he ka owisa ge ta je hnyei, me nâ je hnyei ae se: ke adre me he ka kokot anyidra je hele vat, me me hnân bi hwio kânâ, me dödra je ö hnân je bâlet adre dela kâu vine: ame ca he ke hnyei ka nang hele vat ka kot ke hnyei, ke adre me ca he hmetu bala he ka nâ vat.

Isaia 32:16

Me ame he wisa ka laba hnyi hnyebuba, ke ame he hwakecin ae wisa ka laba hnyi hnyei belök.

Isaia 41:8

Ke haba u Isaraela lö a athnyabaik, ke Jekob at oge me ûca, mâtrâni Aberahama a hanok;

Isaia 41:9

a u at oge me kât ûnyi hnyi je can hmeledrany, ke hawâ ûnyi hnyi je ke keihen e, ke ha köu, ka habe, U thibi, athnyabaik oge ûco u ke ca hna degeci u;

Isaia 42:2

E ame ca he ka ha hwegiâ, me fuc goranyai, kʼ ame ca he ka olöngâ ifucin eû hnyi gethen.

Isaia 43:10

Öbun tavat ohnathu nya, haingö Iehova, ke athnyabaik waleji oge me ûca: me me khanʼ öbun me labageju könya, me wâ ûnykûme a inya thibi; e ba ke Khong a ban ke bilik bi, ke haba khaca, me ba ke at hnyi hwabök.

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Isaia 52:13

Wâ bi, ame he athnyabaik ka ânyâ ûnyi ae metâ, adre me he ka ogöranyâ e, me obeönua e, me e ame he ka gorany hmonyin.

Isaia 53:11

E ame he ka wâ ivecin hanon me sekunâ: kʼ ame he athnyabaik ae wisa ka owisa tavat ae se hia ge hnen hna wâhmakhmeto: ke e ame he ka vadren anyidra ta je hulo.

Isaia 59:21

Ke haba inya, waleû anyik ûhihinyköu mödra, haingö Iehova: Haba hanuk at ame laba hom, me hok je hofuc waleji oge ip hnyi hnyimâm, ame ca he ka hia ûnyi hnyi hnyimâm, me hnyimen ta je mâtrânâm, me hnyimen ta je mâtrâniny ta je mâtrânâm, hwân walang ang, ke ne o but nyiele balua, haingö Iehova.

Isaia 61:1

E HUK hanon Than Iehova; anyin a hia but Iehova hû nya he ka khetâ uthumetu ae so ka tavat ae ilemuk; e ame kunö nya he ka lan tavat ae vec hnyekudra, me he ka ha hna hna bâûâ ka ta je bâ, me hna khong uma ce at ka tavat adre ca;

Isaia 63:1

IE at ang ame he jem ûheny Edoma, ae dra anyin ûkhaû ûheny Bozera; a at ae hmanenang ge anyin ûkhaû, kʼ ame he hnyi meciny anyin tang hwege Inya thibi, at ame ha hnyi wisa, at ae hwege he ka omelo.

Hagai 2:23

Hnyi bong eling, haingö Iehova tuhan sabaoth, oge me he ka hum u Zerubabela, nöku Sealetiela, athnyabaik, haingö Iehova, me wiö u helâ me ûnyi hnân ohmâ haten: anyin oge hia but ûcö u, haingö Iehova tuhan sabaoth.

Zakaria 3:8

Josua at bihut ae nua lö, long ju walang ang, u me lahanâm tavat adre me tot hnyi hnyimâkâm; anyin a ödra tavat me hnân haten: anyin a wâ bi, oge me he ka oâ athnyabaik wale Khûen.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Luka 3:22

me ame olo but kâu Hanu kap hnyi unyin, helâ me biny, ke ame o but hofuc ûnyi hnyi drany, ka habe, U thibi Nokuk a oûnykûmik; oge me senyin köu.

Luka 4:18

E but huk Hanon Than, Anyin a e ame hia but hû nya he ka khetâ ûthumetu ae so ka ta je theduoc: E ame hia but kunö nya he ka haimemenâ hna hna ka ta je hwenbâ, Ke hna bwele ka je wadröu, Ke he ka thang hnyat adre aat dö

Luka 4:19

Ke he ka khetâ hunainy ae ûcû ka Than.

Luka 9:35

Me ame o but hwan hofuc ûnyi hnyin ûlâ ame ha, ka habe, Wale Nokuk a ûcanök: long ju öbun kâu.

Ioane 16:32

Wâ bi, e hakekeny jut ûen, ke e but ang, mʼ adre me he ka ovesei öbun ka hnyi je hnyababun, ka hake inya thiju: ke ca hake inya bi, anyin a tha inya me Kamen.

Ioane 3:34

Anyin a haba at ame kunâ hnen Khong, me wale at ame ha je hofuc hwan Khong: anyin a e ame ca bâm Hanu hoton tulut.

Ioane 6:27

Ca huliwa bi hobi kâu jeû wale ûnyi ame he ka bobot, ke so bi jeû ae tet hmâ ke ne o but ka hnyi möt ame ca ba balua, wale ame he Nokon at ka ham köbun: anyin a wale at Kamen ame okeceâ haten hon, wale Khong.

Ta je huliwa 10:38

wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong.

Ta je huliwa 11:18

Ke adre bia but long hofuc e, me adre me laba hnyibû me ogânâ Khong me ha, ka kabe, E hnathu Khong ame ham ietra ka Aten ta je hnyei minya, mʼ adre me möt.

Ta je huliwa 28:28

Anyin a wale, wâhmakhmeto ju Öbun, a gʼ adre hia but kunâ ûhomeli eang anyin Khong ka Aten ta je hnyei: me adre me he minya ka long.

Ta je huliwa 9:15

Haba Than ame ha kâu, ka habe, He thö, anyin adre ûca e hnân anyik utkaia he ka kap tilâ iök ka Aten ke je hnyei, me ta je than, me lakon Isaraela:

Efeso 1:4

helâ me hnen hna ûcʼ öta kâu, kʼ adre me tiga ca bi taben hmeledrany, mʼ ate me he bi ka kap me ba hnyikonguta hnyi hnyimakan hnyi ibetengiö:

Efeso 1:6

hnân ogânâ hmanenanginy anyin ibetengiö baû, waleji a betenge baû köta ûnyi ge Oûnykûminy:

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Filipi 2:7

ke e ame ka ohnyikânâ e bi, me hom bongon athnyaba; ke e ame wia me me at;

Kolose 1:13

waleji at ame hûgûnʼ öta ûnyi hnyi maniny menekholom, me wiʼ öta ka hnyi dokhu dokhon Nokon a oûnykûminy;

I. Peteru 2:4

kʼ öbun e he kâu wale veto ae möt, ke a degec hnen tavat, ke a ûca hnen Khong, ke gan hmâ hwaban,

I. Peteru 2:6

Anyin adre me ha hnyi hna sihnalimen, ka habe, Wâ bi, inya oge me ip hnyi Ziona veto hnân kopiny adre ûca, ke gan hmâ hwaban: Ke ame ca he ka hmehma at ame labageju kâu.